وش المولات اللى زرتيها .. وياليت توضحين الاسعار الغاليهـ .. فى وين ؟

اللي تحتاج مترجمه في اسطنبول ترسلي ع الخاص عشان ابعثلها الرقم

مارديتو على استفساري عن بطاقة شحن الجوال

وينك يا ( من زمن جميل ) خابرتك والله ماتقصرين .

يابنات لايفوتكم التسوق من عثمان بيك شارع طويل كله محلات شريت منهم شنطتين الوحده ب80 ليره
يعني الثنتين ب160ليره
والله ياوحده من الشنط لاقيتها في جراند بازار ب250 ليره
بصراحه جراند بازار ماكنت ناويه اروح له لاني رايحه له بزيارتي اللي قبل سنتين بس رحت اشوف البيالات اللي يقولون انها ماتتكسر تدرون جالسين يضحكوا علي يقولوا هذي كذبه واشاعه جايتكم لان كثير اللي جوا يسألوا عنها قام يضرب قاعده البياله بالثانيه قال كذا ماتنكسر بس لو ارميها بالارض بتتكسر والله لفيت اكثر من خمس محلات نفس الكلام
فنصيحه مني لكم ان جراندبازار مايستاهل الزياره لانه غالي جدا وخاصه اذا شافوا العبايه رفعوا الاسعار والله والله اني لاقيه بسطه عند ميناء كبتاش يبيع شنط على 25ليره لقيت وحده نفسها عندهم ب250 تخيلوا الفرق الشاسع
ولاتفوتوا ماركه فلومار للميكب قشيت منها كثير لها فرع بالاستقلال وعثمان بيك وباماكن كثيره حتى بطربزون
وفيه مجموعه كافيهات باارتاكوي قبل الجسر المعلق مباشره مره حلوه وفيها ملاهي للاطفال وبسطات اكسسوارات تفتح النفس ولوح وشنط وشوزات شغلات كثيره اصلا الجلسه بهاالمنطقه ترد الروح على البسفور
واللي تروح اوزنجول وعجبها شي من محلاتهم تشريه لاتتردد شفت عندهم سكريات لونها فضي وبعضها فيها فصوص ملونه واستغليتها وقلت بلاقيها باسطنبول وللاسف مالقيتها نفسها اخذت شبيهه لها ب25ليره بنفس سعر هذيك
اخذتها من السوق المصري من ورا مليان محلات مواعين ومستلزمات الهدايا واجبان
ايه واكسسواراتهم مره مره حلوه وبالذات الخواتم تهبل بكل الاسواق
فيه محل ب عثمان بيه حق عطورات الماركه تعبأه اسمه H&G او العكس ناسيه يهبل والله اني حاطه بيدي منه بعد المغرب ونمت الى العصر من بكره موجوده الريحه مع ان العطر بشكل عام مايثبت فيني عشان كذا ماشريت لي ومره تحسفت
اللي خذيتها وجربتها هديه وجربتها لما رجعت العطر ب22ليره وتاخذين طقمه لوشن وديودرنت ب32 ليره
فيه بالاستقلال نفس نوعيه محلات العطور وارخص بس ماجربتها
فيه مطعم هندي اسمه المسافر جنب كرستال هوتيل بتقسيم مره لذيذ يعوض اللي فاقد رزنا
وفيه مطعم بركات بالاستقلال لذيذ بعد
فيه مقهى اسمه بيارلوتي تحسفت اني رحت له مايستاهل الروحه ابد تحته مقابر شكلها يروع
المقهى اللي لا تفوتونه اسمه اولوس بارك بمنطقه اورتاكوي يهبل بس غالي انا وزوجي وطفل دفعنا 155 ليره بس يستاهل
مره تعبت من الكتابه
رحله سعيده للكل

لو سمحتن اول مره اسافر تركيا واريد احجز طيران داخلى الى طرابزون ما اعرف احجز عن طريق المواقع اريد احجز يوم اوصل تركيا