مصريه وبحب مصر :

طاقة تعريف ب ( متفائلة جدا 1985) الاسم الحركي :توفي السن :25 متجوزة من كام سنة :سنتين سبب تأخر الحمل :تكيس مبايض حصل حمل قبل كدة و لا لأ :اه تلات مرات اول مرة بعد سنة زواج مجرد الدورة تاخرت اسبوع وكان هرمون الحمل 30 وثم تم اجهاض تلقائي,والمرة ال2 وال3 توقف نبض الجنين في الاسبوع 7 بدأتي تهتمي بموضوع الحمل بعد كام سنة جواز :بعد 8 شهور روحتي لكام دكتور :تلات دكاترة الدكتور اللي متابعة معاه دلوقتي :د.عادل فاروق ربنا يجعل في أيدة الخير متابعة معاه من اد ايه :6 شهور التحاليل الطبية اللي عملتيها : نسبة ال FSH : 1.8 نسبة ال LH :2.9 نسبة ال Prolactine :19 نسبة ال Broujesteron :PROGESTERON 12 اي نسب تانية زي الغدة الدرقية او هورمون الذكورة مثلا :NORMAL ايه الادوية اللي بتاخديها :سيدوفاج 850 مرتين يوميا + بارلوديل+فوليك اسد+بخفض وزني + رياضه استمريتي عليها اد ايه :6 شهور ثم أبدأ تنشيط ان شاء الله هل كان ليها اعراض معينة مميزة او لا :اه اول كام يوم من السيدوفاج تعبت اوي وسد نفسي جدا وطعم معدني في الفم بس راح بعد كده عملتي تلقيح او حقن مجهري قبل كدة : تؤ كام مرة : في اي مركز : مين الدكتور اللي تابع العملية : رأيك في المركز : في اعترافات تانية عاوزة تضيفيها قبل ما نقفل المحضر : تفائلو بالخير تجدووه انا متفائلة جدا ومازلت وهفضل ان شاء الله متفائلة جدا جدا عشان ربنا عارف الخير لينا وعارف ايه الوقت المناسب اللي ينفع يدينا اللي نتمناه نصيحة استغللي كل لحظه من حياتك في سعادة ورضا ربنا وحببي نفسك ولا تجعلي الاكتئاب هو صديقك فلن تصلي الي شي ابدا ابدا بالاكتئاب بل بالعكس ممكن يلخبط هرموناتك و , و, و .... وربنا يرزقنا جميعا بالذرية الصالحه اميييييين :icon28:تبارك الله توفي حامل الان بطاقة تعريف ب ( مميزات ) الاسم الحركي :ميزو السن :31 متجوزة من كام سنة :4سنوات سبب تأخر الحمل :تكيس المبايض حصل حمل قبل كدة و لا لأ :الحمد الله عندى احمد عمره 11شهر بدأتي تهتمي بموضوع الحمل بعد كام سنة جواز :من اول شهر روحتي لكام دكتور :4 دكاترة الدكتور اللي متابعة معاه دلوقتي :رجاء منصور متابعة معاه من اد ايه :من11/2007 التحاليل الطبية اللي عملتيها : نسبة ال FSH :7.7نسبة ال LH :مش فاكرة بس اكيد ضعف ه نسبة ال Prolactine :9 نسبة الBroujesteron : 4.75 اي نسب تانية زي الغدة الدرقية او هورمون الذكورة مثلا : ايه الادوية اللي بتاخديها : جلوكوفاج وابر مينوجون تنشيط وابر كومورنتفجيريه استمريتي عليها اد ايه :الجلوكوفاج 6شهور والتنشيط شهر واحد هل كان ليها اعراض معينة مميزة او لا :الجلوكوفاج بيقلب المعدة وقىء على طول بس بعد كدة اتعوت عليه ..التنشيط الم اسفل البطن والدكتورة نصحتنى انى اشرب سوائل كتير عملتي تلقيح او حقن مجهري قبل كدة :لا كام مرة : في اي مركز : مين الدكتور اللي تابع العملية : رأيك في المركز : في اعترافات تانية عاوزة تضيفيها قبل ما نقفل المحضر : طبعا انى الحمل بيد الله وكل اللى بنعمله كله اخذ بالاسباب يعنى ممكن نتعالج وكله يبقى تمام ومش يحصل حمل لانى ببساطة ربنا مش رايد دلوقتى فا دائما لازم نكون متعلقين بالله مش بالطبيب (وما تشاءون الا ان يشاء الله رب العالمين) bondoqa الاسم الحركى: سمسمه السن:28 متجوزة من كام سنة :سنتين سبب تأخر الحمل : فلةفى الحيوانات المنويه وتشوه وانا عندى انبوب مسدود حصل حمل قبل كدة و لا لأ : لا ولا مره بدأتي تهتمي بموضوع الحمل بعد كام سنة جواز : بعد سنه روحتي لكام دكتور :حوالى 3 بس متباعتيش غير عند 1 الدكتور اللي متابعة معاه دلوقتي: حاليا مفيش متابعة معاه من اد ايه :دكتورتى تباعت معاها حوالى8 شهور التحاليل الطبية اللي عملتيها : نسبة ال FSH :مش فاكره النسبه نسبة ال LH :مش فاكره بس كان مظبوط نسبة ال Prolactine :اكان عالى شويه واخدت دواء شهر وبعدين اتظبطت النسبه نسبة الProgesteron : عملته مره واحده وكان كويس بس مش فاكره النسبه اي نسب تانية زي الغدة الدرقية او هورمون الذكورة مثلا :الغده طلعت فيها خمول واخدتلها دواء ايه الادوية اللي بتاخديها :فوليك اسيد واسبرين استمريتي عليها اد ايه :بقالى 8 شهور هل كان ليها اعراض معينة مميزة او لا :لا عملتي تلقيح او حقن مجهري قبل كدة :حقن مجهرى كام مرة :3مرات مرتين فريش ومره مجمد في اي مركز : فى الكويت مين الدكتور اللي تابع العملية :ــــــ رأيك في المركز :اــــــــــــــــــ

طاقة تعريف ب ( متفائلة جدا 1985) الاسم الحركي :توفي السن :25 متجوزة من كام سنة :سنتين سبب...

مصريه وبحب مصر :

بطاقة تعريف ب ( muslima627 ) الاسم الحركي : مسلمه أو ممس السن :31 متجوزة من كام سنة :9 سنوات ونصف سبب تأخر الحمل : ولله الحمد الأسباب كتير ومتعدده كل طبيب كان ليه رأيه وأسبابه ولكن كلها تم علاجها والحمد لله (ضعف هرمون التبويض - تكيسات على المبايض - إلتهابات - إلتصاق بالأنبوب اليمين - ضيق في عنق الرحم - وجود أجسام مضاده في عنق الرحم - وغيره....... ) حصل حمل قبل كدة و لا لأ : ولله الحمد ربنا من علي ورزقني بجنة بدأتي تهتمي بموضوع الحمل بعد كام سنة جواز : بعد شهرين زواج روحتي لكام دكتور : هههههه تقريبا على ما أتذكر 16 طبيب ( نساء وولاده - علاج طبيعي - حجامه ) الدكتور اللي متابعة معاه دلوقتي : أنا مش متابعه حاليا مع حد من بعد ولادتي متابعة معاه من اد ايه : ............ التحاليل الطبية اللي عملتيها : كتير جدا وطبعا نسبها كانت بتختلف من تحليل للتاني ومع طول المده فمش هعرف أقول نسبها نسبة ال fsh : نسبة ال LH : نسبة ال Prolactine : نسبة ال Broujesteron : اي نسب تانية زي الغدة الدرقية او هورمون الذكورة مثلا : ايه الادوية اللي بتاخديها : حاليا بالتأكيد مبخدش استمريتي عليها اد ايه : والله أنا أخدت علاج كتير جدا وكل نظام كنت بستمر عليه فتره طويله جدا أقل فتره كانت بتبقى سنه هل كان ليها اعراض معينة مميزة او لا : طبعا كل علاج ليه أعراضه لكن علشان خاطر البيبي كان عندي إستعداد أتحمل أي شيء عملتي تلقيح او حقن مجهري قبل كدة : أيوه أطفال انابيب وحقن مجهري كام مرة : عملت ثلاثه، عمليتين أطفال أنابيب وعملية حقن مجهري وهيه ده اللي ربنا رزقني منها بجنة في اي مركز : أول إتنين في مركز الدكتور أبو الغار اللي هو المركز المصري والعمليه الثالثه في مركز جنين عند الدكتور حسام زكي مين الدكتور اللي تابع العملية : العمليه الأخيره الدكتور حسام والدكتور المساعد ليه الدكتور هاني رأيك في المركز : أولا :مركز الدكتور أبو الغار مميزاته (يمكن التواصل معاهم عبر الإنترنت - منظمين - تكاليف العمليه مقبوله) عيوبه (زحمه جداااااااا - مشفتش الدكتور أبو الغار إلا يوم العمليه -غير مطلعين على الحديث في الطب - عدم وجود غرفه مستقله لكل حاله في أيام العمليات ) ثانيا : مركز جنين مميزاته (منظمين جدا - وجود منسقات يمكن التحدث معهم بإستفاضه - متابعتهم لكل حاله بإهتمام وبالهاتف - نظافة المركز ووجود غرف مستقله لكل حاله - مقابله الدكتور حسام بنفسه والكلام معه بكل حريه - إطلاعه الدائم على كل جديد في الطب) عيوبه (عدم إمكانية التواصل عبر الإنترنت - زحمه جداااااا وطول مدة الإنتظار - إرتفاع تكلفة العمليه ) في اعترافات تانية عاوزة تضيفيها قبل ما نقفل المحضر : طبعا أنا ولله الحمد ربنا من عليه بجنة وكلام من قلبي ليكم كلكم أنا عملت حاجات كتير علشان أحمل وحابه أقولكم عليها علشان تستفيدو منها بإذن الله 1- التوكل على الله حق التوكل وتسليم الأمر كله لله 2- الرضا التام بكل حاجه ربنا يعملها 3- الأخذ بكل الأسباب المتاحه طبيه وغير طبيه لحد أخر نفس في عمري بدون زهق أو ملل 4- متوقفيش حياتك وتضيعي عمرك علشان مستنيه البيبي بالعكس إستغلي الفتره ده في إفادة المسلمين ونفسك أنا عن نفسي بدأت في حفظ القرآن وتحفيظه للأطفال 5- الدعاء ثم الدعاء ثم الدعاء (الدعاء نصف العباده ) 6- الإستغفار المستمر والصلاه على النبي عليه الصلاة والسلام بنية إن ربنا يهب لي الذريه الصالحه 7- الصدقه وياريتها تكون مستمره أو تبحثي عن أسره أو شخص في ضائقه وتفكي كربه بهذه النيه 8- الدعاء لكل اللي زيي إن ربنا يرزقهم بالذريه الصالحه 9- صلاة أربع ركعات ليللا بنية قيام الليل وقضاء الحاجه 10- وأخيرا التعلم والإطلاع والقرائه عن تفاصيل حالتك وعدم الجهل بها ويارب يارب يارب إرزق كل أخواتي في هذا الملف بالذريه الصالحه اللي يتمونها واللي نفسهم فيها وهبها لهم كما يتمونها وإعطيهم إياها حتى ترضيهم يارب العالمين ياربنا يارحيم يارب إنك على كل شيء قدير بطاقة تعريف ب ( اشتقت اليك) الاسم الحركي : شوشو السن : 28 متجوزة من كام سنة : 5 سنوات و نصف سبب تأخر الحمل : تأخر الحمل فى الطفل الثانى....والسبب تكيس مبايض حصل حمل قبل كدة و لا لأ : 3 مرات و لله الحمد...ربنا اكرمنى بأنس عمره 4 سنوات و نصف(يا رب يحفظه من كل شر)...وحصل تانى حمل و انتهى بإجهاض...وحاليا أكرمنى رب العالمين بالحمل . بدأتي تهتمي بموضوع الحمل بعد كام سنة جواز : بعد أربع شهور من إزالة المانع روحتي لكام دكتور : 3 الدكتور اللي متابعة معاه دلوقتي : د. عادل فاروق البيجاوي متابعة معاه من اد ايه : سنه التحاليل الطبية اللي عملتيها : أشعة الصبغة بالإضافة للتحاليل التالية نسبة ال FSH: اول مرة 4.9 - تانى مرة بعد سنه 6.2 نسبة ال LH : اول مرة 8.9 - تانى مرة 8.8 نسبة ال Prolactine : كان عالى بسبب التكيس و كل ما ينزل يطلع تانى..لذلك استمريت على دواء لتثبيته حتى حدث الحمل ( مره 18 - 36 - 3 - 18 -34 ) نسبة Progesterone: 6.7 و بعد العلاج 18.5 ثم 22 اي نسب تانية زي الغدة الدرقية او هرمون الذكورة مثلا : سليمة و الحمد لله ايه الادوية اللي بتاخديها : سيدوفاج 850 مرتين - دوستينكس ثم بارلوديل + أهم خطوة و هى فقد كل الوزن الزائد (سبب المشكلة الأساسى) ثم تنشيط للتبويض عن طريق كلوميد و حقن لمدة 3 شهور استمريتي عليها اد ايه : 9 شهور هل كان ليها اعراض معينة مميزة او لا : غثيان و تعب فى المعدة لكنها بتزول بعد أسبوع او اتنين من الاستمرار عليها عملتي تلقيح او حقن مجهري قبل كدة : لا كام مرة : في اي مركز : مين الدكتور اللي تابع العملية : رأيك في المركز : في اعترافات تانية عاوزة تضيفيها قبل ما نقفل المحضر : أولا...انا مؤمنه إننا لازم نسعى للحصول على أي شئ عايزينه طبعا بعد التوكل على الله و الإيمان ان كل شئ بأمره....و مش بس نسعى..لأ لازم نسعى السعى الصح...و نحاول نقرأ و نثقف نفسنا علشان نميز بين الصح و الغلط....و كمان منفرحش بالطبيب اللى بيقولنا كله كويس و كله تمام.....لازم نحدد المشكله علشان نمشى وراها....ونستفيد من تجارب الآخرين....لكن فى حدود ان يؤكدلنا التجارب ديه كلام علمى و منطقى و يوصفلنا الدوا طبيب فاهم... وطبعا قبل كل ده لازم نتوكل على الله...ومنجعلش موضوعا لحمل هو المحور اللى ندور عليه حياتنا...علشان منضيعش حياتنا و منفسدش حياة شركائنا...لانه أولا و أخيرا رزق من رب العالمين و ما علينا إلا السعى.... و كمان حاجة....لازم الصبر...اللى كان صعب عليا جدا فى البداية...و اللى للأسف ساعات الشيطان بيهيألنا ان طريقنا لسه طويييييييييييل فى حين اننا ممكن نكون فى نفس الوقت على بعد خطوة واحدة من تحقيق حلمنا... ودعواتكم ربنا يحفظ ابنى و يكملى على خير و يرزق كل أخواتى و يقر أعينهم بالذرية الصالحة و ميحرمش حد أبدا من هذه النعمة اللهم زد وبارك اختنا اشتقت اليك جابت عمر عشان يلعب مع انس

بطاقة تعريف ب ( muslima627 ) الاسم الحركي : مسلمه أو ممس السن :31 متجوزة من كام سنة :9 سنوات...

مصريه وبحب مصر :

بطاقة تعريف فاطمة الزهراء الاسم الحركي : طمطم السن : 35 متجوزة من كام سنة : 3سنوات سبب تأخر الحمل : لا يوجد سبب يعنى من عند الله حصل حمل قبل كدة و لا لأ : مرة واحدة وتوقف نبض الجنين فى الاسبوع الخامس بدأتي تهتمي بموضوع الحمل بعد كام سنة جواز : بعد 3 شهور روحتي لكام دكتور : تقريبا 8 الدكتور اللي متابعة معاه دلوقتي : الطبيب الذى ليس مثلة طبيب فهو حسبى وهو نعم الوكيل متابعة معاه من اد ايه : طول عمرى التحاليل الطبية اللي عملتيها :كل حاجة ممكنة عملتها حتى اشعة الصبغة والمنظار نسبة ال FSH : 7.8 نسبة ال LH :5.7 نسبة ال Prolactine :16 نسبة الBroujesteron :20 اي نسب تانية زي الغدة الدرقية او هورمون الذكورة مثلا : كلة تمام ولله الحمد ايه الادوية اللي بتاخديها : فوليك اسيد وسيدوفاج استمريتي عليها اد ايه : حوالى شهرين هل كان ليها اعراض معينة مميزة او لا : غثيان ووجع فى المعدة لكن زال بعد اسبوع تقريبا عملتي تلقيح او حقن مجهري قبل كدة :نعم عملت تلقيح صناعى مرتين وحقن مجهرى مرة كام مرة : في اي مركز :التلقيح الصناعى عند دكتور ثروت الاهوانى والحقن المجهرى عند دكتور اسماعيل ابو الفتوح مين الدكتور اللي تابع العملية :اسماعيل ابو الفتوح رأيك في المركز :المركز كويس لكن فية مشكلة فى الدكتور مش بيتابع مريضة كويس ومش بيعمل كل حاجة ممكنة لانجاح العملية طبعا انا عارفة ان الدكتور دة سبب لكن لازم نعمل كل حاجة ممكنة وبعد كدة نقول خلاص دى ارادة الرحمن يعنى ميبقاش فى تهاون مننا فهمتونى في اعترافات تانية عاوزة تضيفيها قبل ما نقفل المحضر : اة عايزة اقول حاجة مهمة لينا كلنا دعاء وارجو منكم ان تؤامنو ورائى اللهم أنت قلت وقولك الحق : (ادعوني استجب لكم) ، وقلت (وإذا سألك عبادي ‏عني فإني قريب أجيب دعوة الداعي إذا دعانِي ) ، وقلت : (أمن يجيب المضطر ‏إذا دعاه ويكشف السوء) اللهم يا من أجاب نوحا حين ناداه .. أجبنا ويا من كشف الضر عن أيوب في بلواه .. اكشف عنا الضر ويا من سمع يعقوب في شكواه ورد إليه يوسف وأخاه وبرحمته أرتد بصيرا وعادت النور عيناه .. اجبنا واشفنا وارزقنا ومنّ علينا بفيض جودك ‏وكرمك .. ‏ يا رب استجب لنا ،، من لنا غيرك ندعوه ونرجوه ،، عبيدك سوانا كثير وليس لنا ‏رب سواك ندعوه يارب استجب يارب استجب يارب استجب بطاقة تعريف اخت بنحبها في الله الاسم الحركى :الاخت:ص السن : 41 سنة وشهرين متزوجة من 4 سنوات سبب تأخر الحمل : عقم غير مسبب ... تم شفط كيس 1.5 سم على انه كيس شيكولاته لكن ثبت ان هذا المرض غير موجود لان الكيس لم يظهر مرة ثانية حصل حمل قبل كدة و لا لأ :لم يحدث حمل بدأتي تهتمي بموضوع الحمل بعد كام سنة جواز :بعد 3 شهور روحتي لكام دكتور :6 دكاترة الدكتور اللي متابعةمعاه دلوقتي : مازال البحث مستمرا وارجو الله ان يوفقنى لطبيب يتقى الله ونابه لعمل حقن مجهرى كلاكيت تالت مرة متابعة معاهمن اد ايه :..... التحاليلالطبية اللي عملتيها : نسبة ال FSH := 11.4 نسبة ال LH : = 5.19 نسبة ال Prolactin :9.31 نسبة الProjesterone :11.2 AMH :1.5 TSH = 0.74 Free T4 = 1.29 Anti- phospholipids IGg = 7.1.negative Anti-phospholipidis IgM = 4.9. negative ANA = 7.2 . negative Lupus anticoagulant LA1 = 37.8 LA2=34.8 LA1/LA2 = 1.08 negative عملتي تلقيح و حقن مجهري قبل كدة :4 مرات تلقيح صناعى وحقن مجهرى:3 مرات فياي مركز :التلقيح الصناعى اول وتانى وتالت مع دكتورة امينة مختار فى عيادتها المرة الرابعة مع دكتور شريف سامى فى مركز الخصوبة المتكامل بالنسبة للحقن المجهرى الاول مع دكتور شريف سامى فى مركز الخصوبة المتكامل المركز ممتاز من حيث الغرف والتعامل يعنى 5 نجوم اما المعمل فلا يشمل تقنية اليوم الخامس تانى مرة مع دكتور اشرف ابو على فى مركز المدينة للحقن المجهرى والمركز زفت من ناحية الغرف والتعامل ( الغرفة حاطيين فيها 3 حالات على الاقل والدولاب والحمام يستعمل من قبل العاملين فى المركز ؟؟؟؟ انا بعتلهم ميل بشتكى لكن مرضوش عليا اما المعمل فيشمل تقنية اليوم الخامس وفى انتظار نتيجة آخر محاولة آخر طبيب : دكتور محمد خليل هميسة - المركز العربى للخصوبة رأى فى المركز والطبيب : المركز هدوء جدا وكثافة الحالات فى اليوم قليلة الطبيب خلوق جدا وعلى علم واستريحت نفسيا فى التعامل معاه وده اهم حاجة فياعترافات تانية عاوزة تضيفيها قبل ما نقفل المحضر الاطفال دول رزق من عند ربنا ومكتبلنا فى الازل حنخلف ولا لأ لكن الانسان لابد ان يأخذ بالاسباب ويلح فى الدعاء ويتصدق ويستغفر الله . وانا عندى يقين بالله انه حيرزقنى بالاولاد الصالحين ومنتظرة ان ده يتحقق مهما طال الانتظار تعليق اخير : عمر ما كان فشل محاولة الحقن المجهرى سبب لترك الطبيب والمركز ولكن هناك عوامل اخرى اهمها عدم الراحة النفسية وعدم الاهتمام وقلة العلم واتخاذ الموضوع تجارة وبيزنس

بطاقة تعريف فاطمة الزهراء الاسم الحركي : طمطم السن : 35 متجوزة من كام سنة : 3سنوات سبب تأخر...

مصريه وبحب مصر :

ا بطاقة تعريف ب (نادية ) الاسم الحركي : نادانودو- نادو- نودى السن : 32 و 8 شهور- الاسكندرية متجوزة من كام سنة :3 سنين و 5 شهور ( مع زوجى فقط 11 شهر ) متقطعين لانه دائم السفر سبب تأخر الحمل :من الزوج عنده ضعف فى الحركة و اللزوجة زيادة و اخيرا عرفت انى عندى تكيس بعد 3 سنوات !!! حصل حمل قبل كدة و لا لأ :لا بدأتي تهتمي بموضوع الحمل بعد كام سنة جواز : اول سنة روحتي لكام دكتور :5 اطباء الدكتور اللي متابعة معاه دلوقتي : عادل فاروق البيجاوى متابعة معاه من اد ايه : 3 - 2010 التحاليل الطبية اللي عملتيها :عملت تحليل للهرمونات و كمان عملت اشعة صبغة نسبة ال FSH :8.71 نسبة ال LH :8.06 نسبة ال Prolactine : 22.8 نسبة الBroujesteron : لم افعله اي نسب تانية زي الغدة الدرقية او هورمون الذكورة مثلا : لم افعله ايه الادوية اللي بتاخديها : سيدوفاج 850 مرتين فى اليوم و (بارلوديل نصف قرص يوميا بالليل و من قبله اخدت دوستينكس لمدة شهر قرصين فى الاسبوع ) استمريتي عليها اد ايه : الدكتور عادل قالى الادوية لا توقف حتى لو حدث حمل هل كان ليها اعراض معينة مميزة او لا : السيدوفاج يسبب اسهال و البارلوديل مغص فى البطن عملتي تلقيح او حقن مجهري قبل كدة :نعم (تلقيح صناعى) كام مرة : 3 مرات في اي مركز : اول مرتين سنة 2009 عند عيادة دكتور هشام على موسى و مرة سنة 2010 فى مركز المدينة للخصوبة و الحقن المجهرى مين الدكتور اللي تابع العملية : الاولى و التانية هشام على موسى و الاخيرة اشرف ابو على رأيك في المركز : عيادة الدكتور هشام على موسى هادئة و هو دكتور هادىء جدا و مريح اما مركز المدينة الوضع مختلف تماما سرعة و عدم اهتمام و عدم وجود ضمير لانه و للاسف عملى تلقيح صناعى و حصلى فرط تنشيط و حصلى ضيق تنفس و كنت هاموت بمعنى الكلمة و الحمد لله على كل شىء اسفة لقولى هذا و ده ما حدث معى و الله اعلم في اعترافات تانية عاوزة تضيفيها قبل ما نقفل المحضر : فى نظرى موضوع التلقيح الصناعى او الحقن المجهرى محتاج مركز مشهور من قبل خبرات البنات حتى لو خارج مدينتك التى تعيشين فيها و لا تذهبى اختى من تلقاء نفسك للتجربة فى اى مركز لان فى كلتا الحالتين انتى بتدفعى فلوس و كمان وقت بيضيع و ده برضه عن تجربتى الشخصية ملحوظة السمنة لا تفيد مع العلاج دكتور عادل يؤكد دائما على ذلك لا يفيد العلاج مع وجود وزن زائد انا كنت عند دكتور عادل 60 كيلو انا الحمد لله الان 54 كيلو و ان شاء الله اوصل ل50 مع نهاية العام ان شاء الله ادعو لكل اخواتى بالذرية الصالحة الطيبة و انا معهن و كل المسلمين اجمعين يا رب

ا بطاقة تعريف ب (نادية ) الاسم الحركي : نادانودو- نادو- نودى السن : 32 و 8 شهور-...

مصريه وبحب مصر :

بطاقة تعريف ب ( مصرية رقيقة) الاسم الحركي : مصرية بسكوتة السن :29 متجوزة من كام سنة :4 وشهرين سبب تأخر الحمل : تكيس المبايض حصل حمل قبل كدة و لا لأ : مره واحده ونزل في الاسبوع السابع بدأتي تهتمي بموضوع الحمل بعد كام سنة جواز : اول شهر روحتي لكام دكتور : كتييييير الدكتور اللي متابعة معاه دلوقتي : مفيش اخده راااحه متابعة معاه من اد ايه : !!!!! التحاليل الطبية اللي عملتيها : معلش كل تحاليلي نسيتها في مصر بس قديمه هعيدها واقولكم نسبة ال FSH : نسبة ال LH : نسبة ال Prolactine : نسبة الBroujesteron : اي نسب تانية زي الغدة الدرقية او هورمون الذكورة مثلا : ايه الادوية اللي بتاخديها : جلوكوفاج 850 مرتين + دوفاستون ابتداء من اليوم ال 16 للدوره استمريتي عليها اد ايه : من اول شهر زواج هل كان ليها اعراض معينة مميزة او لا : الجلوكوفاج بيتعب المعده شويه بس اتعودت عملتي تلقيح او حقن مجهري قبل كدة : ايوه كام مرة : 7 مرات تلقيح ومره حقن مجهري في اي مركز : التلقيح الصناعي بره مصر في ابوظبي والحقن المجهري في مركز الخصوبه المتكامل مين الدكتور اللي تابع العملية : محمد يحيي رأيك في المركز : منظم ونظيف ولكن مفيش وقت كافي انى اتكلم مع الدكتور والسرعه في الكشف في اعترافات تانية عاوزة تضيفيها قبل ما نقفل المحضر : الاطفال مش سبب رئيسي في السعادة الزوجيه ولكن تفاهم الزوجين اهم بكتير لان ياما ازواج بيتطلقوا وبيكون بينهم اطفال وبالتالي الحب بين الزوجين هو أهم رابط وربنا يخلي لينا ازواجنا فوق راسنا يااارب . كمان الحمد لله على كل شئ ولو تأخر الحمل هو بلائي في الدنيا يبقى انا راضيه تمام الرضا وربنا يديم علينا الصحه والستر والرضا بما قسمه الله لنا ويرزقنا اجره بطاقة تعريف ب ( الاسم )اوشة الاسم الحركي :توتة السن 27 متجوزة من كام سنة :2 سبب تأخر الحمل : تكيس حصل حمل قبل كدة و لا لأ : نعم ونزل بدأتي تهتمي بموضوع الحمل بعد كام سنة جواز : بعد سنة روحتي لكام دكتور :3 الدكتور اللي متابعة معاه دلوقتي :تامر محمد محمود عيد متابعة معاه من اد ايه :من شهر 4 اللى فات حوالى سنة التحاليل الطبية اللي عملتيها : نسبة ال FSH :الاول كانت 5,9 وبعدشهرين 3,8 نسبة ال LH : الاول كانت13,6 وبعد شهرين7,9 نسبة ال Prolactine :الحمد لله اخر تحليل كان 1,2 نسبة الBroujesteron :اخر تحليل17 اي نسب تانية زي الغدة الدرقية او هورمون الذكورة مثلا :لا ايه الادوية اللي بتاخديها :السيدوفاج والبارلوديل ثم الكلوميدوالابر استمريتي عليها اد ايه :الاول والثانى سنة والاخير6شهور هل كان ليها اعراض معينة مميزة او لا :الاول والثانى غثياندوخة اسهالاعزكم الله عملتي تلقيح او حقن مجهري قبل كدة :لا كام مرة : في اي مركز : مين الدكتور اللي تابع العملية : رأيك في المركز : في اعترافات تانية عاوزة تضيفيها قبل ما نقفل المحضر : انا الان تركت كل الادوية ولجات لله الواحد الذى لا يعجزه شىء فى السماء والارض لانى تعبت نفسيا جدا جدا من الادوية سبحان الله عنده الدواء الذى ترتاح معه النفس وتهدا القران والاستغفار والله ارتحت كثيرا واصبحت لا افكر بالحمل مثل من قبل اللهم يا حى يا قيوم يا من تقول للشىء كن فيكون ارزقنا الحمل المعافاة الصالح واجعلنا من الصابرين واربط على قلوبنا وقر اعيوننا امين امين امين وصلى اللهم على سيدنا محمد وعلى اله وصحبيه وسلم

بطاقة تعريف ب ( مصرية رقيقة) الاسم الحركي : مصرية بسكوتة السن :29 متجوزة من كام سنة :4...