توتا بصي فيه دكتور واحدة اعرفها من منتدي تاني كانت بتشكرلي فيه اوي قبل ما احمل في مايا بس طبعا المشوار كان صعب عليا بس هيا ساكنة في مصر الجديدة فبالنسبة ليها المسافة معقولة.
اسمه الدكتور حسن عواد رئيس قسم النساء والتوليد بجامعة عين شمس .. مكان عيادته في شارع جسر السويس أما مستشفى منشية البكري ( المكان ده قريب جدا من روكسي).
هو في عمارة تحتها محل مفروشات كبير اسمه البيت السعيد .. في الدور الرابع
تليفون: 24512294
موبايل: 0106553388
العنوان: 44 شارع جسر السويس.

حلم الامومة: ربنا يكرمك عن قريب.

نادو
انتي الاجمل يا حبيبتي والله انك في بالي علطول.وصدقيني الرضا ده نعمه من عند ربنا مش بيديها لاي حد فالحمد لله علي نعمة الصبر والرضا.وخلي عندك يقين ان رزقك جاي قريب ويارب يا نادو يفرح قلبك ويقر عينك ويرزقك من حيث لا تجتسبي

توت
انا قريب منك مش قوي يعني بس من المقطم للتجمع مفيش ربع ساعه جيران يعني ههههههه واحده بتتلزق فيكي يا توت .. انتي كده عايزه دكتور في مدينة نصر احسن حاجه علشان يبقي المشوار قريب عليكي.هو اسماعيل عيادته فين اصلا

ساره ام العصابه
ايه الكلام البايخ ده يا قمر شوفي انا دخلت الملف وانتي كنتي لسه والده وملحقتيش اتعرف عليكي بس حبيبتك من المشاركات القليله اللي اتكلمت معاكي فيها.وزي ما البنات قالو اللي عنده بيبي واحد بيحس ان الدنيا واقفه وعلطول مشغول فما بالك ب ٣ بسم الله اللهم بارك الله يحفظهملك معتمدين اعتماد كلي عليكي الله يعينك.واحنا راضين بمشاركاتك القليله والله يا ساره انتي من الحالات اللي بتديني امل وتفائل انا اصلا من قبل ما اتجوزولا اتاخر في الحمل نفسي في توائم مش اتنين كان حلمي ٣او ٤ ولسه علي حلمي.فانسي بقا الكلام ده وخلي بالك من العصابه وطمنينا عليكي كل ما تقدري