الله يشفيك ويعافيك
وجميع مرضى المسلمين
حبيبتي لاتنسين تقرائين على نفسك القران لان فيه شفاء
يمكن مرضك عن سبب اوعين
جربي جميع الطرق ولاتيئسي من رحمة الله

بس حبيت اسال عن التحاليل
كم يوم اخذتي على بال ماطلعت النتيجه

مين جربت الصمغ العربي لعلاج الكلي يابنات؟
وايه النتيجه؟

انا تحاليلي اسويها قبل الموعد بااسبوع

السلام عليك يا احلى وارق نساء الكون الله يشفيكم ويشفيني ويغفر لنا جميعا
انا بحكيلكم قصتي بكل صدق ومن غير تطويل وترى انا مواصلة لان الذئبة هذه الأيام لاعبة في نومي وهذي جديدة عليا علشان كده قلت ادور في احلى منتدى عن قلوب مثل قلبي ممكن تجاوب وتتبادل معاي تجاربي مع المرض .
بدا المض عندي قبال 10 سنوات كانت اموري كلها في الروب .بس في البدية كانت نكسة قوية جدا لدرجة اني اخذت ادوية الكون ومايعرفو الدكاترة اش عندي الي يداني ادوية قولون عصبي والي اداني ادوية ارتكاليا والي اداني ادوية اعصاب وكانت حالتي والله يابنات ماتسر العدو .كنت انام وانا ابكي من الألم والخوف لاني ماكنت اعرف الي حوالي حتى امي وابوي كنت اسالهم من انتم ولم اقوم الصباح مااقدر احرك مفاصلي تتيبس وكان ابوي الله يعطي طول العمر وراحة البال والصحة يقومني ويفك رجولي بشويش كاني بيبي تحت يدوه ويحركني الين الله يكرمكم ادخل الحمام وبعدها امي تكمل المهمة .وبعد ستة شهور الم وفقدان حس رحت عند مستشفى الملك فهد وعملت تحاليل هناك وطلعت الذئبة الحمراء وطبعا ماكنت اعرف معناها ولا حتى اش هى الحمد لله قال الدكتور لحقناها ولازم تبدا جرعات كرتوزون بسرعة بدات اخذ في اليوم 5ملجم بردنيزول 12حبة في اليوم وبلاكونيل وكالسيوم انتفخت وراح الألم الحمد لله في شهر تقريبا وترى جاتني وانا في اخر ترم في الجامعة وبعد علاج مر 3شهور انخطبت وتزوجت الحمد لله وجاني ببركت الله ولدين والمرض بعدها في فترات ركود ونشاط مفاجئ الحمد لله بس ان في اشياء اتغيرت في شخصيتي كثير صرت اعصب بسرعة واصرخ وابكي وانفعل من اي احد حتى لو مو مهم انفعل قدامه وكمان صرت افكر في ربي اكثر من اول وهذا احسن شئ صار في حياتي .
اليوم كتبت لكم لان المرض عندي نشيط وكنت لفترت 3سنوات استخدم الميثوتركسل زي الكيماوي وسبتة لان جاتني جلطة في الرقبة قبل 3شهور واخذت ابر سيولة وحبوب لمدة 8ايام طبعا اكتابت بس والله يابنات ماتصدقوي ان رفضت فكرت الجلطة وقلت مستحيل انا ماعندي شي ومسكت حبل الله وصرت احصن نفسي بدعاء الألم والحمد لله اقرئ تحصين الصباح والمساء ورحت سويت اشعة مقطعية لرقبتي وطلعت النتيجة مافي شئ تخيلو اختفت والله يابنات اني فرحت وقلت للدكتور يعني هى ماكانت موجودة ولا ايش السالفة قال ربي يحبك ورحمك بس انتبهى من الزعل والتوتر .رجعت لدكتوري وقلتله الي صار قال الحمد لله طبع بعدها كان الوضع تمام بس دحين لي شهر نومي ملخبط علما باني ادخل انام وقت ما اولادي ينامو بس مافي فايدة انا صاحية الين 8 الصباح وماني عارفة اش اسوي من التعب والذئبة مرتفعة ولو نمت اقوم بعد خمس دقائق تخيلو شوي واصيح من التعب ورجلي اليمين قايمة على وكملتها يدي اليمين وجالسة ابلع في مسكنات .كنت اخذ كلارا علشان انام الأسبوع الي فات بس ما ابغ اعود نفسي .قلت لدكتوري قال كذه المرض يسوي هذه التغيرات والاطرابات في النوم والسلوك.الله يشفينا يارب .في شئ ابغ انصحكم فية يا ارق نساء الكون لاتخافو من المرض ربنا اختارنا لاننا متميزات ابتلنا بمرض يمكن لو كان عند نساء غيرنا ماتحملوه وهذه مغفرة ذنوب واذاربنا ابتلانا في صحتنا اعطانا نعم كثيرة .والله اني تعبانة ونفسي ابكي من الألم الجسدي والنفسي لاني وانا معنوياتي مرتفعة احبط انا ابغ اقلكم اني ما اخذت اعشاب ولا اي شئ غير ادويتي خلال ال10سنوات والحمد لله متاكدة ان ربي راح يزيل هذا المرض وينظفه من دمي وانتم كمان لاتوقفو الأدوية حتى لو حملتم وانتبهو تحملو والمرض نشيط واذا ربي عطاكم اولاد عادي ممكن ترضعي وتاخذي الدواء وممكن تاخذي اعشاب بس باستشارت الدكتور الخاص بالمرض ولا توقفي الدواء لاي سبب كان وفي رمضان انا اخذه بعد الفطور .والي لسه ماتزوجت لاتخافي ترى الدنيا فيها خير كثير ليكي انا جاتني وانا بنت والله اني بعد ماملكت قلت لزوجي وراح معاي عند الدكتور وفهمه ان المرض خاص بجسمي وحتى اطفالي مالهم علاقة بيه والحمد لله طبعا كان لازم احطة في الصورة لان من حقة يعرف ويقدر اشياء كثيرة لاننا نحتاج لمعاملة خاصة جدا .وحطي في بالك الله قدنا وحنا قدالمسؤلية ترى احنا مونساء عاديات احنا متحديات مو بس للمرض لكل شئ يواجهنا في حياتنا خلينا نقوي بعض ومانخاف هذا جسدنا ودمنا وهى شويت ادوية والسلام اهم شي تسو رياضة وتاكلو اكل صحي وماتتعرضو للشمس وتبتعدو عن التوتر وصدقوني ماراح ترتفع الذئبة حتكون في فترة ركود طويلة ..والله يشفيكم ويشفيني