املي في توائم :

شيمو ما تزعليش والله كلنا بيحصلنا مواقف شبه دي بس هنعمل ايه نصيبنا كده الحمد لله يعني امبارح مثلا خرجنا مع اصحاب زوجي و زوجاتهم و الناس دول اتعرفنا عليهم من حوالي شهر ، واحده منهم في اول مقابله لينا بتقولي ايه ؟؟؟ انا اعرف دكتور هنا في الرياض كويس لو عايزه اديلك اسمه قلتلها لأاصلنا روحنا عند دكاتره كتييير و خلاص سلمنا امرنا لله بتقولي يعني انتوا ما عندكوش حاجه تمنع الحمل قولتلها لأ الحمد لله أحنا الأتنين سليمين بتقولي طيب انتوا بقالكوا كام سنه قولتلها 3 سنين المهم ما اخدتش في بالي قلت يمكن كانت حابه تساعد عشان احنا في الغربه و ما نعرفش الدكاتره قووي امبارح بقى نفس الست دي برده بتقولي ايه بقى ؟؟ بتقولي ان جارتهم رايحه تولد و كان بقالها 8 سنين ما خلفتش و رايحه تولد توأم قولتلها طيب كويس الحمد لله ، بقولها ممكن عشان توأم تكون اخدت منشطات او عملت اطفال انابيب بتقولي طيب انتي ليه ما تجربيش تاخدي الحاجات دي قولتلها جربت واخدت كتييير بس بتبوظلي جسمي و بكتأب منها فبطلتها بتقولي هو انتوا بقالكوا كام سنه (على الرغم ان كل اسئلتها دي سألتني عليها اول مقابله ) قولتلها 3 سينين بتقولي طيب انا ممكن اجيبلك اسم الدكتور اللي كانت بتروحله منها قولتلها لأ احنا خلاص روحنا اكتر من مره و لقينا ما عندناش حاجه هنعمل ايه يعني هنموت نفسنا بتقولي اصل ما ينفعش تقعدوا كده عشان البخل و انكوا مش عايزين تدفعوا فلوس يعني للدكتوره طبعا انا تنحت بخخخخخخخخخل ، ربنا عالم بينا و الله ، ما حدش عارف حاجه انا خلاااااااااااااااااص تعبت والله العظيم ، كرهت اعرف ناس بسبب موضوع الحمل ، والله بقول لجوزي امبارح من اهم الاحداث في مصر اليومين دول بعد 25 يناير ( ان دينا و احمد لسه ما خلفوش ) بجد حسيت ان خلاص مفيش حاجه تاعبه الناس في حياتها غير اننا لسه ما خلفناش يااااااااااااااااااااااارب يا حي يا قيوم ، احتسب لنا الأجر و الثواب و عوّض صبرنا خير يااااااااااااااااارب و ادي كل واحد من اللي بيضايقونا على اد نيته بنااااااااااات ايه رأيكم في البنت دي و عايزه اعرف منكم لو اي واحده في مكاني هتتعامل معاها ازاي ؟؟؟؟؟

شيمو ما تزعليش والله كلنا بيحصلنا مواقف شبه دي بس هنعمل ايه نصيبنا كده الحمد لله يعني امبارح مثلا...