السلام عليكم و رحمة الله و بركاته
ممكن اشارك معاكو انا متابعاكو من زمان أوى
انا عندى إندو متريوسيس عملت منظار من سنه و أخدت منشطات و الأكياس رجعت تانى بعد شهرين من المنظار بفضل المنشطات
المهم الدكتور قالى نعمل فتح بطن
انا طبعا مسمعتش كلامه لأنى أعرف ان لموضوع دة بيأثر جدا و كفايه منظار الأولانى لوحده أكيد أثر على المبايض
المهم رحت جنين عند دكتور حسام قاللى المنظار المفروض يبطلوه علشان فعلا بيأثر على المبايض و هملى شفط للأكياس بمنظار رحمى قاللى دة بيشفط محتوى الكيس بس الكيس نفسه يكون موجود و دة مش بيأثر على المبيض المهم بعدها أخدت حقن زولادكس 3 شهور و توكلت على الله و عملت حقن مجهرى الشهر اللى فات و الحمد لله على كل حال ربنا ما أرادش
المهم انا لسه هروح للدكتور علشان افهم منه اكتر و اشوف هنعمل إيه بعد كدة

بسم الله ما شاء الله الف الف الف الف مليون وتريليون مبروك يا طماطم ...ربنا يكمل لك على خير وتشيلى البيبى وتملى عينك بيه ...اللهم امين
بجد خبر جميل اوى اوى عقبال باقى البنات

اهلا بيكى معانا يا مونى يسعدنى اكون اول واحدةترحب بيكى وان شاء الله نكون خير اخوات وعون ليكى
ومشكلتك يا قمرة فى اخوات كتير فى التجمع هنا عندهم زيك والحمد الله بفضل الله حوامل واقرب واحدة توتا ما شاء الله حامل فى توينز ربنا يبارك ويتمم لها على خير وبردوا ليها تجارب كتير مع د/حسام ان شاء الله تقدر تفيدك وكمان بنات كتير عندهم معلومات مفيدة والله المستعان كل شىء مقدر لنا ولايغير القدر الا الدعاء فعليكى به مع الاستغفار والله المستعان على ما تصفون

الف مليون مبروك يا توتا ربنا يكمل لك على خير ....
عقبال كل البنات وانا كمان يا رب

مرحبااا رجعت بعد انقطاااع بس رجعت وانااا حزينه لما قربت وقت عمليه الحقن كل ما اعمل خييرة اني اعمل العمليه تطلع لي مو كوويسه ويش اسووي ودي ابكي مو قادرة متحمسه اسوويها بس مدري ليش ماتصيير زينه