كوبونات الراقية تسجيل الدخول

عزيزة المنال
عزيزة المنال •
MIKOMIKO MIKOMIKO :
وزة: لا بصي جربي تاني ولو كان كلمي الدكتور. اوكسي: ربنا يخليكي.
وزة: لا بصي جربي تاني ولو كان كلمي الدكتور. اوكسي: ربنا يخليكي.
جربت كتير ياميكو ... المشكله ان ماما بتقولللي عادي وفي النت عادي بس انا خايفه و مهسهسه عالأخر
الدكتور قاللي اصلا الحركه بتبتدي بعد الأسبوع ال 18 ... فأكيد حيقوللي عادي بردو ... انا لو فضلت مهسهسه كده لبكره حروحله علطوول
عزيزة المنال
عزيزة المنال •
طب ياميكو افتكريلي كده في حملك في مايا كنتي بتحسي بأيه ؟؟؟
MIKOMIKO
MIKOMIKO •
بصي ايام كتيرة ماكنتش بحس بحركتها بس كنت بحاول لو زادت اني اشرب حاجة مسكرة او اكل شوكولاته او اشرب حاجة تكون ساقعة.
كان بيبقي عندي مغص عند جوانب بطني من تحت و وجع في الظهر وحتلاقي بيجيلك نهجان كتير. انا المرة ديه ابتدي معايا من الشهر التالت
وكمان حتلاقي بعد شوية بيجيلك CRAMPS في الرجلين بس ده طبيعي. قوليلي فيه ايه تاني وانا اقولك. انا ابتديت الكالسيوم بس لسه الحديد.
عزيزة المنال
عزيزة المنال •
طيب يعني اني ما أحسش بحاجه في بعض الأيام عادي ... قوليلي بطلي هسهسه يابت و خوديني ألمين بدل ماحد تاني يعمللهم فيه
انا باخد كالسيوم و ماترنا و سيدوفاج و أسبوسيد عشان السيوله فيه ايه تاني غير كده ؟ مباخدش حديد الحمد لله تحليل الانيميا بتاعي كان عالحركرك كان طالع 11 وبأحس فعلاً بأحيانا شد او وجع في اسفل بطني ودا عادي يعني مش بأعيره اهتمام ... ساعات بأحس بتقل من تحت بردو بقول عادي ما الواحد ياما حيورد عليه

طيب ايه التحالليل اللي انتي عملتيها ؟
انا عملت في اول تلات شهور بول وسكر عشوائي و أر أتش و فصيلة دم وصورة دم كاملة ولحد دلوقتي الدكتور ماطلبش مني حاجه تانيه
انتي عملتي ايه؟
MIKOMIKO
MIKOMIKO •
بصي انا في مايا كنت بحس بحركتها من اول التالت حاجة كده زي الرفرفة بس كانت بتجي ايام ممكن ما احسش بالحركة بس عموما مايا كانت قليلة الحركة بيقولوا الولد حاكاته بتبقي اكتر وبتتحس بيها اكتر من البنت. المرة ديه اول مرة احس بحركة البيبي من يومين.