ايه يا بنات دانتم شايلين قوي والله الواحد من كتر ما بيشوف مبقاش بيدقق بقيت اكبر دماغي انتم عارفبن حماتي مع انها طيبه قوي تقعد تقولي مع اني بحس ان مش قصدها حاجه انتي عارفه المسكنات اللي كنتي بتاخديها وانتي عندك الدوره هي اللي اثرت عليكي والكسرتيزون انا كنت ببقا عايزه اقولك بس بخاف تزعلي بس بنتي برده ما هي كانت بتاخد علطول مسكن وقت الدوره واهي ما شاء الله بتحمل هو كله بامر الله لسه ملكوش نصيب ايه المشكله يعني فيه نس بتقعد بالعشر والخمستاشر سنه وبعدين ربنا يرزقهم .وكلام من ده كتير
والناس الحشريه متعدوش عليهم انتم مرحتوش للدكتور طيب قلكم ايه طيب ما تروحوا لدكتور فلان طيب متعملوا كذا حاجان تخنق
ههههههه تحسوا يا عيال ان احنا علي اخرنا كنا مستنين شيمو تتكلم علشان كل واحده تشيل من علي قلبها شويه.الحمد لله علي كل حالمحدش يعرف الخير فين والله اني بحس اني تاخر حملي قربنا انا وجوزي وحنت قلبنا علي بعض بجد وعسي ان تكرهوا شيئا وهو خير لكم

ماما
اخبارك يا حبيبتي وحشاني طمنيني علي اخبارك وشوفتيلك مركز حلو

ام انس
ما شاء الله اللهم بارك حمدالله عليدسلامتك ووصول انوس بالسلامه ربنا يحفظهولك ويباركلك فيه ويجعله من الذريه الصالحه

اه والله يابندقه
ولا اللي ماتتسمى مش عاوزه اذكرها كانت تقعد تقوللي "مش لازم تخلفوا مافيه ناس عايشيين سعداء و مبيخلفوش وانا رأيي تسيبوها كدا" كل دا عشان متتحملش مشاكل ولا نجيبلها مشاكل بالعلاج بتاعنا وفعلا لما قالت كده طلعتها بره
ولما اتخانقت معايا تقول لجوزي ”دي عمرها ما حتخلف” مع انها عارفه كويس اني مش فيه المشكله بس سبحان الله حكمت عليه اني عمري ما حخلف كأنها ربنا استغفر الله العظيم
وكانت بتحرب عشان تخرب البيت دا وبتدخل لجوزي من جميع الجهات بس الحمد لله اللي بيني وبينه ميتكسرش بسهوله كده
فكرتوني وقلبي وجعني :(
بس انا البني ادمه دي محطتهاش في دماغي والله ولا خليتها كل همي سيبتها تهو تهو لحد دلوقت و دعيت ربنا بس انه ينصرني عليها
وكفايه انها خسرتني.....انا الحمد لله انسانه كويسه وكنت بعاملها احسن من ولادها ياللا الحمد لله

ولا بقه عندي مشكله تانيه ونفوس ظهرت على حقيقتها واحده صحبتي من ساعه ماحملت قاطعتني مع اني معملتلهاش حاجه فجأه لقيتها اتلوت عليه كده و حاولت اكلمها كتير وهي متكلمنيش وتتحجج بحجج فارغة واخرة المتمه تشتمني وتهزقني و تقطع ودا نوع من الناس اللي قال عليهم القرأن الكريم اللي بيزعلوا لو مس المؤمنون بعض السراء
انا مش عارفه اجيب الايه للاسف لأني بكتب من الموبايل

السلام عليكم ورحمة الله وبركاته

ازيكم كلكم وحشتونى وعايزة اشكركم كلكم لترحيبكم بيا بصراحة ترحيب واستقبال يفرحوا
تسلمو يا قمرات ورنا فرح قلوبنا كلنا بالذرية الصالحة عن قريب ان شاء الله

اه فعلا انا متابعة كويسة ليكم من زمان بس كنت مكسلة اشترك واتابع بحسها مسؤلية كبيرة فى الا نتظام والردود يعنى بس خلاص بقى قررت اكون معاكم عشان حبيتكم اوى

عاوزة اقول ل ام انس حمدا لله على سلامتك والف مبروك على وصول انس ربنا يباركلك فيه

ومصرية ربنا ييسرلك امور العملية وتبشرينا قريب بحملك ان شاء الله

وكمان عايزة اقول لشيمولاتا وماما واملى توام ودوعة وبصراحة كل البنات الى اكلمو عن مواقف الناس الباخة عليهم يا حبابيبى طنشو احنا الى بناخد الامور بحساسية عشان ظروفنا بس
هتلاقو المواقف دى بتحصل حتى للى معاها عيال ومحدش عجبوا حالو ابدا

انا مرات اخويا كانت معاها ولد وبنت ومع ذلك واحدة زميلتاه خبت عنها حملها فمش قاعدة ان عشان انتى بتحمليش بيخبو
وبرد لما حملت تالت مرة فى بنت كل الى حواليها يقولو لها يا حرام يعينى عليك يا مصطفى الى هو ابنها عشان هيبقى وحدانى يعنى فيه الاخر لازم يبقى فيه حاجة يعلقو عليها وحتى كما قريبتا كانت حامل معاها فى نفس الوقت بولد وخبت عليها يبقى تقولو ايه بقى

صدقونى الى بدقق فى الحاجات دى يتعب كبرو دماغكم وما تدققوش وناخد الامور بحسن نية وخلاص

ووالله انا كنت بقول بينى وبين نفسى ان تاخر حملى بالتاكيد لحكمة عند ربنا بالتاكيد لمصلحتى بس انا الى مش عارفاها

على العموم سلامى ليكم كلكم
انا رغيت كتير بس لانى حاسة ان فى حالة اكتئاب جماعى واحباط فى التجمع ربنا يفرج كربنا جميعا يارب


اللهم بارك ل ام اياد ول ام انس وميكوو المشتاقة لمكة ولمميزات واشتقت اليك ورمال وهيا ننشر الخير وكل مامهات المف فى عيالهم واحفظهم يا رب من كل سوء

اللهم يا حنان يا منان يا ذا الجلال والاكرام اتمم حمل توتا ودعوة حلوة وعزيزة وميكو على خير وقر اعينهم باولادهم قريبا يا الله

اللهم انى اسالك بانك انت الله الحد الله الصمد لم تلد ولم تولد ولم يكن لك كفوا احد واسالك بانك انت الحى القيوم الرحمن الرحيم الذى يقول للشئ كن فيكون ان ترزقنى وتقرعينى انا وبندقة ومصرية وماما وفاطمة وشيمولاتا واملى توام وامل الامومة ومرمر ودينا حمدى واوكسى ونادو ونيفو ومتفائلة وقطوس ومسلمة امرها لله ومميزات وكل البنات الى فى الملف دة وكل مشتاقة للامومة من امة محمد وصلى اللهم وسلم وزد وبارك على محمد واله واصحابه اجمعين اللهم امين
والى نسيت اسمه يسامحنى العتب على الزهايمر