الخيرة فيما اختار الله والله يابنات احسها جمره في قلبي لكن اسأل الله ان يبردها بوظيفة جنب بيتي تريحني وتطيب خاطري واياكم يا أخوات..وان ينتقم لنا ممن علقنا بالآمال ثم حذفنا اخر الدنيا..
ع فكره انا ماقلت لكم قصتي أنا جاء تعييني عند أهلي والمجمع قريب من بيتهم لكن مشكلتي ولدي بيدرس اولى ابتدائي والمدارس هناك ماتشجع سمعتها..ولا يوجد مواصلات له ..
وعندي طفلين تحت السنتين ولا عندي شغاله وامي مرييييضه..
استخرت وسعيت بشتى الطرق اجيب شغاله وسواق او سواق ع الاقل ولا تيسرت..
شهرين انا في هم وغم وتوتر من خوفي ع ابني..
وزوجي كان حزين لفراقنا وكان يتمنى يدرس ولده جنبه في الرياض وليس في اقاصي الجنوب..
داومت ع الاستخاره وصلاة الليل..
وجاء يوم المباشره وكنت ناويه اجازه بدون راتب عالأقل شهرين ورفضوووووا..
حاولت وحاولت حسبي الله عليهم..
قلت طيب ابغى اكتب اعتذار وامشي..
قالوا مو من صلاحياتنا ارجعي للخدمه المدنيه بالرياض وقدمي لهم الاعتذار..
سافرت وجلست بمطار ابها يومين ووصلت الرياض وهم يتصلون يبلغوني بمدرستي قلت انا مارح اباشر خلاص..
قالوا ليش ماتعتذرين طيب قلت انا جيتكم خمس ساعات رايحه جايه بين الاشراف وشؤون المعلمات وادارة التعليم والكل يرميني للثاني..
عطوني رقم فاكس وارسلت الخطاب..
جاء اليوم السبت جتني رساله منهم برقم آخر ويقولون ارسلي خطاب العدول عاجلآ..
وبين حانا ومانا ضاعت لحانا..
وسلامتكم باقي برسل الرقم لزوجي يرسل الخطاب مره اخرى والله المستعان..

يسعد مساكم

حبيباتي ياريت تفيدوني باللي تعرفو ربي يفرج همكم ويرزقكم من حيث لاتحتسبو

وربي تعبت حييييييييل وهلكني التفكير :( .. الحمدلله على كل حآل

هل اللي باشرت واعتذرت عن الوظيفه لان ناويه اروح بوكره واقدم اعتذاري

تترتب عليها عقوبة بحرمانها سنتين من التقديم ؟؟؟


الله المستعان ..~

الله يعوضكم ويرزقكم من كل خير

بنات لو رحتي واعتذررتي

ومارفعت المديره مباشرررتك

نقول مبروك تدخلين باقرررب مفاضله

اللي هي بعد اسبوع


بنات خلاص اللي راح راح ولا تتحسفوون عسى الخيره بتركك

وربي يعووووووووووضكم بالاقرب والاريح

وعسى الله ان يحدث بعد ذلك امرررررا

الله يعوضكم يارب وتقدروا تخشوا بالمفاضله الجديده وربي يعوضكم والوظائف حقتكم يمكن ربي يرزق فيها بنات غيركم يارب لا تضيع حق من تنازلت عن وظيفتها واعتذرت انها تتوظف بالمكان اللي تبيه