صبايا اشفيكم نايمات
نبغى سواليف و هيك حكي

كل عام وانتم بخير

هههههههههههههه اما انا وزوجي كل شوي لنا طاري
مره هولندا وبلجيكا وباريس
ومره سويسرا

والحين لندن

قلنا باريس سافرنا لها العام وبلجيكا وهولندا حدهم الدولتين بالكثير اسبوع
وسويسرا حلوه بس بما انها طبيعيه تشبه النمسا قلنا خلنا نغير لان العام رحنا للنمسا

فايش رايكم بلندن والريف الانجليزي وانا ودي استكشف شي جديد واتقضى وهيك

من يحيا من يموت باقي على الرحله تقريبا ست شهور ونص تقريبا بس تعرفون لزوم التخطيط المبكر يوفر الكثير

حتى قضيت شتوي للشتاء وللسفر مره وحده
ان شاء الله

بنات كيفكم ان شاء الله بخير
ودي استشيركم بالنمسا والمانيا
ودي اروح لها بالصيف ومعي ٣ اطفال
تتوقعون ٣٠ الى ٣٥ الف تكفي السفره من الى لمدة اسبوعين
او انها قليله
العام كان مرره نفسي فيها بس زوجي متخوف من اوربا ماادري ليش
وحولنا على تركيا بس الحمدلله مرره كانت الرحله مرتبه وموفقه ومخطط لها بشكل ممتاز
ونفسي اسوي نفس الشي باوربا بس خايفه من الميزانيه
معان الامور الحمدلله كويسه بس ماادري ليش زوجي الله يصلحه معند يقول مابي اصرف ٤٠ الف وفوق على سفره
اخ بس مرره ابي اوربا ويارب يتحقق امنيتي

الصراحه اوربا تستاهل
حلال الفلوس عليها مو مثل بعض الدول
العام انا نفسك معي 3 اطفال وسفرتنا كانت للنمسا والمانيا وفرنسا لمدة 20 يوم
وكانت 45 الف ريال مع كل شي تقريبا مع التسوق ورجعنا بالباقي

استاجرنا بزيلامسي كوخ مررررررررررررره تجربه حلوه ومميزه
الشقق فندقيه 3 او اربع نجوم فرنسا والنمسا والمانيا
مع السياره والتذاكر
وكنا مخططين قبل الرحله بست شهور وسبق وسافر لها زوجي

وكانت احلى رحله ماشاء الله وماخذين عزبة صغيره من معلبات وسناك ومكرونه واشترينا اغراض من السوبر ماركات تعرفين اللي معه اطفال مو كل شي يشتهون ياكلونه

اتوقع تكفيك هالمزانيه لمدة اسبوعين 35 الف ريال بما انك رحتي تركيا لان تركيا غاليه واغلى من النمسا بعد
وميونخ خليها يومين للتوسق بس والعوده منها
واستاجرو شقق فندقيه 3 نجوم من موقع بوكنق
وسياره اوفر لكم
والتذاكر قصوها قبل الرحله ب5 شهور
وخوذي عزبه صغيره من سناك ومعلبات وخلي وجبه تكون بالشقه مثل العشاء والفطور
لان نهارهم طويل وخلي القهوه والغداء برا مع اني كنا نتعشاء ونتغداء ونتقهوى برا