صدى الحرمان99 :

الله يعافيك يا ام دودي ومشكورة على ردك .. بقولك شي يمكن ما اصدقينه .. انا مو خايفه من المرض بالعكس قدر الله وما شاء فعل .. انا خايفه على شكلي بس كيف بيكون لو فيه عمليه .. انا لسه بنوته افكر في شكلي وفي نفس الوقت فرحانه علشان ما اروح المدرسه فقط هههههههههههه اتعرفين تفكير البزران ... مدري متى بكبر

الله يعافيك يا ام دودي ومشكورة على ردك .. بقولك شي يمكن ما اصدقينه .. انا مو خايفه من المرض...

تحية وطن :

السلام عليكم ورحمة الله وبركاته اسأل الله العظيم رب العرش الكريم ان يمن عليكن بالشفاء اخواتي هذا المرض تطهير من الذنوب ..والله سبحانه اذا احب عبده ابتلاه.. حبيباتي اختي عمرها 26سنة وعندها ولد وبنت وفيها كتله في ثديها الايسر بحجم البيضة بس مافي الم...ايضاً زوجة خالي فيها الم قوي جداً في ثدييها ومحتارين..والى الآن ماراحوا المستشفى بس اختي شافتها الدكتورة اللي تعالجها يعني دكتورة نساء وولادة..المهم قالت لها تسوي تصوير بجهاز الماموغرام بس اختي متخوفه .. وكمان تبغى تسأل كم يكلف.. ولاتنسوهم من صالح دعواتكم...واسأل الله جلت قدرته ان يشفي كل مريض..

السلام عليكم ورحمة الله وبركاته اسأل الله العظيم رب العرش الكريم ان يمن عليكن بالشفاء اخواتي...

صدى الحرمان99 :

:44: اللهم ارحمنا برحمتك يا ارحم الراحمين .. اللهم اشفى جميع مرضى المسلمين ... انا جديده على المنتدى وعلى النت بكبره .. كنت ومازلت اتصفح كل منتديات عالم حواء كل الاقسام ما عدا هذا القسم كل ما اشوفه اقول الله يكفينا الشر وما عمري دخلته او حتى فكرت اني ادخله .. واليوم بس فكرت اني ادخله بعد :icon33: بعد ما اكتشفت اني مصابه بسرطان الثدي :44: انا لله وانا اليه راجعون .. المهم انا اكتشفت كتله في صدري اليمين من شهر شعبان فقلت لنفسي يمكن عقده لمفاوية وبتروح لحالها وما اهتميت نسيتها لانها ما تألمني و من اسبوعين بس رحت مستشفى خاص وسويت الفحوصات اللازمة وقالت لي الدكتورة اورام ما استوعبت كلامها من المفاجأة كل اللي قلته لا شعوريا ً الحمد لله وانا مبتسمه .. وحولتني على مستشفى حكومي قلت لها مابي حكومي ما حبها ابي مستشفى خاص قالت لا المستشفى الحكومي عنده امكانيات احسن من الخاص ..رحت المستشفى الحكومي واعادوا لي كل الفحوصات لكن قالوا لي انها اكياس مو اورام .. لكن هذا مو الحقيقة هذا بالاتفاق مع اهلي لانهم كانوا خايفين علي من الصدمه لاني كنت متقبله المرض بسعة صدر ويمكن مو مستوعبه من الصدمه ويوم اخذت الخزعه سألت الدكتور اللي اخذها عنها قالي كيس وخلاص شلته عندها انفجرت فيه كيف كيس وكيف شلته الدنيا مو فوضى وهي مجموعه اورام مو واحد وفي الصدرين مو في صدر واحد عندها تلعثم الدكتور وما عرف شنو يرد لان اهلي متفقين معه انه يطمني علشان ما اخاف واحاتي ,, وانا الحين صار لي ثلاث ايام انتظر نتيجة الخزعه .. الله يستر انا مو خايفه من المرض خايفه من العمليه خايفه اصحى منها وما شوف صدري :icon33:

:44: اللهم ارحمنا برحمتك يا ارحم الراحمين .. اللهم اشفى جميع مرضى المسلمين ... انا جديده على...