السلام عليكم ورحمه الله وبركاته
انا بس ودي اسال انا باقي شهرين وروح اعمل الحقن بس حبيت اسال الدكتورة الي انا ارجع عندها هنا ماعطتني ادويه خااالص وانا عندي تكيس خفيف جدا لان دورتي منتظمه وتجي شهريا عموما وقالت لي انتي عندك بيويضات كثثير وماتحتاجي الى تنشيط بس حجمهم صغيير وهد سهل وانا ودي اعرف لما اروح مصر حيعملو العمليه مباشرة او بخد علاج؟ وبعد ابغي ارعف شي بعد الترجييع بعد 15 يوم اقدر اركب طائرة منشان ارجع البلد؟

يارب ابشركم بحملي يارب يارب وانتو تبشروني بحملكم يارب

يا جماعة انتم فين؟ ماينفعش كده. انتم ححتخدوا غياب وفيه غرامات.

مبرووووووك الملف الجديد وربنا يكتر من الاخبار الحلوة

معليش انا مشغولة اوي
اثنين من الاولاد عندهم نزلة معوية وامبارح عمر دخل المستشفى لان جاله فقدان سوائل ودخل في حالة مايعلم بيها الا ربنا
الحمدلله خرجنا 2 صباحا ونوعا ما حالته مستقرة

السلام عليكم
مبروووك علي التجمع الجديد
يارب نطلع منه بحوامل كتيييييييييييييييير
يارب يارب يارب

وحمدالله علي سلامة اولادك يا ساره
ربنا يخليهوملك ويحفظهملك من اي شر

مبروووووووك الملف الجديد يارب يكون وش حلو علينا
اخباركم ايه ياقمرات
انا عملت اشعة الصبغه النهارده الحمد لله طلعت سليمه
هروح للدكتور يوم الاربع وهشوف يقول ايه
انا بعت رساله للدكتور عادل وقلتله على التلقيح
مش عارفه الخطوه دى مناسبه ليه ولا اعمل ايه

النهارده اول مره اشوف السى دى بتاع عملية المنظار
بصراحه اتنكد على الاخر لانى شفته بيكوى المبيض حسيت انه عدمه العافيه
وكمان راح على المبيض التانى وشفته كواه بس اقل من الاول اللى كان عليه الكيس
مع ان فى التقرير كاتب انه لقى نقطتين من الاندو على المبيض اليمين وكاتب ان الشمال طبيعى ومفهوش حاجه امال ايه اللى شفته ده انا هبله حتى لما رحت لهشام صالح مطلبتش منه يشرحلى هو عمل ايه فى العمليه وانا من بعد ماعملت المنظار مشفتش الدكتور عادل
ولا حتى رجعتله
والله انا مخنوق خايفه الكوى ياثر على المبيض هى الحكايه كانت ناقصه
ياريتنى ماشفته وكمان انا مش خبيره ممك تكون حاجه صغيره وانا شايفه كبيره
بجد انا اتخنقت على الاخر
كل شويه افكر فى حاجه تقلقنى مره يمكن الانابيب جرالها حاجه ومره يمكن المبيض جراله
حاجه ومره تحليل جوزى يتحسن ومرتين ينزل واعمل حقن ولا تلقيح
بجد والله ماعاد فيه مخ افكر
ولا حتى قلب يتحمل احيانا بحس انى استويت على الاخر
مفيش حاجه حلوه كتير بتغلب على نفس بس اول ماشوف حاجه تفكرنى
بموضوع الحمل او الشيطان يقولى خلاص انتو مش هتخلفوا
بحس انى عيزه القيامه تقوم ونخلص استغفر الله العظيم
يابنات الواحد اللى عنده هم مش زى اللى عنده اتنين
ولازى اللى حياته كلها هموم
استغفر الله العظيم ايه الكلام اللى بقوله ده بلاعة كآبه انفتحت