ربنا يطمن قلبك يا بندقه

فطومه
الدم لسه موقفشي لدرجة اني شكيت انها من حبوب ياسيمين مش من العمليه

والله يا توفى مش عارفة طيب انتى كلمى الدكتور وقليلو كدة كتير وشوفى هيقلك اية

ماما:39:
الف الف مبروك ربنا ييسرلك الحال وتكوني دائما في احسن حال

ايه ده ياماما هنبقى جيران ده أجمل خبر سمعته من فترة ربنا يجعلك ان شاء الله وشك حلو عليا ونحمل مع بعض

فطومه انا فعلا رحت لدكتور في استشاره

قالي عادي وده الطبيعي بعد العمليه عشان ده جرح في الرحم وانتي الحاجز بتاعك كان كبير
قالي خدي دافلون ومكمل غذائي مش فاكره اسمه

وطمني اكتر
انا الحمدلله انهرده الدم قل عن انبارح وانهرده اليوم 9
يارب بكره يقف بجد

بس قالي كاجراء وقائي بنمنع الحمل شهرين
قلتله مينفعشي شهر بس لان جوزي جي فيناير واعد شهر واحد بس

قالي خلاص سافريلو :(
لازم الرحم يرتاح ويرجع لوضعه

مش عارفه اعمل ايه بصراحه


حاجه كمان انهرده وانا طالعه من عند الدكتور كان حماتي عازماني في النادي علي الغدا
وكان اخت جوزي اللي وش ولاده هناك وجوزها وكانو جايبين بنوته قريبه جوز اخت جوزي عندها يجي 4 سنين
بس مشاء الله أروبه جدا وزكيه

المهم طبعا سالتني السؤال اللي انا خايفه منه بس الحمدلله لا ادايقت ولا اتلخبطت في الكلام

قاليتلي انتي ليه مش عندك نونو في لحظتها والله وبضحك قلتلهها لسه هيجي ان شاء الله :) "قال يعني في مشوار وجاي"
قلتلها : انتي نفسك اجيب بنوته ولا ولد؟؟
لاقيتها بتقولي ربنا اللي بيبعت
انا مت من الضحك انا وحماتي واخت جوزي

الكلمه طلعت منها زي العسل طلعت احدق مني
مشاء الله