هلا بناااات الله يبارك فيكم كلكم ويرزقكم يالي تتمنون عاجلاً غير أجل ويتمم على الجميع بخير ..
صراحه ما ادري من وين ابدى بعضكم يعرف عني وعن تحاليلي وبعضكم لا وعن وضع زوجي ..
كش ملك تحليلي من امازون زي ما قالت لولفي وتجيكميه كبيره بس شركه غير الي ذكرتها بس تقريبا كلهم نفس الشي ..
اليوم شريت واحد من الصيدليه وبنزلكم صورته بعد شوي..


انا يا طويلات العمر تاركه الحبوب من سنه وعشر شهور وجلست بعدها على العزل سنه وبعدين بديت محاولات من شهر 11 ه وسبحان الله اتمنى كل شهر اكون حامل ودخلت بالتجمعات وتحاليلي سليمه وبعد اربع شهور طلبت زوجي يحلل واكتشفنا انه عنده نسبه تشوهات عاليه والحيامين الطبيعيه بس 4٪‏ بس االحركة 35٪‏ بس العدد ثلاث اضعاف الطبيعي فالاطباء قالوا انه طبيعي التشوهات ما تأثر بس طبيب واخد قال تلقيح مجهري ولا ارتحنا عاد التحليل بعدها بثلاث شهور وطلعت الطبيعية 5٪‏ والحركة60٪‏ ولا صار حمل وفحص كل شي سليم هرمونات ودوالي مافيه والنفسيه والله تعبانه كانت بالنسبه لي انا هو كان متفأل المهم خلال هالوقت اخذت ابره تفجيريه ولا صار حمل تركنا الموضوع بعدها وهو صار يهاوش انسي الموضوع وصراحه كنت احسب التبويض واحرص على التوت واتسدح بعدها وقت طويل وكل مره اتحسس للأعراض واخرتها تنزل الدورة قبل شهرين راجعت وطلع عندي ارتفاع بسيط بهرمون الذكوره بس الاشعه مافيه تكيس والتبويض ممتاز اعطتني الدكتوره كلوميد وتعبت منه مع صار عندي استجابه ممتازه ونزلت الدورة واعطتني بعدها كلوفاج وانا حريصه عليه ابي انحف وهذا ثاني شهر من الكلوفاج وصار حمل الحمل مع ان ما صار توت الا ثلاث مرات هالشهر بس يوم حسيت بالتبويض حرصت وانسدحت يمكن عشر دقايق مو زي اول اجلس ساعه .. وربي كتب سبحان الله يارب لك الحمد ...


الاعراض ( ملاحظه مهمه يابنات اعراض الدورة مثل الحمل ) لان بعضكم اكيد زي كنت اتحسس ويتهيأ لي اشياء واخرتها الدورة تنزل،،،


بديت احس باعراض الدورة قبل الدورة بخمس ايام من الالام صدر وجسمي مرهق وقلت بس بتنزل ويوم الخميس نزل علي بقعه دم صريح مع افرازات صفراء وانتم بالكرامه ولبست الفوطه وتركت الصلاه الى يوم السبت ومانزل شي نسيت اقولكم حللت قبل الدورة باسبوع سلبي مرتين ..السبت كنت مرهقه بس تقريبا صدري ما يعورني ومعاي افرازات صفراء بس وفيني انوم اتثاوب بين صديقاتي مع انها مو من عوايدي .. بعد اصبحت الاحد واحس مافيني شي غير الم ظهر خفيف لا يذكر قررت احلل ويارب لك الحمد على طول بان معي طبعا بعد النوم ..
طبعا نشبت لزوجي يحلل هالاسبوع ابي اشوف نسبه الحيامين الطبيعيه وان شاءالله بعلمكم بالنتيجه اول ما تطلع ..


حملي هو رحمه ورزق من ربي وقد يكون الكلوفاج سبب لان نقصت عليه كيلو تقريبا ويمكن ساعد على الحمل او ان زوجي تحسن والتحليل هو الفاصل واشكر ربي على كرمه والله بكيت وجلست انتفض يوم حللت والثلاثاء بحلل هرموني ان شاءالله




اي سؤال انا حاضرة ونسيت انصحكم بالصدقه والدعاء ..
وسبحان الله كنت مستبعده الحمل وتقريبا انشغلت بأشياء ثانيه بس الحمل ما يروح عن بالي ..
وحلمت قبل اسبوعين اني اتجهز اني بتزوج وكان العريس زوجي العزيز 😂
وفسرته على انه حمل طبعا انا المفسرة😎


طولت عليكم بس اي شي انا حاضره وترى خلال هالشهور شربت بردقوش واكلت اناناسواكلت كلوميد وماصار حمل الا بالشهر الي ما اخذت ولا شي فيه الا مستمره على الكلوفاج

تجاهلوا الاخطاء وتكرار بعض الكلمات اكتب لكم وانا اتخيل اني قدامكم واسولف 😂😂
وهذا تحليل اليوم الكتروني واتوقع كلير بلو

بنات ياليت تكتبون التحالليل اللى المفروض اسويها بالاسماء
اعرفfsh والlh وش معناتهم وكم بيكلفنى كل هالتحالليل

هرمون الحليب هو نفسه tsh

ياله قوموا دوروابالبيت هروله بسيطه واطلعوا وانزلوا الدرج وبعددها كاستين ماى جسمى يالمنى من سنه ونص ماسويت رياضه من جيت القصيم زدت عشره كيلو من هالسكريات واكل المطاعم مع ان ماناكل الا مره بالاسبوع لمن كنت بالشرقيه يومى كله حركه وروحاا وجييه بالرجلين والله يمكن ثلاث ساعات متقطعه باليوم امشى واشرب ماى كثير الرطوبه تجبرك
استغفرالله والله القعده تمرض