يارب يا ام انس يقومك بالسلامة ويكتب ليكى ساعة سهلة يارب

هى هتولد قيصرى ياميزو ولا ايه وده ميعادها؟

ان شاء الله ربنا يقوم أم أنس بالسلامة
أنا صحيت متأثة انهارده أما لاقيت زوجي نايم عالأرض في الصالة لانه كان عنده أرق وطول الليل مانامش وتقريبا كده من التعب نام على نفسه الأرق من إيه بقى
واحد زميله في الشغل مراته بتولد من يومين وزجى ماسك ماكانه زياده على شغله وكل شوية يتصل بيه فى المستشفى يطمن عملوا ايه وخير المهم الحمد لله ولدت زوجى بيكلمه فى التليفون بيقولو طمنى قالو ولدت جابت بنت زوجي باركله وقاله تتربى فى عزك والكلام ده تاني يوم المدير بيسأله فلان عمل ايه قاله ربنا عطاه بنت المدير قاله لأ ده ولد والمهندس التاني رد وقاله ده ولد طبعا شكل زوجى كان محرج جدا وقالوله ماتزعلش ده جهل كده
المستفز انهم لما قالو لزميله ده جه يقول لزوجي الشبكة كانت وحشة وانت سمعت غلط يعنى سمع المكالمه كلها صح ماعدا الولد سمعه بنت؟
الحمد لله على كل حال بس حسيت ان زوجى بدأ يتأثر مكنش كده الأول احنا ياما شفنا مواقف وعدى علينا لكن الفترة دي بدات أحس ان زوجي اتغير وحساسيته زادت
من يومين كنا فى كارفور وواقفين عالكاشير قدامنا عربية بيبى البيبى بيعيط فيها زوجى قعد يبص للبيبى نظرة حزن كده وسرح ونسي يحط الحاجه عالكاشير ومخدش باله ان الدور علينا أصلا بصراحة أنا اتألمت قوى
ربنا يرحمنا برحمته

فعلا ربنا يرحمنا برحمته
انا بجد زعلت اوي
الموقف اللي صاحب جوزك عمله موقف بايخ وقديم
ومفيش حد بئه يعمل كده الا الجهله

حسبي الله ونعم الوكيل

حاولي تتكلمي معاه براحه في اعده حلوة بس بره البيت
وقوليلو الموضوع والله رزق لا شطاره منه ولا خيابه مننا

رزقنا هناخده هناخده
مفيش قدامنا غير الدعاء

يارب يا ام انس يا حبيبتي يقومك بالسلامه وتجيبي انوس بالسلامه
ويديكي ساعة ولاده سهله
ومتنسيش اخواتك بدعوات حلوة

ام انس ربنا يقومك بالسلامه انتي وانس يارب
شيمو الناس اللي بتعمل الحاجات دي ناس مريضه بجد واحسن حل مع الناس دول التجاهل
وبكره ربنا يرزقك و تطلعي لسانك للاشكال دي
انا تقريبا حصل معايا موقف كده بس ساعتها محططتش في بالي خالص
واحده قريبتي وصاحبتي اوي هي زي ماما يعني بنتها كانت حامل ومقالتليش و افاجأ يابنتي اني اخر من يعلم و معرفتش ان بنتها حامل غير لما شوفتها كانوا معزومين عندنا وانا عماله افكر هي مالها تخنانه كده ليه وفي الاخر سألتها هو انتي حامل قالتلي اه هي ماما مقالتلكيش قولتلها لأ و كانت تقريبا حامل في السادس
وبعدين بعد فتره سألنا النونو ايه قالو لنا بنت وبعدين لقيناها جابت ولد
مع ان انا كنت وقتها لسه متجوزه جديد يعني مثلا كان بقالي سنه ومكانش اصلا موضوع الانجاب في دماغيي وقتها عشان كده محطتش في دماغي اوي
انا بردو فيه ميزه مش عارفه حلوه ولا وحشه اني بأكبر دماغي اوي و مش اي موقف يعكنن عليه.....فحاولي ياشيمو انتي و جوزك تكبروا دماغكوا شويه وربنا معاكو ويرزقكوا الذرية الصالحة