upppppp

السلام عليكم .. كيفكم .. اتمنى مساعدتكم يابنات ينبع .. انا من جده وطلبت وجاء تعييني في ينبع وسويت المقابله والصدمه لمن راح زوجي يوقع الكشف الطبي سأل وطلعت في المراميه .. وامس الخميس اخذنا جوله فيها وربي بعيده عن ينبع وخطها واحد للرايح والجاي .. وقلنا عادي بنصبر ونسكن في العيص طبعا زوجي معاي لان طفلي صغير ثمان شهور لسا مو متعود على شغاله ولا شي وزوجي بيأخذ اجازة بدون مرتب اللين نرتب اوضاعنا بس الصدمه العيص ابدا ابدا ابدا مافيها شقق مفروشه ولا شقق عاديه كلها مليانه وتحطمت وربي ايش سوي .. لو سويت عدول عن الوظيفه يسير لي شي .. ولمن استلم ورقه التوجيه يمدي اسوي بعدها عدول ولا لازم قبل .. طيب لو قلت بداوم من ينبع النخل .. بلاقي شقق عاديه طبعا المفروشه مافيها .. وكيف النقل والدوام منها .. متى امشي ومتى مدرسه المراميه يخرجونا عشان نوصل لبيوتنا وكيف اسعار النقل وكسف اتوواصل معهم .. وغير كذا تعرفو اذا ينبع النخل فيها حضانه كويسه .. وايش كمان .. لو ابدا ماقدرت اداوم بيعطو اجازة استثناي بس هالترم على الاقل اللين يكبر ولدي على الاقل يسير عمرة سنه وشهرين واقدر اخليه عند امي وارتب اوضاعي .. اتمنى خدمتكم .. ولكم كل الشكر

سؤال اخير كيف امكانية النقل سريعه .. بعضهم قالو ترم ةان شاءالله تنقلي نقل داخلي .. صحيح هالشي .. ولا راح امسكها سنين في المراميه ..

الواجدان الصامت
الشكوى لله كلنامحذفين اللي في الشرق واللي في الغرب واللي في الشمال واللي في الجنوب
انا من مكة وجاني ف رجال المع يعني عسير
وباخد عيالي معايا ومرمطة وتعب وربك يعين
اتمنيت اساعدك لكن للاسف ماعندي علم
يجي اللي يفيدك والله يفرج هم الجميع

اي والله ربك يعين وييسرها .. طيب كيف بتتصرفي مع عيالك .. وكم المسافه بين مدرستك ومقرك .. انا بتكون حدود 200لو سكنت في ينبع النخل وحدود 260 لو سكنت في ينبع البحر .. المصيبه قرى ينبع وضواحيها ابد ماتلاقي فيها شقق مفروشه هي بس العيص فيها عمارتين شقق مفروشه واحده مليانه معلمين ومعلمات والثانيه مرة رديئه وغبار ولدرجه ماحد مستأجر ومستغل الوضع يقول 6000الشهر .. الجنوب ماشاءالله كل قريه فيها شقق مفروشه واخت زوجي مستأجرة شقه مفروشه في الباحه الشهر 2500 ربك يعين ويكتب لنا الخيرة