هلا اختي simply
مشكوره ع الرد يعطيك العافيه ،،،وأي دكتور تتعالجي عنده اذا انتي بالرياض؟؟
معاناتي معاناه
من قبل كنت أخذ دواء نفسي والحمدلله بطلته لي سنتين
بس كانت معي الآم في الرقبه والأكتاف واحيانا في يديني
طبعا سويت تحاليل وكمان الغده وطلعت سليمه
بعدين حللت فيتامين دال طلع ناقص مره طبعا أخذت علاج ومااستمريت ماهتميت للوضع
من العام بدأ الم في يدي اليسار ورجلي اليسار يجي فيها مثل الثقل وماخليت دكتور
كلهم يقولون سليمه واستمر الوضع كذا وحملت وولدت وانا نفاس تجيني الحاله في النص الأيسر للجسم
ثقل مع الم غريب ووجهي ولساني والعين كلها من جهة اليسار وكمان صداع مع دوار وكتمه أنا انجنيت قلت
أكيد جلطه خفتتتتت مره ونفسيتي تعبانه
رحت مستشفى وسوو لي أشعة رنين للراس والرقبه سليمه وتحاليل للغده والكالسيوم وصورة للدم والروماتزم
والتصلب وفيتامين دال كلها سليمه
الا ف دال ناقص وتعالجت منه والحمدلله ارتفع وخفت الام كنت اشتكي منها
الا الحاله اللي تجيني في الشق الأيسر
وقرر دكتور مخ وأعصاب ان عندي مرض الفيبروماليجيا
وأعطاني ليريكا٥٠ والحمدلله خف الثقل
لكن مازالت يدي وكتفي ورجلي كأنها نائمه بدون وخز طبعا
واحيانا ظهري
احس اني شرحت قصة حياتي من ولدت الى الحين ههههههههههه
يارب لك الحمد والشكر يارب اجعل ماصابني تكفير لذنوبي 

يعطيكم العافية اخواتي
زهرة تركية اعذريني ع التاخير امس احاول ادخل المنتدى ومو راضي
ماتشوفي شر فالافضل مثل ماقالت ذهب روحي لكتور روماتيزم معروف وشاطر
المرض مثله مثل الامراض المزمنة نتأقلم عليها والحمد لله شوفينا حلوين
والله يجعل لنا بكل امل اجر وتكفير للذنب
بالنسبة لفيتامين د نقصه يسبب اعراض كثيرة ومتعبة فعشان كذا استمري لعلاج فيتامين د
بالنسبة للجزء الايسر ماادري
انتي تعرضي لصدمة نفسية او ظروف قوية اثرت فيك؟
وبرضه ارقي نفسك
واستمري ع العلاج اللي كتبه الدكتور واذا تقدري روحي لدكتور روماتيزم
والله يشفيك

هلا روح التوت
حتى أنا مو راضي مافتح معي الا الساعه ١ الليل
بالنسبه لفيتامين دال ارتفع عندي لكن خفف الدكتور العلاج واستمر عليه
والحمد لله ماتعرضت لظروف ولا لصدمه نفسيه
المشكله ماعرف دكتور روماتزم هنا بالرياض كويس
رحت للحبيب عند دكتور مخ واعصاب
مادري عن دكتور الروماتيزم كيف عندهم
وعلى فكره اللي يقرر المرض هاذا دكتور الروماتيزم
واذا لا ليش اروح ممكن فيني روماتيزم ؟؟؟؟؟؟؟
المعذره اسألتي كثيره تحمليني
 

هلا روح التوت
حتى أنا مو راضي مافتح معي الا الساعه 1 الليل
بالنسبه لفيتامين دال ارتفع عندي لكن خفف الدكتور العلاج واستمر عليه
والحمد لله ماتعرضت لظروف ولا لصدمه نفسيه
المشكله ماعرف دكتور روماتزم هنا بالرياض كويس
رحت للحبيب عند دكتور مخ واعصاب
مادري عن دكتور الروماتيزم كيف عندهم
وعلى فكره اللي يقرر المرض هاذا دكتور الروماتيزم
واذا لا ليش اروح ممكن فيني روماتيزم ؟؟؟؟؟؟؟
المعذره اسألتي كثيره تحمليني
 

كيفك روح التوت ؟ ان شاء الله الحين احسن ؟

اختي زهرة تركيه .. بالنسبه لي رحت لكثييييير دكاترة في مستشفيات حكوميه وخاصه .. الصراحه ما شفت فايدة ..
ومن بعدها قاطعت الدكاترة والمستشفيات .

بس فيه الدكتور العرفج استشاري روماتيزم في العيادات التخصصيه الدقيقه على طريق الملك عبدالله مخرج 10 .

حسيت انه متفهم نوعا ما .. بس انا رحت له استشارة .

تقدرين تاخذين تحاليلك والاشعات وتروحين له بس علشان تتأكدين من التشخيص .

بس الصراحه اعراضك ما تنطبق مرة على مرض الفايبرو .. لان اكثر اعراضه الالم في كامل الجسم .. الارهاق الشديد .. الارق وصعوبات

في النوم .. الاكتئاب .. الصداع .. مشاكل في الجهاز الهضمي منها الالام وانتفاخات وغازات ......واعراض كثيرة غيرها لكن هذة ابرزها . وانتي ما ذكرتيها .

وبالنسبه للتخدير في الجنب الايسر الصراحه ما ادري .. لكن ممكن يكون السبب

نقص في فيتامين ب . اسألي الطبيب عن هالموضوع .

و طبيب الروماتيزم هو المتخصص بتشخيص مرض الفايبرو .. مو طبيب المخ والاعصاب .

رأي لا تأخذين ليريكا حتى تتأكدين من التشخيص .

وركزي على فيتامين دال .. لان نقصه حتى لو كان بسيط يأثر على الجسم بالكامل .

طمنينا عنك .