. الحمد لله يا بنات بوبا خرجت انس من المستشفي النهارده وشرف بيته هو الحمد لله بخير وكويس

الحمد لله الف حمد لله على سلامة أنس ومامته

الحمدلله والله كنت خايفه اوي عليها وعليه
بس الحمدلله ربنا كريم
ربنا يحفظهوك يارب من كل شر يارب

زينب حبيبتي لو داخله تاني علي النت
ياريت تكتبيلي اسماء التحاليل اللي دكتور طلبها منك عشان انا اليومين الجاين ان شاء الله المفروض هروح لدكتور بس عشان لو تحليل ناقص اقوله عليه

او لو معندكيش وقت لو معاكي موبايل ياريت تبعاتليلي نمرتك علي الخاص ياريت

وعملتي اشعة ثلاثيه ولالا يا زوزو

السلام عليكم

وحشتونى جدا يارب تكونوا بخير

انا عملت المنظار عند الدكتور عادل يوم الاربع

وملقاش عندى غير الكيس بس الانابيب سليمه مفيش التصاقات
ومفيش اثر للاندو فى اى حته تانيه وكان بقول قبل العمليه
انه احتمال يكون عندى من الدرجه التالته بعد العمليه لقيته كاتب فى التقرير انه من الدرجه الاولى
انا مقبلتوش بعد العمليه عشان اتكلم بس هو كلم جوزى المهم
الكيس حجمه 3سم ووديته المعمل عشان يتحلل
ايه رايكم هو ممكن الاندو يعمل اكياس وميكونش منتشر

المهم
ادانى حقنة زولادكس 3.6 وحبوب جنيرا لمدة 42 يوم من خامس يوم الدوره
الحقنه كان سعرها 520 تقريبا دى هتقطه البريود قد ايه الله اعلم
كلمت الدكتور المساعد قلتله انا اخدت الحقنه بعد الجراحه على طول ودورتى
لسه على ميعادها عشرة ايام هلى هتيجى فى ميعادها
قلى ممكن اه وممكن تتأخر قلت يعنى اول دوره تجيلى اخد بعدها الجينرا

والدكتور عادل قال لجوزى اعمل حقن على طول
بس انا نفسى استنى اما تنزل البريود مره واتنين
يعنى لسه عندى امل فى الحمل الطبيعى

ايه رايكم