رورو
يا حبيبتي فهماكي جدا جدا وبصراحة انا كنت كتييير بحس اني بقضيها ركعتين وشوية أدعية وخلاص بس فعلا القلب من جوا مش بيبقي صاحي وفعلا الواحد بيحس بنفسه فما بالك برب العالمين اللي أعلم بينا منا
بس فعلا الواحد لازم يجتهم من قلبه وانا متأكدة ومقتنعة ان ربنا لا يضيع عمل الصالحين

بالنسبة للوزن بقة انا معتقدش ان العملية تتأثر اوي بس الواحد بيحاول يعمل اللي عليه علي قد ما يقدر وانا كنت زياده 5 كيلو بس من فترة ، بس من ساعة الشتا والبرد والثلج اللي احنا عايشين فيه زدت 2 كيلو كمان فقلت الحق نفسي علشان انا كدة هدخل في كتييير اوي
وربنا يستجيب منك يا رب ومحتجش عمليات ولا حاجة يا رب

مصريتي
انا معاكي ان شاء الله في الرجيم قوليلي بس ايه النظام وان شاء الله نشجع بعض
ومعانا بندقة كمان ..

وزة
ازيك يا حبيبتي عامله ايه ؟
اخبار التعب ايه لسة تعبانه ولا أحسن ان شاء الله
ومعادك امته مع الدكتور علشان نتطمن اكتر ان شاء الله

نادو
موضوع البيريود اللي قل ده حاجة تقلق اوي اسألي الدكتور وكمان بني بس ازاي ؟؟
انا مش عايزة اقلقك بس حاجة غريبة أطمني وطمنينا أرجوكي

دوعة
يالا عايزين نفرح بيكي يا قمر وحاولي تدعي بقة بقلبك زي ما قلنا
وان شاء الله خير

جوجو
ربنا يعينك علي التنشيط وتبقي اخرتة خير ان شاء الله

لالا أم العصابة
وحشتيني اوي اوي
معلش ربنا يعنك عليهم يا رب ويكبرو بسرعة والتعب يقلل ان شاء الله

مشمشة
ازيك يا حبيبتي فينك مش شايفاكي بقالي كذا يوم وازاي هدهودة

باقي البنات بحبكم في الله

أم أحمد

اهلا بيكي يا حبيبتي معانا
بصي مركز أدم تقريبا بتكلف في حدود 15 ألف يعني ممكن تزيد شوية أو تقل شوية
وان شاء الله صحبتك ترجع مجبورة الخاطر يا رب

مصرية مش أما اطمن الأول احط توقيع هو انا شفت حاجه دا كله تحليل منزلي
توتا لسه ميعادي ياتوتا بإذن الله اخر الأسبوع الجاي والحمد لله انا احسن حال دلوقت

توتا

عاملة ايه يا حبيبتى برافو عليكى انك فكرتى فى دكتور الدم و ان شاء الله ربنا يكرمك عن قريب
انا امبارح خوفت اوى من موضوع الدورة ده و كنت بدات بالفعل كلوميد المهم انا لسه راجعة من عند الدكتور و قالى حالا اعملى تحليل بول و طبعا ما فيش حمل و كشف بالسونار و قالى كله تمام متقلقيش و انا بفكر اننا نبدا فى خطوات الحقن المجهرى و قالى على ابر انسولين مش متاكدة من يوم 6 فبراير ان شاء الله اسمها suprefect و سالته عن الكلوميد اللى انا اخدته قالى ما فيش مشكلة و ربنا يكرم ان شاء الله و يرزقنا جميعا يا رب بالذرية الصالحة الطيبة اللهم اميييييييييييين
تفتكرى اعمل تحاليل الدم ديه زيكوا و الا ايه ؟