عارفه والله يا نادو يوم ما توقف نبض الجنين عندي ونزل
انا مكنتش عايزة اروح لاهل جوزي مش عشان حاجه بس عشان اخت جوزي كانت حامل في 5 وبطنها كبيره ولو شفتها كنت هتعب اوي

المهم جوزي قالي لازم قبل ما اسافر اطمن عليكي مع اهلي وكده فصمم نتغدا مع بعض عندهم

مش عايزة اقولك اول ما شوفت اخته وهي حامل ببطنها
حسيت استغفر الله انني صغيره او ناقصه وعنيه كانت هتبدأ تدمع
استغفر الله

طبعا والله الاحساس ده مقعدشيمعايا غير دقيقه ونص بسسسسسسسسسسا
الحمدلله
لاقيت حاجه جوايا بتقولي
لا ده مش شطاره منها ولا خيابه منك
ده رزق ربنا

والله حسيت بعد الدقيقه ونص دول اني قويه جدا وثابته جدا

لاني مؤمنه ان ربنا هيرزقني
امتي؟
هو بس اللي اعلم

انا حمارة انا قلبت المواجع و الا ايه يا توفى ؟
متزعليش منى انا اسفة ان شاء الله ربنا فرجه قريب و ان شاء الله هيكرمنا و هنشوف اولادنا و يغلبونا ههههههههه ان شاء الله

لا يا بنتي ولا قلبتي المواجع ولا حاجه انا اصلا مش نسيت
بس الحمدلله زي ماتقولي كده كتر الضرب عندي قواني الحمدلله

انتى دلوقتى اخبارك ايه طمنينى يا توفى هتعملى ايه ؟

يا رب خير لينا جميعا يا رب

بصي بفكر كمان اسبوعين كده اروح اعمل تاني اشعه ثلاثيه الابعاد عشان اشوف شكل الرحم بعد ما اتشال الحاجز ان شاء الله
وبعدين اروح ان شاء الله لدكتور هميسه اشوفه هيعمل فيا ايه

انا كده كده مستمريه في حبوب منع الحمل
وربنا يكرم

وجوزي جاي كمان 4 اسابيع
ان شاء الله

لوان شاء الله مدولو تاني في شغله في افريقيا ده هروح تاني معاه
باذن الله