اللى يجى عينها على توقيعى استحلفها بالله ان تدعى لى ان ييسر لى الله الحمل التام المعافى ويرزقنى وزوجى ذريه صالحه يا بنات اليوم يوم التبيويض عندى ان شاء الله ادعولى بالحمل التام السليم المعافى والذريه الصالحه

ربنا يرزقك يا حبيبتى الذرية الصالحة تامة الخلق والخلقة

اهلا بيكي يا ام هبوبة
انا الحقيقة مجربتوش
بس حبيت ارحب بيكي وادعيلك ربنا يجزيكي خير على دعائك الحلو وربنا يوفقك في كل اللي نفسك فيه ويرزقنا جميعا بالحمل الثابت المعافى يا رب العالمين



ان شاء الله هتعدي على خير
ربنا يرزقك كل خير ويبعد عنك كل شر
امين



حد يقدر يقول على توفي الطعمة دي وحشة
انتي بس ماجرة للهسهس اوضة جنبك
وكل يوم تقعدي تتونسي بيه
يا رب تطرديه من الشقة بقى يا شيخة
لا يفتكر البيت بيته ولا حاجة

ربنا ييسرلك الاحوال يا توفي ان شاء الله
ومتقلقيش
انتي عملتي خطوات جديدة وان شاء الله يكون فيها الشفا
وباذن الله هتحملي قريب اوي وطبيعي من غير اي حاجة
توكلنا واعتمدنا على الله





ميكو ربنا يعينك على الشغل يا رب
الف سلامة على مايا انا عارفة اللخمة بتاعة العيال في البرد ده
ربنا يعينك وكتر خير مامتك ربنا يجزيها كل خير
ادعيلي يا ميكو ربنا يستر ويكملي على خير
انتي فاكرة كان بيديلك جرعة مثبت اد ايه؟



ازيك يا دوعة وحشاني
اشربي قرفة كتير دافية عشان بتطهر الرحم وتخليه انضف من الصيني بعد غسيله على راي طمطم



ازيك يا ميزو وحشاني اوي يا حبيبتي
ربنا يعينك على الفطام يا رب ويقويكي
انا ليا راي في موضوعك
الرجالة دايما بتتاخد بالهداوة
يعني القرار في الاخر ليكي بس ظاهريا قراره
ازاي
هو طلع فرمان
وانتي ما شاء الله عليكي مرديتيش
نفذي بقى قرارك ومن غير ما تتناقشي معاه
اعملي تخسيس وخدي الدوا وعيشي حياتك
هيكتشف انك اخدتي الدوا ويبدا يفسر ده انك بتخططي لزيارة الدكتورة
قوليله انا مش بخطط لزيارتها
انت عايز كدة؟
هيقول :لا
قوليله خلاص
ومين عارف
ميمكن يا بنتي تيجي من عند ربنا وتحملي من غير ما تروحيلها ولا حاجة ان شاء الله
ولو مكانش لا قدر الله واستمريتي على التخسيس والادوية وخلصت الست شهورووصلتي لهدفك من العلاج زي ما كنتي عايزة
ريحيلك شهر يمكن تيجي طبيعي
محصلش يبقى ابدئي اقنعيه بزيارتها ولو من باب الاستشارة يمكن تديكي معلومة مفيدة
جايز من طول المدة ولما يشوفك مجتهدة وبتعملي كل اللي تقدري عليه
جايز ربنا يحنن قلبه ويروح معاكي بدون ما يزعلك
وربنا يهديهولك وينولك كل اللي في بالك يا رب



حاضر يا ميزو متحرمش منك ابدا يا رب



اهم حاجة نفسيتك الجميلة دي يا طماطم
ربنا يجعل على ايدين الدكتور ده كل الشفا والرزق الواسع يا رب
ويرزقك يا حبيبتي بالذرية الصالحة الطيبة اللي تقر عينك في الدنيا والاخرة يا رب وكل البنات هنا وكل المسلمين يا رب العالمين


ربنا يا حبيبتي يرزقك بحمل تام معافى وذرية صالحة تقر عينك في الدنيا والاخرة يا رب العالمين
-----------------------------------
ربنا يجزيكو خير جميعا على اهتمامكو بيا ونصايحكو الغالية ليا
بس والله يا بنات اني قلقت جدا النهارده
بعد ما اتهيألي ان الموضوع خلص
وبدات متحركش خالص ولا ابذل اي مجهود
ولا اخدت دش لا بارد ولا سخن
ومش بنسى الدوا
وطبعا مفيش اي هوم وورك
النهارده لقيت دم بني
مرتين الصبح والضهر
ومش قادرة اقولكم على الرعب اللي انا فيه
ومش عايزة ارعب حد معايا
لا ماما ولا حماتي ولا حتى جوزي

انا ان شاء الله ناوية احجز عند دكتور هنا في الفيوم النهارده عشان اتطمن
وهطلب منه يزودلي جرعة المثبت
وهحاول اكلم مركز فارس عشان اشوف رايهم برضو
بس ادعولي ربنا يسترها من عنده يا رب

ربنا يكرمك ياطماطم
ويجعل الخير علي ايد الدكتور ده ماشاء الله عليه
ميزو
ان شاء الله قبل ال6 شهور ما يخلصو حتكوني حامل وربنا ما يكتنب عليكي هم الدكاترة تاني
يارب
ميهو
متقلقيش ان شاء الله خير ده بيحصل مع كل الحوامل دلوقتي
بس انتي مطنشيش في استشارة الدكتور ونامي علي ضهرك ومتتحركيش يادوب الحمام بس

مها يا حبيبه قلبي متقلقيش من الدم البنى ده خالص
ده توابع للدم الاحمر اللى نزل
والله ده اللى حصل معايا بالضبط
بعد مانزل نقطتين وردى الصبح بدري نتيجة لانفعال شدييييييييد
بليل نزل بنى واستمر يومين او تلاته بس كمية قليله
ورحت عملت سونار وكانت اول مرة اعمله فالحمل والحمد لله شفت يوميها النبض الدكتورة طمنتنى على البيبي
بس زودتلى المثبت لغاية ما الدم وقف
وعلى فكرة اما رجعت من عندها نزل دم اكتر من الاول
بس الحمد لله عدت على خير
اما ترجعى من عند الدكتور طمنينى