ايه ده؟
انتو مشيتو
:icon33::icon33:

توفى

لا انا بتابع مع دكتورى القديم دكتور هشام على موسى فى لوران دكتور كويس جدا و هادى اووووووى و عنده ضمير بجد الحمد لله
وداع

بجد طمنينى ده انا خايفة اوووووووى ربنا يكرمنا جميعا يا رب

ربنا يوفقك يارب يا نادو

انا قلقانه اوي من الدم ده كميته قليله بس قالقني
مش عارفه من ايه وعادي كده ولا ايه

بوبا يا حبيبتي
ربنا يكرمك على كلامك الحلو إحنا إخوات يا بوبه
بصي يا قمر تعليقا على اللي قلتيه
أنا شايفه إنك تستخيري وتتوكلي على الله وتولدي في الخاص
بس بشرط الزياره الجايه للدكتور تقعدي معاه وتفهميه إنك مصره على الولاده الطبيعي وقت ما ييجي الطلق وده طبعا حاجه من عند ربنا محدش يعرف وقتها
ولو لاقدر الله الأمور تعثرت يديكي طلق صناعي ( هو فعلا متعب بس أهه علشان نأخر اللجوء للقيصري وبجملة التعب اللي تعبتيه يا حبيبتي ) ولو لاقدر الله الأمور تعثرت برده ساعتها يحولوكي قيصري ببنج نصفي وهما على فكره في مستشفى السلام بيدو بنج نصفي وعندهم طبيب متخصص وحتى لو معندهمش ده مسئوليتهم بجيبولك واحد
ماشي يا قمر
وياريت يا بوبه لو من هنا لحد ما تولدي تحاولي جاهدة تدوري على حد يعرف دكتور في الحكومه ولو حصل ولاقيتي ساعتها إولدي هناك بس زي ما قلتلك ما تروحيش المستشفى إلا بعد ما تتأكدي إنه فيها
وطبعا هتكوني متفقه معاه من الأول على سيستم الولاده
ويارب يا بوبه يارب ربنا يقومك بالسلامه إنت أرؤور باشا يارب
وانا يا ستي ولدت في الكويت في مستشفى السلام قيصري ببنج كلي
ووأنا في غرفة العمليات الدكتور بتاع التخدير عرض عليه إني آخذ إبرة الظهر وأنا رفضت علشان كده بقولك إنهم بيدوها عادي وعندهم طبيب مختص
وكان نفسي أولد طبيعي بس كان صعب لأن كان عمر حبيبي هو اللي تحت فكان هيتولد الأول وبما إنه كان متوفي فكان ممكن جدا ولادته تتعثر وساعتها كان هيأثر على جنة وهو بالفعل آثر عليها من نهاية الشهر الثامن كانت حركتها قلت قوي وحجمها مبزدش فإستنينا لحد ما خلصت 37 أسبوع وخرجناها بسرعه وبالفعل كانت ضعيفه ومبتتنفسش ودخلت الحضانه وكانت أيام عصيبه
ربنا مايكتبها على حد يارب ولادي الإتنين واحد أخذته متوفي والثانيه مابين الحياه والموت
بس الحمد لله بفضل من ربنا وكرمه إتحسنت وخرجت وبقت قرده اهه وانا دايما بقول إن الفضل في تحسن جنة بعد ربنا سبحانه وتعالى دكاترة الأطفال اللي كانوا معاها في العناية المركزه بصراحه كانو مهتمين قوي وعملو كل اللي عليهم لحد ما إتحسنت ربنا يكرمهم يارب
بس يا ستي ده المعلومات اللي سقطت منك سهوا في ظروف زهايمر متضخمه وناتجه عن آثار أرؤر باشا ربنا يحميه ويجبه بالسلامه ويطمنا عليه يارب
هههههههههههه حلوين الشويه دول

فطوطه يا جميله معلش أنا كتبتلك المشاركه اللي فاتت وطلعت أجري لظرف طارئه
بصي يا قمر حسب معلوماتي المتواضعه
إن الرحم بينظف نفسه بنفسه وده معجزة من عند ربنا سبحانه وتعالى
وإن زي ما هو فيه بكتريا ضاره فيه كمان بكتريا نافعه
علشان كده أنا قلقت من موضوع غسيل الرحم ده وحكاية الأدوية اللي هتشتريها كمان أنا خايفه يكون فيها كورتيزون
علشان بكده بقولك أول حاجه كلمي صيدلي وقوليله على الأدويه ده وقوليله إن الدكتور هيعملك بيها تركيبه تستخدم في غسيل الرحم وخدي رأيه
وكمان ياريت لو تسألي طبيب تاني على الموضوع ده أو إبحثي عنه
المهم متسمعيش كلام الدكاتره بسرعه كده الله يخليكي لمجرد إنه قالك حاجه جديده
إنت الحمد لله زي الفل وربنا كرمك بدل المره إثنين وده نعمه تخلينا مطمنين بإذن الله
ونركز قزي أحسن نضر نفسنا وإحنا مش واخدين بالنا ماشي يا قمر