☂☁☀♡تجمع المسافرات للدول الاوروبية☂☁☀♡

1 - اجواء باريس على اواخر رجب ( يونيو ) ... كيف بتكون ؟
شهر اوقست(اغسطس) حر عندهم والشهر اللي قبله بعد حر

2 - اسعار الوجبات السريعه مثل ماك و كنتاكي و البيتزا ( الأسعار عموماً في باريس ) .. كم ؟
الاسعاار عموما في فرنسا غالية تفرق كثير عن السعودية

3 - اللبس .. كيف يكون .. ( اهم سؤال ) ايش موقفهم من العباية و النقاب ..؟؟

انا اقمت فيها مو سياحة وكنت لابسة عباية ونقاب طبعا مو اسود رمادي وبني وبيج
وفي باريس عادي تشوفين نقاب اسود

تسلمي حبوبه

اهم شي عندي اسأل عن الوجبات السريعه 
لان مستحيل اذا سافرت برا اكل من اكل المطاعم وخاصه اللحوم
أخاف منها ... والا ايش رايكم 

وينكم حبوبات
يعني ماحد راح لباريس :(

نبي نستفيد منكم

الاماكن السياحيه في باريس ... دلونا عليها 

اول شي شو رايك نغير العنوان ونخليه لأوروبا راح تلاقين في تفاعل اكثر

لأن فرنسا بعد نظام حظر النقاب صار المسلمين يتخوفون منها ومنهم مقاطعه لهم

ثاني شي راح اذكر لك تجاربي في الشتاء مووووت برد وما تستمتعين لا بخضار ولا بتمشيه من البرد

اخر زياره لها 2011 في الصيف كان الجو روووووعه

سكنا قريب من الدزني لاند والاوت لت وفي مجمع ملاصق في الاوت لت وفيه كارفور

والحلو في كارفور فيه لحوم على الشريعة الاسلاميه بكل انواعه

ناخذ كباب وريش ولحم شوارما ونشوي في الفيلا فيها حديقه وجلسات خارجيه وشوايه

المطاعم الاسلاميه كثيره بس معظمها في باريس

تبعد باريس عن الدزني ساعه تقريباً او اقل شوي

باريس فيها الاماكن السياحيه قريبه من بعض

الشانزلازيه وبرج ايفل ومتحف اللوفر ونهر السين

انا اشوف 4 او 5 ايام تكفيها

وبعدها انتقلي الى سويسرا او النمسا احلى بكثير

نرجع لسؤالك

الوجبات السريعه ما اقربها لأن لحومها حرام

ولا احد يجيني ويقول كتابين

احنا نتكلم عن نوع الذبح هم معروف ذبحهم بواسطة الصعق الكهربائي او ماشبه ذلك

العبايه بالنسبه لي انا البس عباتي وراح تشوفين عالم من الخليجين بعباتهم في كل دول العالم

خصوصاً اهل الامارات 90% بعبايتهم وبراقعهم

فصار العبايه وضعها عادي ولا احد يستغرب سواء في اوروبا او امريكا

او ممكن تفصلين عباية ملونه

هذا الي اذكره وربي يوفق الجميع

أخت بسبوسة أنا معاك بإذن الله رايحة باغيس بتاريخ 28 يونيو لمدة 4 ليال وبعدها سويسرا وأخيرا ألمانيا ؟؟
ياااارب يسرها ؟؟
بنات حبيت أسألكم أش رايكم بزيارة قصر فرساي ومتحف اللوفر ؟؟ مادري مش داخلة مزاجي لأني ماأحب المتاحف ؟؟