انا بدات اشك في هالمرض
بعض الاعراض ماتنطبق
بليز احد يحس بحرارة وززي اللسع في ظهره؟؟؟

اذا قصدك الم مع حرارة ممكن .. لكن لسع ما ادري الصراحه .

مشكله مرض الفايبرو انه له اعراض كثييييييييرة وممكن تختلف من

شخص لثاني .. لكن مثل ما ذكرت قبل .. له اعراض رئيسيه كلنا

نشترك فيها .

اذا شاكه بالاعراض لازم تاخذين راي طبيب ثاني علشان تتأكدين .

السلام عليكم
كيفكم بنات عساكم احسن يارب وبافضل حال
ادري والله هالمرض مايخلي احد مبسوط بس التفائل مطلوب
حبيبتي سمبلي شلونك وشكرا على الرد والنصائح و معليش ماقدرت ادخل هالفتره خبرك من بعد التعب.. بس الحمد لله كثير احسن الحين
روح التوت كيفك ياقلبي ان شاء الله بخير
جوانا حبيبتي انا عندي نفس اعراضك خدر وتنميل بالجانب الايسر... اللسع الي تحسين من الضغط على العصب بالرقبه يجيب حراره وكانه لسع لان انا كثير قريت عن هالشي من كثر ما عانيت
ومثل ماقالت اختي سمبلي هذا مرض اعراضه مو ثابته وعلى حسب الشخص اذا كان عنده اي تعب ثاني سبحان الله يتحد معه وتزيد الاعراضه
هالكلام من تجربة سنين :(
يعني في حالتنا اتوقع شد بالرقبه بسبب وضع او جلسه معينه يضغط على العصب او حتى التهاب بالاذن او الاسنان يمكن ماتحسي فيه بس الجسم يتاثر ... بالنسبه لي انا عندي دسك اسفل الظهر وانيميا زايدين الطين بله ... حتى لو عندك حساسيه من اي نوع من الاطعمه مثل لكتوز الحليب او القمح ممكن تزيد اعراضك بختصار لازم ترفعي مقاومتك ومناعتك بكل شكل ومن جميع النواحي
مثل لما يكون عندك نقص دم او فيتامينات مثل ف د تتحد اعراض الانيميا ونقص ف د مع المرض وتزيد الاعراض من دوخه ودوار وارهاق... حتى الزكام العادي يضعف مناعة الجسم واذا الناس ناموا بسببه اسبوع بالسرير احنا ننام شهر :( يالله الحمد لله على كل حال
حبيبتي زخات مطر هالمرض مايخوف هو الصدمه الاولى بس بعدين تحاولين تتعرفي عليه وعلى خبثه وان شاء الله تسيطرين على الاعراض مثل ماقالت اختي سمبلي الله يعطيها الصحه والعافيه يارب

بنات انا قريت موضوع عجبني وحسيت ان ممكن نستفيد منه

هالموضوع يتكلم عن فطريات الكانديدا بالجسم وانها تضعف مقاومة الجسم وهالفطريات موجوده دائما بالجسم بس مرات تتكاثر وتزيد وتسبب تعب بالجسم وارهاق مزمن اذا ماتعالجت ... وهي نفس اعراض مرضنا حتى في شرح بالموضوع عن كيف انها تضعف تدفق الدم للعضلات وتسبب التعب المزمن.. لانها تضعف مناعة الجسم وكاتبين انها ممكن تكون سبب للفيبرو... شوفوا يا بنات احد فيكم عانى من قبل من التهابات متكرره بالمهبل ولا الاذن ولا اللسان واخذ لها مضاد حيوي .. لان مذكور ان المضادت الحيويه بكثره تضعف المناعه وتعطي فرصه لهالفطريات تتكاثر وتسوي مستعمرات ويستمر الارهاق والتعب
والمقصود بالكنديدا فطريات المهبل والاذن والجهاز الهضمي والفم وعموما في شرح وافي بالموضوع يارب اكون جبت شي جديد ومفيد للكل ياررررررررررررب :)

بحاول اختصر عليكم البحث وبحط لكم كذا موقع


هذا الاول


http://www.4162070207.ca/arabic/diseases/diseases.aspx?diseaseID=11


وهذا حصلته هنا بالمنتدى
http://forum.hawaaworld.com/showthread.php?t=961052

وهذا بعد

http://www.awtaralqlob.com/vb/showthread.php?t=3674

هلا اختي المنسدحه .. شخبارك ؟

ان شاء تكونين احسن الحين .. الظاهر هالبرد لعب فينا لعب .. يارب يخلص البرد

بسرعه ......هذي دعوتي كل يوم (=

الله يجزاكي خير على الموضوع .. فعلا الكانديدا مشكله كبيرة وخاصه معنا ..

وانا علشان كذا ذكرت كبسولات الاسيدوفلس الي تساعد على مكافحته .

ان شاء الله البنات يقرون الموضوع .. ويستفيدون منه .

طمنينا عنك دائما .