اهلا اهلا
ماشاء الله يعطيك الصحه و العافيه ما قصرتي ❤️❤️

هلا هلا بالسنعات
😎
الاحد >>
قمت الصباح بدري و نظفت الفرن و القلايه و لمعت المجلى و رتبت الكاونتر و مسحته و فرغت الثلاجه من بواقي الاكل و طلعته للبهايم _الله يكرمكم_ و مسحت الغلايه و شلت الملابس من على المنشر و رتبت الصاله ووو بس <هذا اللي اتذكره 🙈😙

و بعدها مسكت خط للديره 💓
👫 539104 👫
الاثنين ماسويت شي لاني رحت لاهلي من الصبح و لا رجعت الا اليوم العصر ❤️❤️❤️
👫 539106 👫

اليووووووووم 👇

بديت اشن الهجوم على بيتي الحبيب تدريجياً 😁

١-عملت غسيل لحوض الغساله <اتوماتيك ( بالله الجنه😅 ) ثم حطيت دفعة ملابس
٢-نضفت المكنسه الكهربائيه💪
٣-كنست الاسياب و الجلسه
٤-مسحت اثاث الجلسه و المرايا

بعدين طلعت اتقضى اغراض لعزيمة الخميس 😏

٥-بعد مارجعت رتبت المقاضي
٦-غسلت الحمام
٧-طبخت العشاء <<شاورما
٨-غسلت المواعين
٩-رتبت الجلسه
١٠-و بخرت البيت 😍

ووووو بس 🌷

👫 539108 👫

و عليكم السلام و رحمة الله و بركاتاللهنورتينا حبيبتي🌷
يا بعدي انتي اول شي توكلي على الله و كثري من قول ( لا حول و لا قوة الا بالله ) و صدقي بيعينك الله ❤️
و نصيحتي لك ابدأي بالتدريج حبه حبه لو ماتخلصي الشي الا في ثلاث ايام عادي اهم شي تنجزين 😍😍

ولا تحاولين تخلصينها في يوم واحد صدقيني بتجيبين العيد 🙈

الله يشفيك و يجمع لك بين الاجر و العافيه ❤️

النور نورك يامملكة الاخاء .ان شاء الله
    
مشكورة قلبي على النصيحة وجزاك الله الف خير .
بالنسبه لاعمالي الي سويتها اليوم  صحيت 6 الصباح  فتحت باب البيت عشان اهويه من ريحة البويه نظفت غرفة النوم وكنستها وحطيت ملابس كل واحد في درجه من غير تطبيق  نظفت الصاله  والسيراميك من القرابع الي فيها حقت العمال ورجعت نظفتها مرة ثانيه بسكين وسلك من اثار البويه سويت فطور لزوجي لانه صايم  ونظفت ارضيه المطبخ وبللت الصحون وغسلت ارضية الحمام  بس مو ذاك الزود لانه يبي له فلااااش وتنظيف عميق  نظفت المكنسة الكهربائيه ورتبت غرفة عيالي وكنستها  والحين مع ابو العيال ارتفعت حرارته والحين تعبان وولدي الصغير يبكي مو راضي ينام وانا في البيت مثل الممرضه من هنا لهناك  الله يأجرنا على اعمالنا  المهم بالنسبه لاعمال بكره  فانا ناويه ان شاءالله  امسك الحمام الله يكرمكم وتنظيف عميق وغسل ملابس  وتنظيف المطبخ والثلاجه  والله يعيننا جميعا ^_^ 
 

صباح الخير حوائياات كيفكم. انا الحين سهرانه مانمت ناويه اوصل ليليل عشان انظم نومي بقولكم امس وش سويت قعدت من النوم. 3سويت فطور لزوجي وهو يفطر ورحت نمت قعدت المغرب وافطرت انا وعيالي بعدها سويت العشا صينيه شاورما بعدها قمت شلت سجاد نفظته وكنست البيت مسحت غرفتي وغرفت عيالي غسلت السراميك غسلت الحمامات والمغاسل بعدها انتقلت للمطبخ وحطيت مويه مع زنجبيل بقدرعلى النار وخليتها تغلي وطفيت مروحه الشفط وطلعت من المطبخ جلست بالصاله نص ساعه لقيت المطبخ ياسلام ريحه زنجبيل ورقيت على مروحه الشفط مسحتها بمديل كالعاده بس والله احس الجدران صارت تلق مسحتها على خفيف ونسيت اقولكم قبل ممااحط الزنجبيل على النا غسلت المواعين وطلعت الزباله ومسحت الفرن والدرج والطاوله والكراسي وشفت دروجي من برى الي يحتاج مسحته رتبت الثلاجه ترتيب سريع اخر شي حطيت فيري وكلوركس وطلعت ربع ساعه وشطفته والححين جالسه والبيت ييلق الحمدلله بس ناويه انكب بيتي خلا الايام هاذي لاني ناويه اعزم ظيوف عندي