تصدون ضربت بنغالي
كنا في محل انا واخوي الا جلس البنغالي يتري علينا انا وخواتي فقام اخوي علية وهزأة وتهاوش معاه عاد المحل فية اربعة بنغالية وواحد سعودي بعيد عند المحاسبة وخفت على اخوي يتجمعون علية وأمسك لك كرتون مليان اكواب القهوة التركية وصحونها هو اقرب شي لي وعلى النغالي من ظهرة وبعدين على طول جو السعوديين يفكون والحمدلله طلعنا بخير ,,,,,,,,,,,,,,,,,,,,,,,,وبس بالله ماني قوية ياويل احد يتعرض لي

انا اجمد من الخوف احس يجيلي شلل من المواقف الخطرة بس اذكر اليوم اللي ماتت بنتي وحيت بمشيئته الله وكل ماأذكر هذا اليوم تنزل دموعي وارتعش بنتي كان عمرها شهرين خليتها بسريرها وصيت اختها الكبيرة ان محد يقرب لها لان عندي شغلة بالمطبخ اخلصها بسرعة وارجع لها لكن سبحان الله بسرعة البرق مرت الاحداث بنتي الصغيرة عمرها 8 سنين تركض من اخوها وتبي تحمي نفسها اخذت اختها من السرير وتحامت فيها ولما بقي يطقها حذفتها علي السرير وراسها جه على حافة السرير وهي حديد وبنتي صرخت وفجاة كل شئ وقف فيها صارت بدون حركة اختها شايلتها وراها اخوانها يصيحون ويقولون ماتت انا ركضت واخذتها من ايدها وطحت علي الارض مو مصدقة اشلون صار جذي حسيت روحي بحلم احركها افتح عيونها يارب حسيت انها خلاص وابوها يقول خلاص ماتت انا علي طول سويتلها تنفس صناعي وتدليك علي القلب ماادري اشلون حسيت اني لازم انقذها وفجاة اشخرت مرتين ورا بعض ورجعت نامت بست التنفس عندها رجع وانا في قمة ارتباكي وزوجي يسحبني من ثوبي ويمنعني اني اسويلها شئ يقول خلاص مافي فايدة يالله كلمتة للحين ترن بأذوني واحمد ربي اني ماسمعت كلامة وبسرعه اخذناها علي المستوصف ومنها علي الاسعاف وبعدين العناية المركزة عشت ساعات عصيبة وصدمة والاستشاري قال اذا مرت 6 ساعات تكون عدت مرحلة الخطر والحمدلله عدت وكان عندها نزيف علي اطراف الجمجمة واللحين عمرها 5 سنين والموقف كانه توة صار اللهم لك الحمد والشكر

صراحه الموقف هذا حدث من اكثر من ثلاثين سنه
يعني مافي مستشفيات قريبه
بطلته طبعا أمي الله يحفظها ويطول بعمرها قولوا امييييييين
أختي كان عمرها 4 أو3سنين تلعب عند باب الحوش وحاطه يدها على طرف الباب وتعرفون زمان الابواب كلها حديد ويجيك ولد أختي مطحم ويقفل الباب بقوه...شكله ماانتبه لاختي وتصيح أختي من الألم...عاد أمي وابوي يجرون ويطالعون في أختي يلقون واحد من أصابعها أنقص وبقي معلق بس بالجلد وهيه بتموت من الصياح..... أبوي غمض عيونه ويقول لامي خلاص اقطعيه وريحيها بس أمي ماشاء الله عليها تماسكت وقالت والله ماخلي بنتي تتشوه .....وتمسك أختي بالقوه وترجع اصبعها مكانه وتحط عليها خلطات شعبيه دقيق وملح وخرابيط ثانيه وتربطها بخرقه وهيه تصيح وأمي تمسكها بالقوه....ذحين أختي متزوجه واصبعها ماشاء الله مافيه شي....الحمد لك يارب

انا وين والبطولات وين

لله يستر احس اني ممكن انشل لو صار لاحد قدامي شي

هذا موقف مو لي بس شفته

كنت في سوق غرناطة من ثلاث سنوات المحلات سكرت للصلاة وادور كرسي اجلس عليه

ليما صرت قريبه من الدرج الكهربائي وكان فيه بنت صغيرة عمرها من 6 ـ9 واقفه تلعب بجانب الدرج وحاطة يديها علي السير الخاص باليدين

وتتعلق فيه تلعب شوي الا البنت راحت فوق مع السير في الهوا وصارت تصرخ يمه يمه وتمسكت بقوة ورفعت رجولها

انا ما زلت بعيدة شوي عن الدرج والمكان مليان ناس بحكم ان الأسواق سكرت وانا افكر اروح امسكها بس بتوصل لأعلى الدرج قبل لا اجيها

وفجأة اشوف شاب يطلع الدرج بسرعة ويمسكها باقي متر وتوصل للنهاية

وينزل بها من الجهة الثانية ويسلمها لأمها

على فكرة امها كانت جالسة على الكراسي تحت الدرج


الحمدلله انا مو خوافه و عندي مواقف بطولية بس العتب على الذاكرة