muslima627 :

بوبا حبيبتي بصي يا قمر أنا كنت كتبتلك مشاركه طويله قبل كده على الموضوع ده وقلتلك رأيي بس بعد اللي قلتيه ده عايزه أتناقش معاكي فيه أولا: دكتورك اللي في الخاص 1- حكاية إنه عايز يولدك بدري ده لقلقه على الحمل لأنه حمل عزيز وفي الحمل العزيز بيفضلو إنه يتولد أول ما تكملي 37 أسبوع يعني بعد نص التاسع وفي الوقت ده بيكون الجنين إكتمل تماما والوقت الزياده اللي بيقعده بيكتسب فيه وزن أكتر ودهون فقط فإنت لو قررتي تولدي عنده ممكن تقوليله تولدي بعد الوقت ده ماشي 2- هو عايز يبدأ معاكي طبيعي بطلق صناعي ولو الأمور إتعقدت ننقل قيصري وأنا بصراحه شايفه ده كويس لإنه عنده إستعداد يولد طبيعي بس بما إنك هتبدأي طبيعي يبقى ليه بطلق صناعي إنت بالعكس قوليله إنك عايزه الأمور تمشي طبيعي ولما يجيلك الطلق تولدي ولو منفعش ساعتها تاخدي طلق صناعي أو تتحولي قيصري و بالتالي مش هتولدي إلا لما يجيلك طلق يعني محدش يقدر يختار معاد الولاده ... وفهميه كده 3- اللي هو قالهولك عن المستشفيات الحكومي فعلا صح ميه في الميه وياريت تسألي كتير الله يخليكي بس إسألي مصريين بلاش كويتيات ثانيا: دكتور الحكومه 1- هو قالك مينفعش تولدي قيصري علشان البنج الكلي طيب ما إنت ممكن تاخدي بنج نصفي وبعدين هيه مريضة الغدة الدرقيه لو لاقدر الله حصلها حاجه مش هيعملولها عمليه علشان البنج؟؟ أكيد الموضوع ده ليه حل وبعدين ما إنت عملتي منظار مش عملتيه ببنج برده ولا إيه والحمد لله إنت كويسه أهه 2- قالك إن القيصريه بتجيب إلتصاقات أنا بصراحه مش عارفه الكلام ده صح ولا لأ بس ماشاء الله كل اللي ولدو قيصري حملو تاني وثالث وطبيعي كمان بصراحه انا مش عارفه صحة الكلام ده 3- إنت مسألتهوش هو اللي هيولدك ولا الدكتور اللي موجود نابطشيه ليه ؟؟؟؟ أنا لفت نظرك للموضوع ده قبل كده ده الوضع اللي إنت فيه صح ؟؟؟ تعالي بقى أقولك اللي في دماغي وإنت ناقشيني أولا: الخاص 1- اللي إنت هتتفقي عليه مع الدكتور هيتم تنفيذه بدون إستهتار 2- الدكتور عارف حالتك كويس قوي لأنه هو اللي مشرف عليكي من قبل الحمل 3- تكلفته غاليه جداااااااااااااا 4- الرعايه الصحيه للأم والبيبي فوق الممتازه 5- مش هتقدري تجيبي مامتك نظرا لإرتفاع التكلفه ثانيا : الحكومي 1- لازم علشان تولدي في الحكومه يكون الدكتور معرفه وبشدد عليها مينفعش تولدي مع دكتور عرفتيه عن طريق المستشفى وبس... مهما قالك كلام حلو... كتير منهم بييجو وقت الجد ويخلعو وساعتها تدبسي في الدكتور النابطشي وإنت وبختك فاهماني (كتير قوي من صاحباتي حصل معاهم كده الكلام ده مش من فراغ) 2- الدكتور مش مقدر صعوبة الحمل ولا متابع حالتك من زمان 3- التكلفه ممتازه وإنت ممكن تحجزي غرفه خاصه على حسابك ساعتها بتدفعي خمسين دينار تحت الحساب وكل يوم تقعدي في المستشفى يتخصم منهم خمسه دينار (لازم غرفه خاصه علشان متتبهدليش في عنبر الولاده) 4- هتقدري تجيبي ماما وبابا والجيران كمان بعد كل ده أنا رأيي التالي 1- إنت تشوفي دكتور يكون معرفه وحاولي توصلي لحد ثقه في الحكومه وتروحيله وتتفقي معاه إن هو اللي يولدك ولما تيجي رايحه المستشفى كلميه الأول إتأكدي إنه هناك ولو ملقيتيهوش إطلعي على المستشفى الخاصه 2- لو معرفتيش تلاقي دكتور معرفه يبقى تخليكي مع الدكتور الخاص وتتفقي معاه على اللي إنت عايزاه ...متخضعيش لكلامه بسهوله خليكي زنانه بس بإيجابيه وعلم وكلميه بالمنطق وهو غالبا هيخضع ومش هيعارض كتير ...هو في البدايه هيحاول يضغط عليكي ويخوفك بس إنت ميهمكيش وعلى فكره لو نجحتي قي إنك تقنعيه بالولاده الطبيعي ساعتها تكلفه الولاده هتقل النص تقريبا 3- قبل كل ده ركعتين إستخاره وقضاء حاجه إن ربنا يهديكي للي فيه الخير ليكي إنت وأرؤر وأبو أرؤر ماشي يا قمر ياريت تقري كلامي بهدوء وردي عليه وأنا تحت الخدمه يا جميل

بوبا حبيبتي بصي يا قمر أنا كنت كتبتلك مشاركه طويله قبل كده على الموضوع ده وقلتلك رأيي بس بعد اللي...

boba boba :

حبيبة قلبى يامسلمة ايه اخبارك وجنة عاملة ايه؟ انا مش عارفة اقولك ايه يامسلمة على اهتمامك ده وردك عليا بالتفصيل كده وبجد كلامك ماشاء الله عليه موزون وعين العقل بالنسبة ياستى بالنسبة لدكتور الخاص انا اتضايقت منه لما قالى يولدنى اول ما ادخل التاسع لانى مش عارفة ليه مستعجل قوى كده انا عارفة انه عشان حمل عزيز بس برضه انا عاوزة البيبى يكتمل عشان مش يتحط فى حضانة لاقدر الله.. ثانيا خفت من الطلق الصناعى ده لانى سمعت انه اصعب من الطبيعى وحسيت انه بهدلة ثالثا بقى هم فى الخاص بيخافو من حقنة الظهر مش عارفة ليه وبالذات فى مستشفى السلام لانى اعرف ناس ولدو فى رويال حياة واخدوها عادى بس انا مقتنعة بوجهة نظرك انى استنى لبعد الاسبوع ال37 عشان ده اكيد احسن من الاستعجال بالنسبة بقى لدكتور الحكومة \ طبعا الدكتور اللى بتابع معاه مش هو اللى هيبقى معايا فى الولادة لا ده هيبقى الدكتور النبطشى وانا وحظى بقى وللاسف معرفش اى دكتور فى الحكومة خالص عشان يبقى معايا والبروتوكول بتاعهم فى الحكومة انهم يبدأو الاول الولادة الطبيعية حتى ولو بعد الاسبوع ال40 ب 10 ايام ولو محصلش يبقى طلق صناعى ولو محصلشر بيقى قيصرى بس الفكرة بقى يامسلمة انهم فى الحكومة من حيث الخبرة اظن افضل لانهم بيمر عليهم ملايين الحالات واللى سمعته عن المستشفيات الخاصة واللى بيحصل فيها قالقنى لانهم لو حالة حصل لها مشاكل فى الولادة بينقلوها بالاسعاف غلى الحكومة تعالى بقى للرعاية فهى طبعا فى الخاص اكيد افضل اما بقى بالنسبة للتكاليف فالحمد لله نقدر نقول مستورة وان شاء الله نقدر نغطيها بالرغم من انها هيبقى كل اللى معايا تقريبا بس مش مشكلة والحمد لله انا حجزت لماما وهتيجى اخر الشهر ده بالنسبة بقى لموضوع البنج فانا تعبت جدا فى المنظار لو تفتكرى وماما علت معاهم مشكلة هى وجوزى لان جرعة البنج تعبتنى جدا وفضلت لغاية بلليل كاتمة على نفسى وكمان حصلى مضاعفات فى المنظار والقولون تعب جدا هو لو يقتنع بموضوع حقنة الظهر اكيد هيبقى احسن بس يارب يكون عندهم حد متخصص وبيقدر يديها كويس من غير ما يتسبب لى فى مشكلة صحيح ياممسة انتى ولدتى طبيعى ولا قيصرى وهنا ولا فى مصر تصدقى انا مش عارفة مين هنا ولد طبيعى ومين ولد قيصرى؟ ياريت بقى شوشو واوشى زمشمشة وسارة وكوكر يجكولنا على الولادات بتاعتهم وايه رايهم فى الولادة لحسن انا مرعوبة جدا سيان كده او كده

حبيبة قلبى يامسلمة ايه اخبارك وجنة عاملة ايه؟ انا مش عارفة اقولك ايه يامسلمة على اهتمامك ده...

MIKOMIKO :

ازيكم يا احلي بنات. معلش انا مزنوقة جدا في الشغل فمش عارفة ادخل اسلم عليكم. خلوا بالكم علي بعض.

ازيكم يا احلي بنات. معلش انا مزنوقة جدا في الشغل فمش عارفة ادخل اسلم عليكم. خلوا بالكم علي بعض.