بسم الله الرحمـن الرحيم
حيـاكم الله حبيبـاتي في قربـات ( المتفالات بالفرج القريب)
أهدآف القروب :
1- التوآصل و التفآؤل
2- تقويـة الصله برب العآلمين
3- طرد الملل والفرآغ
4- العنآيه الصحيـه
5- إصلآح العيوب وتخطيهآ
6- نكون عرآيس هذي السنـه بإذن الله .
7- نتعرف على عادات بعضنا وخبرآتهم .
أسلوب البرنآمج :
نقسم العرآيس إلى مجموعآت ،
كل عروس تركز عـلى مجموعتهآ ب الدعم والدعآء و السؤآل والتوآصل
شروط القروب :
1- الإلتزآم × الإلتزآم × الإلتزآم ب التطبيق اليـومـي ، وإلا وش الفآيدهـ
كل يومـ ادخـي وأقري المـوضوع من أولـه لأخرهـ عشآن مآ تنسين وش قلت و وش المطلوب
2- طبقي البرنـامج على قدر أستطـعتـك ، رجآء أضغطـي على نفسـك شوي وطبقيـه وشجعـي بقية العرآيس
3- المشآركـه الوجدآنيه مع الجميع ، أقري جميع الردود وردي عليهآ كلهآ لآ تهمشين أحد ، ولآ تكون ردودك سطحيـه .
أو تجين تدعين وتمشين خلي ردودك ثريـه و مشجعـه ، و شآركي بكل حالآتك .
4- رآح يكون فيه بإذن الله شوية ترفيـه ف رجآء شآركـي .
5- حطـي شعآرك مجموعتـك في توقيعـي و تفآعلي مع الجميـع
6- تعآالي وعلمينآ وش سويتـي و وش طبقتـي ووشلون كآن أحسآسك والنتآئج اللي ظهرت عليـك
حسسي نفسك إن زوآجك أقرب مآيكون في هذي السنـه بإذن الله فعلمينآ كيف أستعدآدك .
7- لا تنسين تقرين كل ردودي بيكون فيها ان شاء الله معلومات مثريه و مواضيع حلوه تخص الزوآج
8-بنكون متفائلين خيـر ، ترآنا بنجهز أنفسنـا .. حطي معك دفتر خآص ب جهآزك بنشوف أراء بعض في المكياج والفساتين
و التساريح وكل شيء بنسولف عنه
الجانب الدينـي :
مآراح افصل في الموضوع وأقول هذآ حلآل وهذآ حـرآم
الحمد الله كلنـا مسلمآت وآعيات ومتعلمـات ونعرف الحـلآل والحـرآم
والهدف الـرئيسي من هذآ التجمـع هو تقويـة صلتنـا و ثقتنـا برب العآلمين
نبدأ بسم الله :
1- صلآتـك . صلآتـك :
عمود الدين .. لآتخلينهـا صلآة عآدهـ و إلآ تنـاقزين فيها لين تخـلصين وبس، إذآ مآحسيتي فيهـآ ب الطمأنينه
وإلآ مآخشعتـي عيديهآ و عيديهآ عآقبي نفسك لين توصلين ل الصلآة الصحيـحـه المقبولـه بإذن الله .
وأبيك تزيدين عـلى كل صلآة بعد مآتسلمين ( سجدهـ ) . .
وهـي سجدة الشكـر . أبد مآتضرك ، أسجدي وأشكري الله عـلى كـل حـال . أشكريـه على صحتـك وعآفيتـك
وكـل النعمـ اللي تنـاسيتيهـا وأهمها إنك مسلمـه ..
أقري إذكآر الصلآة . لآ تصلين وتطمـرين
2- الإستغفـار :
مـع الإستغفـار الـرزق المدرآر . هـ الشـي مآنختـلف عليـه . لكن من يدآوم عليـه
مآ أقولـك أستغفري ب اليـوم 1000 مرهـ . ولآ 2000 مـرهـ .
لآ . غلـط × غلـط ، أستغفـري بكـل وقت وأذكري الله في كـل وقت
سبحـي و هللـي و أستغفري و صلـي ع النبـي
3- القـرآن :
بإذن الله بنختمـ القرآن في شهـر . و هـ الشيء مـو صعـب آبد ولله الحمـد
كل يوم تقرأين (جزء وآحد) . مآ احدد لك وقت
أقريـه في الوقت اللي تحبين ، و قسميـه زي مآتبين ، أهم شيء مآيخلص اليومـ إلآ وانتـي خلصتـي جزء كآمل .
لآتقرين كأنك تقرين مجـله ، ركزي ع التجـويد والحركآت ، والمعآنـي و القصص والحكمـ وتدبريـه
وإذا خلصتـي علمينـا وش تأثرتـي فيـه في هـ الجزء .
وإلي متعودهـ تقرآ سورة البقـرهـ كل يوم رجآء لآ تتوقف وتتركهـآ . والله بيعينهـا
4- السنن :
- النوآفـل : حآولي إنـك مآ تتركينهآ
- صلآة الضحـى :
رجآء لآ تخلينهـا ، إذآ صـآحيـه كثر الله خيـرك لآ تخلينهـا
وإذآ نآيمـه أصحـي عشآنها ، إيـه أصحـي عشآنهـا
لو عـرفتـي الخير اللي فيهآ مافرطتـي فيهآ أبد .
- صلآة الليـل :
عـلى قدر إستطـعتـك . صلـي ركعتين أربع ست بقدر المستطآع
في الثلث الأخير من الليـل .. قومـي قبل صلآة الفجـر . وصلـي وأدعـي الله
لآزم تخجلين من نفسك وتقـومين غصب . لآن الله سبحآنه وتعآلـى في السمآء الدنيآ ينآدي عبآدهـ،
مآيبي منهم شي هو غني عنهم , ولكن يبي يرزقهم ويحقق أمنياتهم و يستجيب دعوآتهم . وإنتي نآيمـه !!
5- الدعآء
سلآآآح المؤمن . مآيرد البلآء إلآ الدعـاء
ألحـي على الله ب الدعآء في كل وقت كرري الأدعيـه
( ربي إني لمآ انزلت إلي من خير فقير ) . ( ربي لآ تذرنـي فردآ وأنت خير الوآرثين )
مآ احدد لك أدعيه معينـه لآ غلط .
إذا جلستـي على سجآدتـك ورفعتي يدينـك : اثنـي على الله وأشكريه واحمديـه ثم صلـي ع النبي
ثمن ي الله أبدي نآجي الله بدون تكلف وبدون تحديد، أشكي لله و ادعيه وترجيه ، نآجيه بأنكسآر
قولي : يآرب انك عآلم بحـالي و يآربي اني عبدك الضعيـف بحاجـه لعونك و رزقك ، يآربي ابي الستر والصلآح
ثم صلي ع النبي بعد مآتخلصين .
الحين نبي منـك 3 دقآيق ..
نبيك في المجمـوعـه تدعين لـ خويآتك في القروب
اللي في قروبـك كم عروسـه ، امسكـي وحدهـ وحدهـ
وإدعـي لهآ ، يآرب إنك ترزق فلآنه و تيسر أمر فلآنـه و تكتب الخير لـ فلآنـه
سجليهم عندك في ورقـه وأدعـي لهم ، ولآ تنسين أنهم بـ يدعون لـك
ادعـي لهم بـ الهدآيـه و الصلآح و الجنـه و الزوج الصآلح و الذريـه الطيبـه و الحيآة السعيدهـ
6- الثقـه ب الله :
قوي ثقتـك ب الله ، تأكدي أن دعوآتك لآترد
وإن رزقـك مكتـوب لـك . مآحد بيآخذهـ منك .
رزقك محدد عند رب العآلمين : متى و كيف هذآ علمـه عند رب العآلمين
الصبـر × الصبـر .
ملخـص :
1- المحافظه عـلى الصلآة الصحيحـه و السنن .
2- الأكثآر الإستغفـار .
3- قرآءة جزء من القرآن كل يوم .
4- صلآو الضحـى و صلآة الليـل يوميـا .
6- الثقـه ب الله
7- الدعآء ( خذي ورقه وسجـلي فيهآ اسماء البنآت اللي في قروبـك و ادعي لهم وادعي ل نفسك )
في كل صلآة و تحـري سآعات الإجـابه . إسألي الله التوفيق والهدآيـه والجنـه و رضآه عنك
وأسأليه الزوج الصـالح والحيـآة السعيدهـ و الذريـه الصالحـه
ملخـص :
1- المحافظه عـلى الصلآة الصحيحـه و السنن .
2- الأكثآر الإستغفـار .
3- قرآءة جزء من القرآن كل يوم .
4- صلآو الضحـى و صلآة الليـل يوميـا .
6- الثقـه ب الله
7- الدعآء ( خذي ورقه وسجـلي فيهآ اسماء البنآت اللي في قروبـك و ادعي لهم وادعي ل نفسك )
في كل صلآة و تحـري سآعات الإجـابه . إسألي الله التوفيق والهدآيـه والجنـه و رضآه عنك
وأسأليه الزوج الصـالح والحيـآة السعيدهـ و الذريـه الصالحـه
العنآيه الصحيـه :
انا ما احدد برنامج معين والا اكلفك بمستلزمات معينه لآ .. كلنا امكانياتنا مختلفه فلازم نراعي ه الشي
اذا انتي ماشيه على نظام معين كثفيه ، واذا ماعندك نظام اختاري النظام اللي يعجبك بس يكون يوميـاً
1- الوجـه :
محتاجه قناع للوجه عشآن يعطيه نضاره و أشرآق ويفتحـه انا بقترح لك قناعين مرره نتائجهم مبهره مع الإستمرآر
تصفي البشره وتفتحها وتقضي على عيوبها والسواد ..
أ- قناع الحلبه : اعجني حلبه بماء ورد وزبادي وحطيه مدة نص سآعه وشوفي بشرتك بعدها
ب- قناع السدر : اعجني سدر ب ماء ورد وشوية حليب بودره و حطيه على وجهك مدة نص ساعه وربي نعومه ولا في الخيال .
2- الشعر :
يوميا استخدمي الزيت المناسب لشعرك وحطيه على شعر نظيف عشآن توصلين للنتائج المطلوبه وحاولي هالشهر تقللين
من استخدآم الاستشوار والسيراميك والاشياء الحاره ع الشعير والكيميائيه مثل المثبتتات ، وبنصحك بشي زيين مره لتغذيه الشعر
أ- خذي بصله وثومه وقطعيهم اربع قطه وصبي عليها مويه وخليها تغلي 5 دقايق ثم خذي مويتها واعجني به كمية سدر على حسب طول شعرك
وحخليه مدة ساعتين ولا تنسين تغطين شعرك زين
ب- لا تخلين شعرك جاف ابد امسحيه عليه مسحه ب الزيت اللي يناسبك مادام انك جالسه ب البيت حتى لو ماغسلتيه
3- الجسم :
خلطة العروس لتفتيح البشرهـ
المقادير:
صابونة الغار+علبة ماء ورد+علبتين جلسويد صغيره+واحد جلسرين سائل+
فنجال واحد من كل زيت: زيت اللوز المر+زيت الخروع+زيت زيتون
وايضاء ملعقتين كبيره كركم للجسم وعلبة فكس صغيره
الطريقه:
تبشرون الصابونه وتحطونها بكاس فيه موية ورد من الليل للصباح علشان يذوب ولاصحيتو تجيبو الخلاط الكهربائي
وتضعو الصابون الذايب بموية الورد فيه وتضيفون فنجال من كل زيت وتضيفون الكركم وعلبتين الجلسويد والجلسرين
السائل وعلبة الفكس وتخلطونهم زين بالخلاط بعدين تضعوها بقزازه علشان الزجاج انظف شي
للاستخدام:
يدهن الجسم كامل لمدة ساعتين بعدين تجيبون ليفه افضل شي القفاز من بدي شوب تعصرون عليه ليمون
وتحطون ملح خشن وتبدئون بفرك الجسم بهدها تتروشوون وبتشوووفون الفرق طلع النتيجه يوم بعد يوم والله
تحسووون بنعووومه فضيعه وبياض مو طبيعي يفتح لون البشره بشكل هائل الاكواع والركب يخليها بياض قشطه
والاماكن الحساسه مااقولكم عليها نعومه وبياض. هذي افضل خلطه اسمها خلطة العروس
الـريـاضه :
بيكون عندنآ رياضه يوميـه لمدة ربع سـاعه بس
لا تقولين ماعندنا حوش امشي فيه والا ماعندي ألة رياضه والا ماعندي درج !
سوي الرياضه اللي تقدرين عليها
اطلعي الدرج وانزلي عدة مرآت بهدوء وتدرجي للهروله
او امشي في الحوش مدة ربع ساعه وانتي تهرولين شوي شوي لا تعورين نفسك
الرياضه انواع شوفي وش الرياضه اللي محتاجها جسمك
- لا تنسين يوميا تشربين 7 كاسات مويه .
- ولا تنسين ترطبين جسمك ب اللوشنات لا تخلينه جاف حاف