يارب يفرحنا بحمل ضحكة بنتي وميسم بإذن الله ولا يضيع تعبهم ياااارب

ويوفقك المقبلات على العملية ويثبت لهم يااارب ويرزقهم الحمل السليم يارب

ويثبت حمل الحوامل يااارب ويتمم عليهم شهور الحمل وييسر الولادة ياااارب

بيت سعيد
مشكورة على الدعوة

ابي اعرف الحين انا رجعولي من الدرجة الرابعة وقالت لي الدكتورة هم من احسن شي احنا نمشي بالعكس لانه كانوا يبون يردون 3 وحدة من الدرجة الرابعة و 2 من الثالة بس صار انقسام وردو 2 من الدرجة الرابعة

الحين اي وحدة احسن الرابعة او الاولى

السلام عليكم
شلوونكم يامهات المستقبل

لتجديد الامل
http://forum.hawaaworld.com/showthread.php?t=2165088

الف مبروووك لكل اخواتي اللي نجحت عملياااتهم والله يتمم عليهم فرحتهم وعقبااااااال مايبشرونا بولاااااداتهم ان شاء الله باحلاااا ذرية ....

والله يسر اموور كل مقبلة ويسخر لهاااا عباادة ان شاء الله ويعينها ويصبرهااا على طوول المشوااار ....

انا ياخواتي تغيبت عن هالتجمع الغالي على قلبي من بعد فشل عملياااااتي الثلاث الله يخلف لي فيهاااا ...
بس والله اني كنت امر بمرحلة فضيعة من تبلد وبروود في المشاااعر مايعلم بها الا الله سبحاانة ... صحيح اني راضية بقضااء الله وقدرة وصابرة ومحتسبة بس بعد يبي لك تبعدين شوي عن الناس والبيئة اللي محيطة بك عشان ترجعين بامل وتفاائل جديد ان شاء الله ...

بس ماعليكم والله اني اشتااق لتجمعاتنا واسير عليكم بين فترة والثاينة بس مركبة مخفي :35:
اما عن اخبااري
انا الحمد الله مقبلة ان شاء الله
من بعد فشل اخر عملية شهر 11 طلبت من الدكتوورة تسوي لي فحوصات انا وزوجي عن الامراض الوراثية والكرومسوماات ( ياصعب نطقها ) والاجسام المضاادة وماسوينااها الا أخر 12 المهم قالت لي الفحوصاات زينة بس باقي الوراثي ماطلع وماعطتني التفاصيل بانشف رقيها في الموعد الجاي ان شاء الله واخليها تشرح لي اكثر المهم انا اللحين في مرحلة التنشيط من بعد ماعطتني الابرة التحضيرية وعقب عطتني حبوب تنزيل الدورة لان الدورة اصلا ماتنزل الا بدوااء الله يشفيني ان شاء الله ويتعدل الحال وعقب مانزلت الدورة ثاني يوم سوو لي تلفزيون 3 مرات بسبب وجود دكتورة زائرة مع 2 قطريات وبعدها مالقيت دكتورتي لان كان عندها عمليااات << حكاية هي خخخخخخ ابي احطكم في الصورة :mad:
المهم حااااولت جاهدة لين لقيت لي دكتورة اكرها في الله بس شنسوي هذي اللي لقيتهاا واكتبت لي ابر تنشيط حتى ماكلفت عمرها اطالع التحاليل حقت الصبح والله انها تكتب لي العلاج وهي عند الباب ولابسة شنطتها كني اطر منها لا واقول لها اكتبي لي جلوكوفاج خلص من عندي اتقول لي شتبين فية ؟ :eek: شنو شابي فية الدكتورة كاتبت لي ايااه
طيب كم تاخذين في اليوم ؟
:o افتحي الملف يالفالحة ياللي اسمك دكتورة وشووفي كم اخذ جيت على نفسي وقلت 1000 مرتين في اليوم قالت لي ليش حنا عندنا في المستشفى 1000 ؟؟؟؟؟؟؟؟
:06: هنا بغيت انجلط هههههههه خوش دكتورة لا بالله بداية مبشرة المهم كتبت لي الابر المنشطة تحت الجلد الحمد الله يعني اقدر اخذها بروحي في البيت وفكتنا من مشاوير المركز الصحي

المهم اخذ يوم 150 ويوم 75 وبيني وبينكم ماني مقتنعة من الابر عشانها مو نفس الكمية اللي كنت اخذها قبل وعندي احسااس ان دكتورتي بتزعل الله يزينها بس المهم عندي موعد يوم الخميس هذا حق الالتراساوند << توني متعلمتها :hahaha: خخخخخ
وتحليل دم وموعد مع الدكتوورة + دكتور التخدير :44: الله يسهلها ان شاء الله

وبس سلامت قلووبكم

أنا يا أخواتي متزوجة من سنتين و3 شهور ومن بداية زواجي رحت وكشفت عند الدكتور عدنان وأنصدمت أنه قال لي عندي تكيس
وخربطة هرمونات ( أرتفاع هرمون الحليب وتلخبط في الدورة وضعف تبويض) :(
وطبعا انا ماخبرت زوجي . خفت انه يعوفني واحنا في بداية زواجنا ... وقلت خلني اعالج بدون مايدري
وفعلا قمت اروح للدكتور عدنان واخذ ابر منشطة برايجون طبعن عقب مانظم لي هرمون الحليب بحبوب دوستناكس
وعقب عطاني الأبرة التفجيرية .. وقال لي نامي مع زوجك بكرة وعقب بكرة
وظليت على هالعلاج 3 شهور !! ولا صار حمل ... كل هذا وزوجي مايدري اني اعالج!!!!!!!!
وعقب قال لي دكتور عدنان : أنا متأكد أن زوجك فيه ضعف لازم يفحص!! قلت له بس يا دكتور زوجي مايدري اني اعالج عندك
قال لي : خلاص انتي عطيه هالورقة ( حقت الفحص للمختبر ) وقولي لي يالله نفحص على أنفسنا
وفعلا عطاني زوجي التحليل وخذيته لعدنان والنتيجة مثل ماقال الدكتور من قبل ..
طلع عند زوجي ضعف وقلة حركة (بس قال لي هذا مو معناته انه مايلقح؟! بالعكس هو لو مع وحده غيرك مافيها ضعف كان حملت منه؟!! بس لأن انا عندي ضعف وهو عنده ضعف صار هالتأخير في الحمل!!!!
تخيلوا بنات لو زوجي يسمع كلام الدكتور عدنان( أنه لومع غيري ووحده سليمة كان حملت ) تعتقدون أيش راح يفكر؟!!!!

والله يابنات تعبت نفسيتي وأهله من صوب يلحون علي في الحمال .. وألي جرحني أكثر أنه لما حملت زوجة حماي خبوا عني الخبر

خافوا مني لأحسدها وماقالوا لي ألا عقب ماصارت في بداية الرابع. لا وماكانوا بيقولون لي انا على نياتي ما كنت ادري انها حامل بالشهور الثلاثة احسب توها حامل وكان حماي قال لي انها حامل فرحت قلت لهم مبروووك فلانه حامل ؟ والله يابنات انهم تغيرت اشكالهم وقالوا لي : اي حامل وانتي الله يعطيج *****

ولما راحت تولد قال لي زوجي فلانه راحت تولد اليوم وقلت له الله يهون عليها وسألته انتوا تعرفون ايش في بطنها؟
قال لي اي ندري ليش امي ماقالت لج؟ قلت له لا؟ قال لي بتجيب ولد *****

بصراحة انجرحت بس خبيت في قلبيوقلت يارب ارزقني بطفل حتى ابعد نظرة الناس لي بهالطريقة؟

وبالنهاية قررت اروح لمستشفى حمد ودخلت في فحوصاتهم ومواعيدهم الطووووووويلة لين ولله الحمد نقلوني لقسم الأنابيب

كل هذا وزوجي مايدري كلش اني عندي مشاكل في الحمل بالعكس اقول له انا وانت مافينا شي بس لازم نتحرك ونسوي شي

ومافيها شي اذا تعالجنا وهو مسكين قال اوكي يعور قلبي خاطره في بيبي الله يقدرني واسعده يارب

المهم اخذت الأبر البرايجون حوالي 10 ابر ومن عقب سوالي سوناروقالوا لي كل شي تمام وعطوني الأبرة التفجيرية

وعقب جاء وقت العملية وسحبوا مني 11 بويضة ولقحوا بس اثنين من الدرجة الأولى ويوم الترجيع عقب ماخلصت العملية

ماخلوني ارتاح في السرير قالوا لي اتصلي لزوجج وروحي قلت لهم لا خلوني شوي قالوا لي لا مافي مشكله اذا رحتي الحين

مراح يأثر على الأجنة!! المهم قلت لهم طيب انا ابي اروح الحمام وقالوا لي روحي عادي وعقب جا زوجي وخذاني البيت

والدكتورة مريم فلامرزي قالت لي مارسي حياتج طبيعي جدا بس لا تشيلين ثقيل ابدا

وانا لما رجعت البيت قعدت 3 ايام في الفراش ماتحركت الا للحمام وحتى الصلاة كنت اصليها وانا في الفراش

وعقب بديت اتحرك شويات وخفيف في البيت بس اكثر شي منسدحة في الفراش

بس لما كان يوم العاشر رحت حللت هرموني في الليل وطلع النسبة 5 !!!!!!!!!!!!!!!!!!!!!!!

ماتتخيلون شلون جاتني غصه وبنفس الوقت (ذكرت الله وقلت الحمدالله رب العالمين على كل شي ) (وإنا لله وإنا إليه راجعون)

( ربي أخلفني في مصيبتي وعوضني بخيراً عنها ) ( ربي ثبت لي الأجر في تعبي ولا تجعله هباءً منثورا)

ولما رجعت البيت قلت لزوجي مسكين والله انصدم وزعل بس صبرته وقلت له خل رب العالمين يشوفك صابر ومحتسب

هذا امتحان من الله يمتحن رضانا بالقدر !!وعندي مجمد وبنعيد العمليه والله بيسهل وبيرزقنا الكريم بأذن الله

مسكين رضى بأمر الله وعقب مارست حياتي عآآآآآآآآآآآآآآدي وصرت اتحرك واطلع من البيت وصار بيني وبين زوجي .....

في الفراش . وفجأة أنا الحين في اليوم 13 من الترجيع مادري ليش حسيت بتأنيب الضمير أحس أني يمكن أكون حامل

ويمكن الهرمون يرتفع ؟؟؟ بس مادري هل صار لوحده هالشكل كانت نسبة الحمل عندها 5 وعقب أرتفعت !!!؟؟؟؟؟؟؟؟؟

أنا ماتركت المثبتات لحد ألحين

أدعولي ياخواتي أن الله يرزقني انا وزوجي بالذرية الصالحة

ولا تلوموني اني خبيت على زوجي والله كل هذا قاعده اسويه عشان ما اتوتر من التفكير

وسؤال اخير متى اقدر اعيد العملية (أنا عندي مجمد وناوية ارجعهم )