هايدي

عندك حساب اعطيني اضيفك


ماشاء الله متجمعين هنا

اليون خلصت اسبوعين من النفاس متى اخلصه كله

ارضع بنتي طبيعي لكن اليوم قل حليبي كثير ممكن عشان تغذيتي زفت

ماقوم الا اربعه العصر ومالي نفس اكل شيء

معا ان كل شيء مفرزن من الى

بس مالي نفس اكل واشرب ماء كثير

من بكره بهتم عشان الحليب حرام بنتي ماتبي الصناعي وتبكي من الجوع

سالي
لبا قلبك ههههههههه وربي مانسيتكم وماروبعت وبس الا بعد خمس ايام بكمل شهرين ان شاء الله
وللحين والله بغرفه النفاس ولا رحت غرفه نومي مالي خلق ونومي مخربط مع الاميره الصغيره
وانا اصحصح واللي بالبيت ينامووون

عاد قلت خلاص بعد خمس ايام ابروح غرفتي خليه يحس بقل النوم والازعاج معي ولا ابو بلاش

النوفي حياتي وحشتيني وربي ماتطلين واجد خلونا على تواصل ماني متخيله بنفترق

عاد ابسال اللي عندهم كذا طفل ومهم بكريات وتوهم عرايس وش ناوين بعد ماتخلصون نفاس وش الافضل ووش المفروض
هل عادي الوحده ترجع بيتها وترجع العلاقه كل شي طبيعي بدون اي تكلف وخرابيط
ولا مفروض الزوجه تنتظر الزوج يرتب لهم سفره ولا يومين بالاوتيل مع هديه
ولا الزوجه ترتب يومين بالاوتيل مع الشموع ورومنسيات وهالشغلات وهديه
ولا يرجع لطبع الزوج واللي هو يحبه
وش رايكم خصوصا اللي عندهم اطفال واجد مثلي اربعه

ابي رايكم بصراحه وبعدها بقولكم وش رايي ووش وضعي
 

ام عصفورين 
نافوره 
سالي فديتكم انا 
تسلمون والله 
سالي انا نفست ببيتي 
وودي اسوي استقبال بس هل انا اللي اكلمهم يجون ولا انتضرهم يكلمون !؟ 
ردو علي لاني اول مره انفس ببيتي 

لا طموح

احس مو زين تقلين تعالو قهووني

اذا كلموك وقال بنحي جهزي استقبالك اللي ناويه عليه

والله انا لا سويت استقبال ولا شيء

بس مشتريه كم سلة حلاوه اذا احد كلمني اطلعها ع الطاوله وجهز قهوه وشاي وتمر والباقي هم يجبونه

غنج
مشكورة على الرد .. فعلا دايم أقرأ هنا ان الزنجبيل فيفترة الدورة او النفاس
يجيب مويات عشان كذا أنا اشرب قشر قهوة سادة بدون أي إضافة .
وبغيت أسألك
تعرفين أحد من الحريم اللي يعالجن شعبي تكون شاطرة في الرياض .؟؟

النافورة
وشهي له هالتحامليل اللي آخر النفاس ؟؟ ومن متى تأخذونها ؟؟
ماعمري أخذت تحاميل بنفاسي .. أتوقع لازم استشارة طبيبة .

ساجدة
وضعي بعد النفاس عادي ما فيه تخطيط وترتيبات ..
أرجع بيتي وكل شيء يمشي مثل العادة ..ممكن نسافر كم يوم وممكن لا ..
ممكن أشتري لي شيء غالي وممكن لأ .. يعني على حسب المزاج والحاجة ..
لكن أفرض الشيء لأني طالعة من النفاس لا ..
لأننا مو بحاجة لمناسبة عشان نشتري اللي نبي أو نسافر ..
هو ما يقصر طول السنة ..
هالمرة ودي نسافر كم يوم عشان العيال من زمان ما سافروا ومشتهينها
بس المادة لك عليها هالفترة ..
وماأحب اسافر بمولود لأنه غثيث في هالفترة .
لكن بشوف إذا يقدر على صرفيتها بروح لو أقعد بالغرفة ويطلع بالعيال يغيرون جو .

طموحة
ارسلي رسالة للجميع انك حددتي يوم للزيارة وترحبين بهم في اليوم الفلاني بالتاريخ الفلاني
بس أشوف ان الوحدة تحدد يوم في الزيارة إذا كانت تعبانة أو ناوية تتكلف مرة في التقديم
وزوارها كثير ..
أما أنا فما أتكلف و وزواري مو كثير .. فما أحدد يوم معين اللي يجي حياه الله
بس يعطيني خبر قبلها ..
ومن ناحية أقاربي يجون ومعهم قهوتهم وشاهيهم وأنواع التقديمات .
فما أشيل هم .