أمل* :

حبيباتي اخباركم انا متأخره عن الحمل سنتين ونصف في البدايه كان عادي عندي شوي شوي بديت اتأزم كان تحاليلي سليمه بعدين مع التفكير يمكن تلخبطت هرموناتي لكن نوعا ما انا سليمه سويت اشعه الصبغه تمام مافيها شي جربت متابعه تبويض طبيعي ثم تنشيط وماحصل حمل انا الفتره الاخيره هذي نفسيتي تعبانه جدااا احس بيأس احاول اطرده بالقران والاستغفار والدعاء والذكر احاول اتذكر اللي حولي مثل حالتي لكن بدون فايده القلق والهم لعب فيني مهما صار عندي من ظروف ماانشغل ولا انسى خاصه قبل ماانام مدري شيصير فيني اتخيل المستقبل واخاف واوسوس كثير وافقد الامل كرررهت وقت النوم ماانام نومه زينه الا اذا مرهقه قوووه تخيلو اني افز من نومي كم مررره وانا خايفه بسبب كثره تفكيري اعرف مو زين ابد بس غصصصب عنيي كل المتأخرات كذا ولا بس انا ؟

حبيباتي اخباركم انا متأخره عن الحمل سنتين ونصف في البدايه كان عادي عندي شوي شوي بديت اتأزم كان...

لبى نفسي :

اموووووله كيفك وصباح الخير حسبتك ماجبتي اطفال ابدا انصددددمت نهاية كلامك عندك طفل !! وكذا شعورك وهذي احاسيسك ليش مايجي لك اطفال دامك جبتي اول امل الله سبحانه وتعالى يقول ( انا عند حسن ظن عبدي بي) انتي وش ظنك برب العالمين بيرزقك او لا يقدر يعطيك والا مايقدر طيب الشي الثاني الله قال ( فقلت استغفروا ربكم يرسل السماء عليكم مدرارا ويرزقكم باموال وبنين ) يعني بس نستغفر وبيعطينا الله اموال واطفال طيب الشي الثالث الرسول صلى الله عليه يقول (إن ربكم حيي كريم يستحي من عبده إذا رفع يديه إليه أن يردهما صفراً) يستحي ياامل يرد يدينك بدون اجابه بيعطيك اجابتك لكن ارفعي يديك في كل لحظه وقولي يارب بين الاذان والاقامه في كل سجده في اخر الليل الله قااادر اعطى مريم ولد بدون زوج واعطى زكريا وهو شايب وزوجته عاقر ( عقيم وفي سن الياس ) مايقدر يعطيك ياامل وانتي في اول عمرك ياامووووله الله يحب العبد اللحوح يعني ايش؟ يعني اللي يلح بالدعاء الحي يارب عطني توام اطفال معافيين من غير حول مني ولاقوه ترى مايعجزه ياامل وقااادر صدقيني بس اطرقي بابه يوميا وليلياآ والله والله مايردك حطي لك جدول تقرب لله 1/صلاة الضحى لاتفوتيها صدقه عن كل عضو في جسمك 2/الاستغفار بعدد كبيييير مو 100 والا200 حاولي توصلي للالوف 3/ صلاة الليل والدعاء فيه 4/الصدقه يوميا حطي لك ريال فصندوق عندك وانوي يارب هذي صدقه فنهاية الشهر اخرجيه للجمعيات وعطي احد محتاج 5/ تقدرين تكفلين يتيم اكفلي هذي صدقه اجرها عظيم 6/اختمي القران كل ثلاث ايام او كل اسبوع قد ماتقدرين كثري ختم حطي لك جدول عبادات وشوفي كيف راح تفرحين وترتاحين وارقي نفسك بالرقيه يمكن الخوف اللي فيك والقلق وووو كلها تحتاجين رقيه لها اشربي العصفر حطي شوي فمويه يشيل الخوف منك العمليات ماتسبب كل هالمشاكل من اول مره شيلي من راسك هالشي كل ماحسيتي بخوفك خذي نفس عمييييييييييق وقولي بصوت يااااااااااااااااااااااااااااااااااااااااارب وكلتك امري وتاملي يعني ايش وكلتي امرك لله امل قولي الحمدلله انا اكثر من مره تصير لي حمل ضعيف وينزل والله العظيم هالمره جاني خوف وبكاء وبعدها والله توجهت للقبله وقلت الحمممممدلله لان عندي يقين ان امري فيه خير وان ربي كاتب لي الخير واكيد فيه سبب انا اجهله وان باذن الله عند ربي الاعظم وبيعطيني انا متاكده برب العالمين انه بيعطيني لكن متى الله واعلم بصبر واحتسب وادعي سيبكينا الله فرحا باذن الله خلوا الامل بين عيونكم هذا ربنا خالقنا ماخلقنا لنشقى ياكثر الكلام اللي كتبته 😂اعذروني جميعا واحمدي ربك مانتي قدامي كان طالت المحاضره😂

اموووووله كيفك وصباح الخير حسبتك ماجبتي اطفال ابدا انصددددمت نهاية كلامك عندك طفل !! وكذا شعورك...

أمل* :

الله يجزااااكم خير يابنات كلكم آسفه اذا ضايقتكم او احبطتكم والله يبشرنا جميعا ويفرحنا يارب اعوذ بالله من الشيطان يدخل للانسان مع نقاط الضعف والله العافيه والصحه اكبر نعمه والانسان طماع يبي كل شي له والله كريم يبدل الحال في لحظه واتوقع الشخصيات تختلف انا قلقه بطبعي واشيل هم وكثره المراجعات وكلام الاطباء يزيد من التفكير وخاصه الاسبوع ماقبل الدوره اتوترر قوووه واحاول الاحظ اي تغيرات بجسمي 😔😔 الله يرحم حالنا ويهدي بالنا ويطمنا

الله يجزااااكم خير يابنات كلكم آسفه اذا ضايقتكم او احبطتكم والله يبشرنا جميعا ويفرحنا يارب اعوذ...