هههههه
والله ضحكتني النكت الله يوسع صدوركم بالعافيه.
شكرا اخواتي على الرد
وسواء كنت اعاني من هذا المرض او غيره. النتيجه. واحده. تعب جسدي وتعطل في امور حياتي النفسيه والجسديه. وما اقول الا يارب لك الحمد ولك الشكر ما ابتليتنا. الا لتطهرنا من ذنوبنا. ما بتليتنا الا لانك تحبنا وتريد ان نلقاك طاهرين. ما بتليتنا الا رفعه لدرجاتنا وتمحيص لنا.
ما ابتليتنا الا لحكمة انت اعلم بها منا
فلك الحمد ولك الشكر ماتعاقب الليل وانهار ولك الحمد والشكر عدد الاموات والاحياء ولك الحمد والشكر وعدد ماخلقت وذأت وبرأت

قال وهب بن منبه: لا يكون الرجل فقيها كامل الفقه حتى يعد البلاء نعمة ويعد الرخاء مصيبة، وذلك أن صاحب البلاء ينتظرالرخاء وصاحب الرخاء ينتظر البلاء و قال رسول الله (: يود أهل العافية يوم القيامة حين يعطى أهل البلاء الثواب لو أن جلودهم كانت قرضت في الدنيا بالمقارض ) رواه الترمذي

ياقلبي الغايب عذره معه :confused:... واحنا علينا نكتب وان شاء الله بيقرون الي كاتبينه ... وعلى فكره اتوقع في بنات وايد مو مسجلات بس يقرون عسى يكون لهم فايده يارب... وفي ناس تسوي بحث ويطلع لها هالتجمع بالصدفه وتستفيد من المكتوب حتى لو مافيه تواجد يومي للمجموعه .... مثل ما صار معي:glotz:
واختي على النيه اسمك وايد عاجبني فديتك
وفعلا كلنا ان شاء الله على النيه وربي يخفف عنك وعنا البلى ويعطينا القوه والعافيه جميعاااااااا
استمروا بوساعة الصدر والنكت خلونا نضحك شوي هههههههههههه
سمبلي حبيبتي بالنسبه للخبر لقيت اسم الدكتور وعنوانه هو رئيس عيادات الالم في لبنان واسمه نادر يونس هو الي كان يتكلم في الفيديوو سوى بحث يمكن تحصلين عنه معلومات اكثر من الي حصلت ويارب يكون هو نفس الدكتور
على فكره قلت لزوجي قوم نروح لبنان يفككونا هناك منها مساجات ومنها تجميل:buck: قالي انا جميل ووسيم انتى تبين تروحين بكيفك انا صغير ماني بكبرك هههههههههههه شفتي رده الشايب .... ثقه بالنفس عمياء فديت يا ناس الي منتهي تاريخهم ويكابرون ههههههههه

صادقه اختي على النيه بكل كلامك ..

اصلا هذه دار ابتلاء .. وكل انسان مبتلى بشئ في حياته .. ولكن ما بعد الضيق

الا الفرج باذن الله !! ولازم يكون عندنا امل بالشفاء في يوم من الايام !!

ونصيحتي اختي لازم تشوفين لك دكتور شاطر يعرف ايش فيكي .. ترى

التشخيص نص العلاج .

طمنينا عنك دائما .

المنسدحه .. فعلا الغايب عذره معه .. اهم شئ يكونون البنات بخير .

وان شاء الله بسوي بحث عن الدكتور الي ذكرتيه .. عسى ان شاء الله يكون

الموضوع حقيقي !! لاننا والله محتاجين تفكيك (:

وما شاء الله الرجال عندهم ثقه بالنفس لا اله الا الله عليهم .. مدري من وين

جايبينها ؟! تصدقين حتى الاطفال تلقين الولد : انا اقوى واحد بالعالم ! انا بطل

الكون !! واذا كبر شوي ( انا اوسم الشباب ) ( انا البنات لما يشوفوني يخقوني

عندي ) وفي المقابل طالعي البنات !! من وهي صغيرة ( ماما البنات ما يلعبون

معاي لاني مني حلوة !) واذا كبرت ( يالله خشمي مرة كبير ) ( يا ليتني اطول شوي .. ليتني انحف شوي ! ليتني افتح شوي )

ما في ثقه بالمرة !!

بس تدرين لا تسكتين ( وحده تحرش ههههه ) قولي له فهمتني غلط !!

انا اقصد المساج لي .. وعمليات التجميل لك !! ايش رايك ؟؟ هههههه

لمكافحه الصداع او الشقيقه :

- يجب تجنب الجوع وعدم الاكل لمدة طويله , وتوزيع خمسه او سته وجبات طول اليوم , بدل الثلاث وجبات المعروفه .

- تجنب اللحوم الباردة مثل : المارتديلا , البلوني , الهوت دوغ و البيبروني .

- تجنب المشروبات الباردة جدا والايس كريم لانها من مسببات الصداع .

- تجنب انواع الاجبان المعتقه مثل: البلو تشيز, التشيدر, الفيتا , الموزاريلا , البارمازان والاجبان المعاد تصنيعها .

- تجنب المأكولات الاتيه التي تقد تسبب الصداع :

- مادة MSG مونو صوديوم جلوتومات: وهي مادة محسنه للطعم يكثر استخدامها في المطاعم الصينيه وفي الشيبسات والمعلبات .

- الكافيين .

- الاطعمه المصنعه والمعلبات .

- المحليات الصناعيه مثل: الاسبراتيم , نوتراسويت وغيرها .

- البيتزا والتشيبسات .

- بعض الفواكهه مثل الموز الناضج جدا والحمضيات .

- الفواكهه المجففه .

- الالبان المخمرة .

- التقليل من الدهون في الوجبات .

كما انا تناول مكملات ال اوميغا 3 قد تخفف من نوبات الصداع .