رمـــــال :

ياه ايه الكركبة دى كلها .......... بصى ياطمطم انتى طول عمرك بتقاوحى مع د عادل فى كل كبيرة وصغيره ازاى تسمعى كلامه فى موضوع عيدى التحليل من نفس العينه ده وتروحى تعملى زى ما قال !!!!!!!!!!!!!!!! طيب ده رأيه الشخصى وليكى مطلق الحريه تسحبى عينه جديده او لا يعنى دى مش نقطه فى العلاج هنقول حاضر فيها لا كان لازم تبقى حريصه اكتر من كده ده حتى من باب الامان اسحب عينه جديده بدون نقاش انتى كل شغلك بيتبنى على العينه دى ازاى تدى فرصه للمعمل انهم يلعبوا اللعب ده ويهزروا بالشكل ده !!!!!! فين رأيك ياحبيبتى ؟؟؟؟ ثانيا انا مش فاهمه بالظبط ليه الدكتور بيقول لك انتى محتاجه رحمه ربنا (طبعا كلنا محتاجين رحمه ربنا بينا) بس عاوزة افهم الى اى مستوى اتهدورت حالتك وقرر الدكتور على هذا الاساس يوجهك للعمليه معرفتيش منه هو ليه قرر كده ؟؟؟ !!!! يعنى تحاليلك الجديدة دى هى السبب ولا هو شايف سبب تانى اقوى .. لان فى ناس كانت تحاليلها زيك وبالعلاج والخسسان اتظبطت وحملت بالتنشيط خصوصا ان سنك مش كبير وممكن جدا يحاول معاكى بالتنشيط الاول .. فا ليه هو قاللك تلقيح بالرغم انه من انصار ان لازم التحليل يكون متظبط قبل اى محاولة تلقيح او حقن وان مينفعش حاجه تتعمل والتحاليل ملخبطة بالشكل ده (إلا طبعا فى حالات تحليل الزوج بيكون مش تمام فا بناخدها من قصيرها ) بصى انا مش فاهمه كويس بصراحه فى ايه .. لكن دلوقتى ياستى انتى قرارك سليم ميه الميه انك تاخدى سيدوفاج وتمشى عليه مع خسسان وفيتامين وتظبيط وشوفى الدنيا هتبقى ازاى كمان شهرين وربنا كريم وتستخيرى على العمليه تانى يمكن يكون الخير فيها وكلامه مظبوط وفعلا انتى محتاجاها احنا فى النهايه مش دكاترة وليا تعليق اخير على جملة "مش عاوزة اشتت البنات اللى بيروحوا لدكتور عادل" ... بصى ياطماطم وبدون تحيز منى وبدون زعل منك .. انا لحد دلوقتى مشفتش اى خطأ صدر من د عادل سواء فى تشخصيه او حكمه على حالتك .. انتى ليه قولتى الجمله دى ؟؟؟ وضحى لى وجه اعتراضك على كلام د عادل فى اللى حصل وقولى انا شايفه انه غلطان فى كذا بمنتهى الصراحه خلينا نتناقش سوا علشان نعرف ايه نقطه الضعف اللى فى د عادل علشان لما نيجى ننصح واحده انها تروح له نقول لها خلى بالك من النقطة الفلانيه بصراحه زى ما بنعمل دايما ... وانا شايفه ان اللى حصل فى المقابله واللخبطه دى كانت علشان حاجات متفسرتش كويس من ناحيته وانتى مسألتيش عليها وفى النهايه ياطمطم هاقوللك كلمة هتلخص كل اللى عاوزة اقوله بالظبط وتبقى نصيحه لكل البنات برده وانا اولكم ... انتى اثبتى لى نظريه مهمه اوى مكنتش فعلا حاسه انها صح .. "ان الدكتور اللى مش مقتنعه بيه من البداية مروحلهوش ابدا فى حياتى حتى لو كان اشطر دكتور فى مصر"

ياه ايه الكركبة دى كلها .......... بصى ياطمطم انتى طول عمرك بتقاوحى مع د عادل فى كل كبيرة وصغيره...

MIKOMIKO :

ممسة: شوفي يا قمر, انا راحة للدكتور علي يوم 29 ان شاء الله فجمعيلي اسالتك وابعتيهالي في رسالة و ان شاء الله لما اروحله حساله. Quebec ديه اكبر مدينة في كندا بيتكلموا فيها فرنساوي و تقريبا هيا لغتها الاولي مش الانجليزي. شوشو و ريمو وكل البنوتات, ازيكم يا قمرا. اوكسي: ان شاء الله نتيجة التحليل النهاردة تطلع كويسة و ربنا يكرمك. فطومة: عيدي التحليل احسن.

ممسة: شوفي يا قمر, انا راحة للدكتور علي يوم 29 ان شاء الله فجمعيلي اسالتك وابعتيهالي في رسالة و...

boba boba :

ماشاء الله عليكى ياريمو فى ردك على طمطم انا عجبنى كلامك قوى بس ليا تعليق على اخر جملة كتبتيها ازاى الواحد يقتنع بالدكتور او مايقتنعش من غير مايجرب التعامل معاه اصلا هى الفكرة كلها ان تجربة كل واحدة بتختلف عن التانية اصلا يعنى مثلا تعالوا نفترض ان كلنا هنا فى الملف اتعاملنا مع دكتور واحد بس مش لازم ينجح معانا كلنا ولا يفشل معانا كلنا لان اصلا حالة كل واحدة فينا مش زى التانية ومن جهة اجرى لو واحدة مننا راحت لاتنين دكاترة او حتى تلاتة فى احتمال وارد انها تسمع اراء مختلفة فى حالتها فاللى ينطبق عليا مش بالضرورى ينطبق على ريمو او على اوكسى او طمطم يعنى المسالة مش اقتناع او عدم اقتناع المفروض اراءنا فى الدكتور تتبنى اساسا على التجارب اللى مرت بيها كل واحدة معاه وتكون بمنتهى الصراحة والصدق ونكون برضه من جوانا مقتنعين بمبدأ اننا حالات مختلف وعلى اساس كده نقرر اذا كنا هنتعامل معاه ولا لا بس طمطم لما قالت انها مش عاوزة تشتت البنات فهى عندها حق ياريمو لانى عن نفسى لما بيكون ليا تعليق على حد معين مش مستريحة فى التعامل معاه والاقى الناس كلها بتشكر فيه ببدأ اخاف انى اكون سبب فى ان الناس تبعد عنه او تبطل تتعامل معاه بسببى وسبحان الله ممكن يكون ربنا مسخر الشخص ده لمصلحة ناس تانية غيرى تعالو نتكلم بصراحة زى ماريمو قالت ومن غير زعل ولا حساسية لان هدفنا الاول والاخير هنا اننا ننشر تجاربنا عشان البنات يستفادوا منها اولا الكمال لله وحده يعنى مانقدرش نقول على دكتور انه احسن واحد فى مجاله حتى لو كل حالات تاخر الحمل اللى بتروح له نجحت عنده لان ربنا وحده هو اللى بيرزق مش الدكتور ثانيا طبعا فى دكاترة شاطرين ومتمكنين جدا فى مجالهم محدش يقدر ينكر ده بس ده مايمنعش ان الدكتور اللى بنتعامل معاه بشر مش ملاك يعنى وارد جدا انه ينسى او يخطأ ثالثا ودى بقى اهم نقطة احنا مش واخدين بالنا منها بالنسبة لدكتور عادل بالذات انه عنده حالات كتيرة جدا بتروح له كل يوم من كل البلاد والمدن على اختلاف المشكلات اللى عند الحالات دى طبعا + انه مرتبط بعمليات فى مستشفى غير العيادة + انه بيقدم برنامج فى التليفزيون+ انه بيرد على ايميلات وتليفونات كل الناس اللى بتتصل بيه عشان تستفسر عن حالتها ومش ممكن عقل بشرى مهما بلغ من قدراته انه يستحمل ده كله وبرضه مش شرط انه يكون مأثر عليه فى علمه او قدرته فى العلاج بس اكيد هو مابيفتكرش كل الحالات اللى بتتصل بيه وبتروح له وبتتعالج عنده عشان كده كل التعليقات اللى بتتاخد عليه انه ساعات بيقول ردود تتعب الحالة اللى قدامه جدا وتأثر على النفسية وطبعا الواحدة لما بتتقفل من رد دكتور عادل مش بتقدر تتناقش معاه او تفهم ليه هو قالها كده وهو ممكن ميكونش مركز معاها بنسبة 100%(( انا بقول ممكن )) عشان كده المفروض ان كل واحدة فينا اتعاملت مع دكتور عادل تدخل بصراحة وتقول كان ايها مشكلتها مع دكتورها اللى كانت بتتعامل معاه قبل كده وايه الحل اللى لقته عند دكتور عادل واذا قابلت مشاكل فى العلاج برضه مع دكتور عادل تدخل بصراحة وتقول عشان تبقى فيها افادة لكل اللى بيتعامل اوحتى بيفكر فى التعامل عشان لانظلم نفسنا ولا نظلم الدكتور وممكن ساعتها نوصل ان فى حالات كتيرة نجحت مع دكتور عادل وكانت نتشابهة او بسيطة مثلا وان فى حالات تانية مانجحتش معاه لانه مثلا مش متمكن فى علاج الحالات دى وده هيكون افضل للكل فى التعامل مع الدكاترة بشكل عام

ماشاء الله عليكى ياريمو فى ردك على طمطم انا عجبنى كلامك قوى بس ليا تعليق على اخر جملة كتبتيها...