علي فكرة وانا في حامل ي مايا. قبل ما اعرف اني حامل يومين نزلت كام نقطة دم وكان عندي مغص فقولت خلاص مافيش حمل وديه دورة بس سحان الله.
امل و مصرية: انا مهندسة في قطاع خاص والدنيا واقفة جدا وبيمشوا ناس عندنا في الشغل والمشكلة اننا كلنا بنات. الولاد اللي عندنا واحد عامل حادثة جامدة والتاني سافر يتعالج 10 ايام واهوه بقاله اكتر من شهر. مافضلش غير واحدة مهما حصل عمرها ماتسهر علشان تخلص شغل وواحدة تانية جوزها تعبان جدا والمفروض يزرع كبد فربنا معاها و انا انتم عارفين ظروفي وواحدة تانية هوا بيسئ معملتها اكتر منا وباباها عيان جدا وهيا لسه قاعدة معاه فهيا اللي واخدة بالها منه وفيه واحدة جديدة فطبعا لسه ماتثدش.

ودعه
ما تقلقيش يا حبيبتي ربنا هو الحافظ ، توكلى على الله و ربنا قادر انه يحفظ الحمل و ان شاء الله خير

بندقه
حمد لله على سلامتك يا بندقه و فداكم العربيه ، و ان شاء الله هتيجي تبشرينا بحملك قريب يارب العالمين

قطوس
يا حبيبتي هدي نفسك يمكن يكون حمل ، اصبري كده و ربنا يطمنك ان شاء الله

ميكو
فكرتيني بالشغل و ارفه محدش بيقدر تعب حد كله بيدور على مصلحته وبس ، و في نفس الوقت لو جيتي على نفسك مش هيشيلوهالك برده ، ربنا معاكي و يقويكي و يتمم حملك بخير

معلش ياشيمولاتا ربنا يكرمك وانتى تفرحينى
يابنات خلاص هى الدوره ربنا يعوضنى الشهر الجاى

دوعه ربنا معاكى ياحفظ جنينك انتى ومصريه
وميرسى لكل القمرات اللى ردوا عليا

شيمولاتا صحيح انتى بتابعى مع مين دلوقتى وايه خطتك
ه
انا بتهيألى انى اجهز نفسى للحقن وخلاص التلقيح تعب وجربته

بس نفسى زوجى يروح لدكتور ويشوف لييه تحليل بينزل كده
بعد ماكان حلو

ياريت تفتكرونى بدعوه وانتم ساجدين بالغيب والله انى فى امس الحاجه للدعاه

السلام عليكم
ازيك يا بنات
قطوس حبيبتي ربنا يعوض عليكي يارب

انا كمان الحمد لله علي كل حال ماليش نصيب الشهر ده
والدكتور مرضاش يعملي تاني تلقيح وبيقولي ان اثر المنشط لسه في الجسم
انا بصراحة قلقت من الكلام ده وخايفة لايكون في اكياس من اثر المنشطات دي
هو بيقولي ان في بداية لتبويض شهر جديد لكن القلق بقي انتوا عارفين