بنات
بما إن مفيش مواضيع جديدة قلت أحكيلكم حاجه كده وعايزة رأيكم
طبعا الواحد ياما شاف وعدى عليه مواقف من الناس وطبيعي اللى تحمل وتخبي والأفلام دي خلاص اتعرضت علينا لحد الشريط بتاعها ماسف لكن فيه موضوع أنا قررت اخد فيه موقف وياريت تقولولي أنا صح كده ولا غلط
واحد صاحب زوجي وأنا مش بشوف مراته كتير بما انى منطوية شويتين لكن بنتكلم فى التليفون كل فترة كده اسبوعين ولا تلاته المهم فى يوم من الأيام زوجي قالى الحقى دى مرات فلان في المستشقى علشان الجنين مات قلتله جنين ايه هي كانت حامل قالى أيوة وفي الخامس وجوزها ماقاليش المهم رحتلها المستشفى وماسيبتهاش لحد ماقامت بالسلامة وعملت الواجب وزيادة لدرجة انها كانت مكسوفة مني وعدت وخلاص
وظل بيننا تليفونات وروحي يا أيام وتعالي يا أيام فوجئت بجوزي فيوم بيقولى دى مرات فلان نازلة مصر تولد؟؟؟؟؟؟؟؟؟؟؟؟؟ وبردو خبوا علينا
المهم بعد محاورات ومجادلات اتصلت باركتلها تحت ضغط من جوزى وجابت النونو ورجعت هنا تانى وبردو كل فترة تليفونات وزيارات متقطعة وبعد اسبوعين تقريبا من اخر مكالمة بتصل بيها فوجئت موبايلها مغلق وبعدها بيومين فوجئت بجوزى اللى بردو هوا كمان متفاجئبيقولى دى نزلت مصر تولد وجوزها لسه قايلى؟؟؟؟؟؟؟؟؟؟؟؟؟؟ظ
المشكلة دلوقتى ان جوزى تانى عايزنى اكلمها اباركلها بس انا المرة دى رافضة زى ماهى رفضت انى اشاركها فرحتها بالحمل ومنشفة دماغى كمان أنا زهقت من كتر ما الناس بتعمل فينا كده ونبارك ونجيب هدايا كمان رأيكم ايه أنا غلطانه ؟

شيمو يعني هي خلفت مرتين ؟

بندقه انا موجوده والله عادي بس في الاجازات ممكن ادخل على خفيف
دينا انا الحمد لله بخير انتي ايه احوالك ؟

السلام عليكم ورحمة الله وبركاته
انا مش من مصر بس متابعه تجمعكم بصراحه تجمع رائع ربنا يتمم للحوامل بخير ويرزق كل متاخره بالذريه الصالحه
اخواتي ممكن استشيركم في موضوع
انا قررت اعمل تلقيح مجهري في يوم 31 مارس اخدت الابره التحضيريه
ويوم 8 ابريل جاتني الدورة وعملت تحليل دم وبدات من تاني يوم الابر المنشطه لمده 5 ايام في اليوم السادس عدت التحليل ورحت للدكتور اول ماشافو قالي التحليل مايطمن الهرمون اللي اسمو استرادول كان في اول يوم 198 وبعد علاج 5 ايام وصل 213
يقولي المفروض يكون في ال 400 المهم لما كشف عليا تفاجا باستجابه المبيض وقالي في بويضات كويسه الي انا شايفه مو ماشي مع الي في التحليل انا اشك في المعمل رغم ان المعمل في مستشفى كبير
المهم زادني كم 4 ابر لمده اربع ايام وبكرة الاثنين حاعمل التحليل واروح له
انا في الاول كنت مرتاحه لكن بعد الي حصل خفت ماادري ايش الي بيصير معايا
امس جاني الم في ظهري قوي مادري التنشيط له دور ولا لا
اخواتي معليش طولت عليكم بس الي تعرف ياريت تفيدني
ربنا ييسر امركم ويرزقكم من واسع فضله

شيمولاتا

حبيبتي بلاش زعل وقولي لزوجك وصاريحة ليه هيه تخبي عليكي
وفي نفس الوقت تروحي تباركي ليها مرتين واحتسبي زيارتك ليها لوجه الله
ولو هي علاقتك بيها رسمية طنشيها باركي بالتليفون وبس

على فكرة كل اللي يحملو حتى لو طبيعي بقو يخبو فما بالك اللي تتعالج

ام باسل
هلا ياقلبي بيك في التجمع
انا شايفه ان كلام الدكتور منطقي جدا انا علي فكره مبحبش اعمل تحليلات الدم اي كانت في معامل مستشفيات خالص لان ليا معاها ذكريات ما هي كويسه وفعلا النتيجه ممكن متكونشي مضبوطه
لو حتعيدي التحليل عديه اما في معمل البرج او معمل الخليج
لو مش حتعديه وتكتفي بالصونار عادي برده
ربنا يطمنا عليك ياقمر