هلا فيكي اختي ( الم بالا امد )...... ان شاء الله تغيرين اسمك وتصيرين

( الم سابقا )

ما حتصدقين اذا قلت لك ان من اسوأ الامور بالنسبه اني اعرف احد عنده هالمرض !!

لاني اعرف بالضبط ايش ممكن يسوي للانسان .. وشلون يقلب حياته فوق تحت !!

بس الحمد لله على كل حال ..

احنا هنا بالتجمع نحاول نفيد بعضنا .. ونساعد بعض قد ما نقدر .

مشكورة جدا على ذكر تجربتك بس اسمحيلي بعض الاسئله :

- شلون كانت بدايتك مع المرض اذا تذكرين ؟ وهل فيه احد بالعائله مصاب بنفس

المرض ؟

- ايش هو البونستان ؟ هو مسكن عام ؟ او فقط لالم الدورة ؟

- ايش هي الادويه الي استخدمتيها ؟ وايش تجربتك معها ؟

واذا ممكن تذكرين اسمها بالانجليزي علشان يسهل علينا القراءه عنها .

- واخيرا ... اي شئ مفيد جربتيه نتمنى تشاركينا فيه .

عذرا على كثر الاسئله ..... وننتظرك

هلا ذهب وانتي بخير وصحة وعافية وسعادة دايما

الحمدلله الحال كويس بس لابد من التنغيصات

اختي الم حياك اختي نستفيد منك

انا فعلا ماشية بالعلاج المكمل الغذائي وبالرقية والقران
كنت اعمل حجامة دايما بعدين توقفت بسبب التعب وخاصة ان علامات التشريط ماتروح مني بسرعة وشفت جسمي متشوه
والا ودي اعمل لان لقيت تحسن من منه
كنت اعاني من العمود الفقري والمه وتحسن من بعد الحجامة
الدورة والمها صح ان مازال في الم بس مو مثل اول
وايام الدورة قلت بعس اول مع العلاج العضوي بسبب التكيسات

الحالة النفسية مهمة
ومثل ماقلتي ابتعاد عن الناس السلبيين وخاصة اللي مو متفهمين لحالة المرض او يسببوا مضايقة لي
ومريحة نفسي ومبتعد عن كل شئ يعكر مزاجي ومااعمل حساب لاني الزم ماعلي راحتي
مع ان الاكتئاب طاغي علي هالايام
احاول اعدل بنومي

بونستان ماارتحت له لكن استخدم كاتافلام عندكم تحت مسمى روفيناك

بانتظارك تفيدنا بتجاربك

مرحبا اختى

قضاء وقدر يارب لك الحمد والشكر

كانت بدياتي وهن شديد وما ابي اتحرك بعدين نوبات من تيبس العضلات القوي لدرجة اني ما احرك ايدي من الالم وظهري والله مرت على ايام امشي كاني راكعه

كانت جدا شديده ومؤلمه ولا احد اهتم لى وما كنت افهم شي لاني مراهقه

قبل سنتين اخوي تشخص بنفس المرض وهو يدرس برى ولا يدري عني

ponstan forte 500

اخذه وقت دوره قبل كنت اخذ ابر من الالم لكن دلني طبيب عليه واشوف انه اقل تاثير من الابره والالم يروح مشالله


طبعا الي عنده هالمرض تقل نسبة تحمل للالم مرررررررررره وهذا الي اكثر شي ملاحظ على المرضي
في تفاوت بالنسب لكن كل مما قل تحملك زاد الوضع سوء

وانا للاسف قال الاستشاري تحملك للالم زايد الموضوع سوء ما تتحملين وتحسين غير عن الناس اكثر منهم

لان الالم متفاوت حتى بين البشر الطبيعين


الادوية كثييييييييييييييره اخذت منها مضادة صرع وناسية الاسامي لاني ما اطول فيها

اخذت كرتزون تحسنت فتره ورجعت وسمنت على فاضي

المسكنات اخذت

اخذته حبوب وابر voltaren

طبعا تاثيره الجاني على ربو مو زين ابدا وانا معاى ربو وحسسية منه

غير كذا نصحني طبيب اتركه لانه ياثر لى الكلى

tramadol and tylenol 3
يسببون الادمان ورميتهم بالزباله تكرمين وحلفت لو اموت من الالم ما استخدمهم


وفي مرخيات العضلات اخذتها فتره طويله

نفعت بس تجيب نوووم ما تصلح للدوام ابدا


لكن نصيحه لا تستخدمون شي والله بطلت كل شي مو ناقصه اطيح بفشل كلوي واغسل واصير بمشكله ثانيه



اكثر شي مفيد ماء زمزم لما امسح فيها موضع الالم
المسك لابيض بين الرقبه و الاصداغ ريحتها تخفف التوتر وصداع
العسل مع المويه
الوضوء يريح نفسيه والاستعانه بالله كنت اذا ما قدرت اقوم من فراشي قلت بسم الله توكلت على الله

روحانيات بس هي الي تخفف المرض

الله يشفيني وياكم يارب

مشكورة امل بلا امد

( معليش غيرت اسمك .. بس من كثر ما اكره هالثلاث حروف .... الم !!

شئ اكره ومضطره اعيش معاه !! )

مشكورة على ذكر تجربتك .. انا نفس حالتك رافضه اخذ اي دواء كيميائي .. لاني الى الان ما لقيت لو دواء واحد نفع احد بحالتنا

بس لازم تجربين امور ثانيه .. العلاج البديل .. الاعشاب .. المكملات الغذائيه والفيتامينات .

حاولي ترجعين لمشاركاتنا في التجمع .. ذكرنا امور فادتنا .. وحسنت من الاعراض عندنا .

لا تنسين الدعاء !! اهم واول طريقنا للشفاء باذن الله ...

مع ان كل الدكاترة الي شفتهم اكدوا انه ما في علاج لمرضنا .. لكني املي بالله كبيييييييييييييييير !!

دائما ادعي لنفسي وللبنات هنا ولكل مريض .. وما دمتي صرتي معنا .. فلك مني دعوة ان شاء الله .

طمنينا عنك دائما

هلا والله روح التوت ..

زمان عنك يا شيخه !! .... طارت هالاجازة من غير ما نحس فيها .. مشغولين وفاضيين بنفس الوقت ... ما ادري شلون ( =

ايش هو العلاج العضوي الي ذكرتيه ؟ قصدك علاج للفايبرو او للتكيسات ؟