حبيبتي راحة البال دخلت بس عشان ارد عليك
بالنسبة لمخطط رحلتك راائع جدا الوصول لميونخ واستلام السيارة منها والبقاء فيها ليلة واحة للراحة فقط بعدها تتجهون للنمسا لزيلامسي او كابرون لأن كلها قريبة من بعض وكل وحدة احلىىىى من الثانية
بعدها التوجه لسويسرا واخر شي ترجعون من سويسرا لميونخ مرة ثانية لان تسليم السيارة في دولة ثانية عليه ضريبة توصل للضعف احيانا وللعلم الطريق من انترلاكن لميونخ ست ساعات تقريبا ومن احلى الطرق وبتمرون على شلالات الراين بالطريق وتجلسون في ميونخ كم ليلة

بالنسبة للرجال مافيه اييي مشكلة ابدا بالنسبة للحية ولافيه مضايقات ولاشي
العباية والنقاب انا لابسة عبايه كتف سوداء وطرحة كبيرة ونقاب والوضع طبيعي جداااا خاصة في النمسا والمانيا اما سويسرا رحنا لمنطقة حول انترلاكن ماارتحت فيها كانوا بعض الرجال يمرون من عندي ويتكلمون وهم معصبين مني بس مااحد تعرض لي بس انترلاكن نفسها مريحة جدااا حتى شفت حريم بعباياتهم عالراس

اتمنى افدتك بمعلوماتي واي استفسار انا بالخدمة

مرحبااا صباايا
الله يرزقكم الجنه انتوا ومن تحبون
تحمست مع موضوعكم
انا ماسبق لي اني سافرت برا ابد
ودي اسافر هالصيف اوروبا
وباذن الله معي وقت تكفون لا تحطموني
بس اعطوني افضل مخطط لمدة 14 يوم بنص شعبان انا وزوجي وطفلي عمره سبع شهور لثلاث او اربع دول من دون بريطانيا وفرنسا عشان الحجاب
الغى تعلموني من الالف للياء خطوه بخطوه وكم ممكن تكلفني الرحله لانا من ذوي الدخل المحدود ولا ابي الا اوروبا
الله يباعد بينكم وبين جهنم تردون علي باقرب وقت

بنت سعدى


انا باقترح عليك مدن جنب بعض او قريبه

انتى لازم تبحثي عن اماكنها السياحيه


النمسا >> متعودين على العبايه كلها خليجييين


سويسرا يسمونها جنة الله بارضه طبيعه خياااااااال

ووممكن المانيا >>> فيها ملاهى كبيررره ووتجي بمرتبة دزني لاند >>على كلام المكتب السياحي يقول ماتفرق عن دزني



وممكن تكتفين بسويسراااا مليااانه اماكن


ممكن ايطاليا وسويسرااا


بس ياختي بتسافرين بنص شعبان وتبغين تقتصدين وانتى مابعد حجزتي
لازم حجز بدرررررررى تذاكر فنادق



كل مابدرتي يكونتذاكرك انتي وزوجك بحدوود الخمس الاف

اذا تاخرتي توصل تذاكركم 10 او 9


الله يسهل لكم ويكتب لكم الخير




في كمان بالعرب المسافرون ينصحون بالشقق او الاكواخ باسويسرا ااااااااامنه وحلوه وارخص من الفنادق


يعني تقدرى تقتصدي قد ما تقدررري

امييييين يارب يابنت سعدى دخلت عشان دعواتك الحلوة

بقولك حاجة بس لاتتحطمين تأخرتي مرررة وماراح يمديك تحجزين وترتبين امورك
اولا- التذاكر بتصير عليك غااالية الحين عكس اذا حجزتيها من بداية السنة الميلادية لأن اغلب الخطوط يسوون عروض عالرحلات ، سويت لك سيرتش على الوقت اللي تبغينه لقيت ارخص رحلة على ميونخ (المانيا) لمدة 14 يوم لبالغين وطفل رضيع ب تسعة الاف ريال وشوي لكن لو اخذتيها في وقت ابكر ماراح يتعدى المبلغ خمسة الاف بس

ثانيا- خيارات السكن الحين بتقل كثييير لأن اغلبها انحجزت


ثالثا- بالنسبة للتكلفة تختلف اكيييد من شخص لآخر فيه ناس يسكنون في فنادق غالية والاكل يعتمد عالمطاعم فقط طبعا في هالحالة بيكلف كثييير غير دخوليات المنتزهات والاماكن السياحية
وفيه ناس يسكنون في شقق او بيوت ريفية وغالبا تكون ارخص وفيها مطبخ مجهز بالكامل والاكل يعتمد عالطبخ في اغلب الاحيان في هذي الحالة ماراح يكلف عليك شي كثير مجرد مشتروات السوبر ماركت
السنة اللي فاتت سكنت بزيلامسي في شقة في منزل عائلي رااائع جدا يتكون من غرفة نوم بحمامها وصالة كبييرة جزء منها مطبخ وطاولة طعام وجزء جلسة فيها كنب يتحول لسرير ودورة مياه كان ايجارها في اليوم ب 37 يورو بسسس لمدة 7 ايام + 50 يورو فاينل كليننج يطلع المجموع لاسبوع ب 1545 ريال بسسس

حبيبتي اذا يناسبك في اوقست يمكن يكون ارخص لك او خليها السنة الجاية ورتبي لها من بدري افضل لك خصوصا ميزانيتك محدودة

اذا محتاجة مساعدة انا تحت امرك

ياحبيلك ياانسانه الله يرزقك من حيث ماتحتسبين ولله زوجي قال مالي علاقه انتي حددي السكن والمخطط من الى وانا من جنبها وهو كسووول
ابي منك ترشحين لي سكن في كل منطقه ويكون يعني نظيييف ومرتب وامن وابي نظام اكواااخ وكذا يعني وياليت لو مافيها كلافه تشوفين لي كم يكلف السكن ابي ٤نجوم وعادي لو كان السكن في منطقه وحده في النمسا ونقدر نروح للكابرون وزلامسي وسالبرزوغ او رايك ننوع احسن
يعني سكن بميونخ والنمسا وسويسرا وش احسن انتر لاكن او جنيف