نصيحه اللي تبي تغير من نفسها تدخل المنتدى وتشوف الاخوات واهتمامهم في بيوتهم وربي لتتاخذهم قدوه ربي ليتغير حالها بدل لايكون النت ملهي بس لالا نستفيد منه وندخل على الاهتمامات بالمنزل وترتيب المطبخ والهنايه بالبيت وكيفيه ترتيبيه وربي لتتغير نفسيتك حيل
وكل ما كان البيت انظف كل ما كانت النفسيه غير وربي
والله ييسر لنا الخير حيث كان يارب
التوفيق للجميع

وانا بعد مهمله ومقصره في كل شي

انا اعترف سبب كسلي هو اني ما اشتغلت من الصغر ولاعرفت طريق المطبخ الا في الثانوي تربيت مع اولاد واخوي الكبير يرحمني ويطلب امي ما تكلفني بشي هو كان الساعد الايمن لامي يشتغل معها وعمره ما يشوفها تكلفني بشي الا يقوم فيه بدالي لحد ما طفح الكيل عندها وقالت البنت خربت ما بتطول اذا تزوجت واستلمتني بس المطبخ اعشقه لكن ترتيب تنظيف عميق لالا اتعب ولا اتحمل ومن جد هالشي خلاني كسوله

السلام عليكم اخواتي الحبيبات
احييكن على شجاعتكن اعرف الموضوع فيه احراج شوى بس ان شاء الله يكون هذا اخر عهدنا بالكسل
ليس العيب ان نخطيء لكن العيب ان نستنر في الخطأ

انا اعترف لكم اني غير كسوله ابدا وانما كنت اجهل اساسيات التنظيم واستغلال الوقت بالمفيد يعني عادي اكرف لبكره ولكن النتيجه كانت غير مرضيه بالنسبه لطموحي ، والى زاد الطين بله اني جبت خدامه بعد طفلي الثاني صح اني تركت البيت لها ولكن ابدعت في تربية عيالي والحين من كبروا عيالي مسكت الخدامات الباب من اوسع دروبه واعلانتها حرب عليهن مايدخلن بيتي الا لما اصير عجوز واحتاج من يخدمني فقط .