اول واحد انتر هوم

وراح انزل لك بعض الصور للسكن الصالة او المطبخ او حديقة

واتمنى تستفيدون منهم

هلا والله أختي أم عزان

شكرًا على ردودك ... وشكرا على الموقع

وبالنسبة لدزني إحنا حجزنا 5 أيام في الماريوت يعني نبغى نكون على راحتنا ونشبع من دزني ومن الاوت لت لأننا في المرة الماضيه رحنا دزني يوم واحد وحوالي 6 ساعات قضينا معظمها في الاستوديو وشفنا فقط العرض في البارك يعني زي كأننا ما زرناها أساساً
وبعدين قضينا باقي الوقت لليل في القريه واستمتعنا فيها جداً من عروض السيرك وبعض الألعاب عشان كده قلت نرجع متأخر يعني مثلا الساعه 10

طيب أختي إذا ممكن وعندك خلفيه تعرفي كيف الأجواء في شهر اغسطس وهل حوالي 300 يورو كافيه لخمس أشخاص مابين مواصلات و فسح وأكل فقط من غير تسوق
وايش في أماكن ممكن يستمتعوا فيها العيال في باريس غير المتاحف وبرج ايفيل

ومعليش على اسئلتي الكثيرة بس باقي سؤال إحنا فندقنا في منطقه اسمها place de clichy أو هذا اسم محطة القطار اللي بجنب الفندق ، هل المنطقة دي معروفه وجيده وهل هي قريبه من الشانز ليزيه أم من الحي اللاتيني

والله إحنا لو على اسئلتنا مابتخلص بس عاد كله بأجره طولوا بالكم علينا ��

ماشاء الله 5 ايام كثيره حبتين بس اذا انتوا من النوع الي تحبون تستمتعون وتعطون الشي حقه ان شاء الله اموركم طيبه

يومين لدزني

يوم للاوت ليت والمول القريب من الاوت ليت وكارفور
وفي الاكواريوم

في يومين زياده

عموماً باريس ساعه وحده او اقل من نطقة الدزني

او ممكن تشوفون اي منطقة سياحيه تعملون جوله فيها

الاجواء في شهر اغسطس ربيعيه حلوه

الامور المادية اعذريني ما اعرف عنها بس يارب تكفي لان في الصيف تزيد الاسعار
هو المطاعم الي راح تكون غاليه خصوصاً الي في شارع الشانزلازيه
وتذاكر الاماكن السياحيه ممكن تاخذونها اون لاين حتى مايضيع وقتكم في الطوابير وممكن تكون اوفر

السياحه للعيال الصعود لبرج ايفل والتصوير
وجوله في نهر السين الي لاحظته على عيالي انبسطوا اكثر شي فيه

اسم هالمنطقه ما اعرفها بس ممكن على القوقل ماب تطلع لك المسافه بينهم

ونصيحتي ارجعي للصفحات السابقه وانسخي اي شي عن فرنسا راح تستفيدين بشغلات رايحه عن بالك

وربي يوفقكم

في حضن زوجي هالسكن في لنغنفيلد في مقاطعة انسبورك

نينداز سويسرا













تخيلي وانتي تعملين فطوركم او تطبيخين ومقابله هالمنظر والجو الراااائع