نجدية في الشرقية :

السلام عليكم ورحمة الله حبيبتي همسات انا اعاني من القرنيه المخروطيه بعيوني الثنتين بس اليمين اخف شوي من اليسار يعني عادني اقدر اقرا فيها شوي او اشوف بوضوح شوي اخف من اليسار اليسار صايره كلش ماعاد يوضح فيها لاقرايه ولا ملامح يادوب اشوف المجسم بس ولا ماادري وشلون الملامح قايله والقراءه ابد ماعاد اقدر اقرا فيها والعلاج ابدا ماسويت لها شي يقولون ماينفع لتس شي غير عدسات شبه صلبه يعني من جوا صلبه والحواف لينه استعملتها ومامن ذاك الزود احس متعبه شوي واذا لبستها تلتهب عيني شوي تجلس تحكني وتدمع فماعاد صرت البسهم وماشي وضعي حاليا بدون شي التلفزيون شاريه البلازما ابو 52 بوصه يعني كبير اشوف فيه ماعليه والنت مكبره الشاشه الا ابعد حد واكبر الخط علشان اقدر اقراه وراجعت الدكاتره رحت عند عبد الرشودي بكحال قبل يمكن ستة سنين او ثمان من زماان مااذكر متى بضبط وهو الي قالي انتي حالتتس متاخره شوي ماعاد ينفع معتس شي اصبري عليها لين تتعدين سن الثلاثين وانشوف هي بتستمر او لا اذا كانت وراثيه ممكن توقف عند حد معين في هالسن واذا استمرت في التراجع اصبري عليها لين تصيرين مررره مررره ماعاد تقدرين تمشين امورتس هنا بس تقدرين تسوين زراعه قرنيه بس دامتس تشوفين وماشيه امورتس ماانصحتس تسوين زراعة القرنيه الا اذا ساءت مره مره وصرتي ماعاد تقدرين تشوفين زين وقال اذا بتتحملين العدسات الصلبه وتمشي امورتس فيها استعمليها بس ترا هي تساعد في الرؤيه وماتوقف تدهور القرنيه المخروطيه ولا شي وقبل اسبوعين قلت خلني اروح اراجع اشوف اذا فيه شي بيوقف هالتراجع خاصة للعين اليمنى لان اليسرى خلاص راحت فيها الله يخلف علي ويوم رحت لمغربي قالي نفس الكلام يقول اليسرى ماينفع فيها غير زراعه القرنيه واما اليمن مانقدر نوقف تراجعها قلت اسمع ان الحلقات ممكن تحد من تراجع القرنيه المخروطيه وتوقف تراجعها قال لا موب صحيح من يقول ؟؟ الحلقات بس تحسن الشوف بس ونقدر نسويها لتس علشان تتضح لتس الرؤيه شوي وتصيرين تشوفين اوضح بس انا نوقف التراجع والتدهور الي يصيب القرنيه مانقدر قلت اسمع طرق توقف هالتدور قال هذولا الحالات الي في البدايه بس الي معاهم المخروطيه من زمان زيتتس مانقدر نسوي لهم شي وهذا انا جالسه على الله بصراحه محتاره مدري وش اسوي اسمع كلامهم واسوي زراعه قرنيه لعيني اليسار ولا اصبر على هالوضع ؟؟ ولا اصبر بعد كم سنه جايه ممكن الطب يتقدم في مجال القرنيه المخروطيه اكثر شوي ويمكن تصير فيه حلول غير الزراعه لان الطب لايمكن الواحد يتنباء بما قد يصل فيه من تطور حتى بالسنه الوحده كيف بعد كم سنه ؟؟ والله مدري وش السواة الله يعين ويفرجها من عنده علي وعليكم

السلام عليكم ورحمة الله حبيبتي همسات انا اعاني من القرنيه المخروطيه بعيوني الثنتين بس اليمين اخف...

شراشف بيضاء :

ضموني معاكم عندي قرنيه مخروطيه ابسألكم هل العدسات الصلبه تحلفظ على النظر ولا لا فقط تحسن الرؤيا ولا توقف التدهور انا نفسيتي تعبانه بعد ما عرفت ان عندي قرنيه مخروطيه

ضموني معاكم عندي قرنيه مخروطيه ابسألكم هل العدسات الصلبه تحلفظ على النظر ولا لا فقط تحسن الرؤيا...