دورتي المفروص يوم الجمعة
هدا يومين تفاءلت وقلت مافي الم الدورة خفيفة نفس حملاتي الاولية مايجيني الم الدورة وعقب ماتنزل وافحص اكون حامل
ماشوف الا الالم جايني بشكل مفاجئ يعني بتنزل اكيد شنو نطرني ليوم الجمعة مافيني صبر
كل شهر يجي يوم الدورة واشوف روحي نظيفة امسح بالكلينس نظييييف وعقب ساعة او اقل ينزل دم وخيبة الامل مافي قدها ومن شهرين تأخرت يومين واصريت على زوجي ياخد تست يوم الي فتحته نزلت الدورة بس ماكسرت بروحي استخدمته طلع نقتف بس خاطري استخدم تست واحس روحي وصلت لهالمرحلة
ماسويت اي فحوصات مجرد الترا ساوند ع الرحم والمبايض قالت تمام وحلوين
ولا سويت تحاليل هرمونات ولا شي
قلت باكل اكلات تحفز الحمل مثل الاناناس والعسل والفولك اسد والفيتامينات بس اخدهم على اي اساس اذا ماعرف سبب التأخبر
ولا عارفة دكاترة ممتازين لهالحالات دكاترة نساء وولادة احسهم حق حوامل او التهابات والياف مو تأخير حمل
ودكاترة العقم تكاليفهم باهضة وبعد مامنهم ضمان
دعواتكم الله يرزقني ويفرج همي
دورتي المفروص يوم الجمعة
هدا يومين تفاءلت وقلت مافي الم الدورة خفيفة نفس حملاتي الاولية مايجيني...
حبيت ابشركم 🥺❤️
الحمدلله الذي بنعمته تتم الصالحات
حللت وطلعت حامل ما شاءالله تبارك الله
أسأل الله العظيم ان يتم حملي علئ خير ويرزقني لذة احتضان طفلي بصحه وسلامه🥺❤️💕
يارب عقبالكـم حبيباتي والله انكم في قلبي الله يبشركم مثل مابشرني😭❤️💕