Arwnad :

هلا بأختي الغالية حاليا الأدوية التي استعملها Amitriptyline فيتامين دال بنادول وقت الحاجة دهان روفيناك Rafenac مع الحمية التي أوصيت بها سابقا ماعدا التهريب بالخبز في بعض الاحيان فيتامين ب كومبلكس ولكن الالم لم يخف خصوصا اذا طلعت مع العائلة واضطريت للمشي ولو لمسافة قصيرة ارجع للبيت مكسرة وكأني عجوز كتوفي رقبتي فخوذي كلها الم فظيع الى الله المشتكى والحمد لله على كل حال من الاحوال

هلا بأختي الغالية حاليا الأدوية التي استعملها Amitriptyline فيتامين دال بنادول وقت الحاجة دهان...

simply-gold :

جربي العلاجات البديله .. ممكن تساعدك . وهذي مشكلتنا للاسف الشديد .. اقل مجهود يأثر علينا .. الصراحه مني عارفه ايش اقولك ؟! ... مع اني احاول قد ما اقدر اني ارفع معنويات البنات هنا .. وما ودي احبطك !! بس من تجربتي الالم ما يختفي ! .. ممكن يخف .. يتنقل من مكان لمكان .. لكن ما يختفي ! انتي مع الوقت بتعرفين اللمت حقك .. يعني بتعرفين متى توقفين الي تسوينه قبل ما يبدأ الالم . ولازم تحاولين تتجاهلين الالم ( بتقولين شفيها هذي .. شلون هالالم ممكن احد يتجاهله !! ) حاولي ... بالتدريب .. اشغلي مخك عن الالم .. لهي نفسك بأي شئ .. لا تفكرين فيه و تركزين عليه .. يعني شغله نفسيه ممكن تساعد على التأقلم مع وضعنا . انا اول ما مرضت بهالمرض .. تحسرت على حياتي حسره لايمكن تصدقينها .. فقدت حياتي الي اول .. فقدت اني اقدر امشي واطلع وانزل واركض من غير ما احس بالالم والتعب ..حسيت اني انسرقت !! انسرقت مني على الاقل 50 سنه !! يعني انتقلت فجأه من عمر الشباب الى الشيخوخه في لمحه بصر !!! لكن الحين تصدقين نسيت شلون الحياة من غير الم !!! نسيتها تماما .. احاول احيانا اتذكر شلون ياربي كنت اول ؟ ما عاد اذكر ! مثل لما يتوفى انسان عزيز علينا يكون وجهه بالاول محفور في ذاكرتنا .. ومع الوقت تبدأ الملامح تبهت تدريجيا الى ما تختفي تماما .. وفجأه تنسين وجه هالانسان بالمرة . صرت عايشه مع هالالم وكأنه ملازمني من يوم ما انولدت ! مني عارفه اذا كلامي هذا مفيد ولا لأ .. ولا حتى مفهوم اصلا . احاول اساعد وانا محتاجه مين يساعدني !! بس الا ما يجي الفرج يوم من الايام .

جربي العلاجات البديله .. ممكن تساعدك . وهذي مشكلتنا للاسف الشديد .. اقل مجهود يأثر علينا .. ...

زخــــ المطر ــا ت :

الله يشفيكم يارب

الله يشفيكم يارب

simply-gold :

اختي الغاليه ام عبدالله .. فعلا لنا الله .. والله ما يترك احد ابدا !! اول خطوة (للاسف ) ...هي انك تنسين تماما حياتك قبل المرض ! ولا تقارنين نفسك الحين بقبل .. ولا تقارنين نفسك باحد غيرك ! لانك اذا سويتي هالمقارنه ما حتكسبين شئ الا الالم والحسره !! لا تضيعين شهور وسنين من عمرك حزينه ومتحسرة مثل ما صار معاي !! وبالاخير من غير فايده .. لا انا الي رجعت مثل الاول .. ولا الي رضيت بحالتي ! واكتشفت هالشئ متأخر .. فضيعت سنين كان ممكن استفيد منها ! ابدي من جديد .. وكأنك توك تتعرفين على نفسك .. لا تطالبينها بشئ فوق طاقتها .. ولا تضغطين عليها ابدا . وعيشي يوم بيوم .. لا تفكرين بيوم راح .. ولا بيوم لسا في علم الغيب . و مع صعوبه الحاله الي عايشينها لاااااااااااااااااااازم دايما نذكر نعم الله علينا !! هذي طريقه ممكن تسوينها اذا مريتي بيوم سيئ .. جيبي ورقه وقلم .. وابدي اكتبي نعم الله عليكي ورقميها .. مثلا ... 1- الحمد لله ربي عطاني عيون اشوف فيها في الوقت الي فيه ملايين المكفوفين الي ما يعرفون من الدنيا الا الظلام الدايم !! 2- الحمد لله على نعمه السمع الي يفقدها كثيرين .. ا 3- الحمد لله لي ايدين استخدمها ورجلين امشي عليها ....الخ اول شئ لا يمكنك اصلا تعدين نعم الله كلها .. وبعدين لما تشوفين كل هالنعم ما شاء الله .. مقابل مرضنا .. بتحسين ايش كثر احنا بخير .. وانه الي عطانا الله اكثر بكثير من الي اخذه . وبعدها باذن الله تحسين بالرضا .. ومع ان الالم والتعب ما اختفوا بس بدل مهم واقفين قدامك ..تشوفين نفسك انتي قدام وهم خلفك . انا قلتها قبل .. العيش مع مرضنا هذا مثل الجهاد !! كانك في حرب جسديا ومعنويا طول الوقت !! والحرب لازم لها معنويات عاليه ! وباذن الله نكسب هالحرب ونؤجر عليها . ما تتخيلين ايش كثر احس بضيق وحزن لما اقرأ معاناه البنات هنا .. لاني حاسه وعايشه كل لحظه منها .. بس اكره اشوف احد ثاني يعاني نفس الشئ . وكلامي مجرد محاولات يائسه مني للمساعده .. في الوقت الي كلنا مرضى الفايبرو محنا لاقين مساعده من احد .

اختي الغاليه ام عبدالله .. فعلا لنا الله .. والله ما يترك احد ابدا !! اول خطوة (للاسف ) ...هي...