بنات أرجع أسألكم اللي تعرف معالجة شعبية ممتازة في الرياض
وأفضل تكون في الشمال تدلني واكون شاكرة لها .

الطخمي
إذا أنت ما تستعملين مضاد فإشربي شوي من منقوع المرة للشمم
وإذا تستعملين مضاد فشمي لك حلتيتة .
وترى الزنجبيل مو زين للنفاس يسبب لها مويات
فأحسن انك ماتحطينه مع قشر القهوة

ام ساره
انتبهي لجلستك أكثر عشان الجرح المفتوح يلتئم زين ..
هالحين يبي له إهتمام أكثر عشان ما يلتهب ..
بس ما ادري هل ممكن ترجعين تلحقين عليه وتخيطينه الآن ؟!
بالنسبة للختان ..
فيه دكتور اسمه صبحي عزام مرة ممتاز مطهرة عيالي عنده
وناوية أطهر ولدي هذا بعد عنده ..
هو كان في عيادات ابو بكر .. لكنه نقل منها ما ادري وين راح بالضبط بس
مري على نفس العيادات وإسأليهم وين راح أو إسألي هنا في النت ..
للحين ما طهرت لدي وودي أطيح همه بس للحين لاهية بنفسي وأوجاعي ..
وسره بعد للحين ما طاح وله هالحين اسبوعين !!
مع اني أعصر عليه المسحة 3 مرات في اليوم وأحط عليه البودرة مرة ..
بس للحين ماطاح !!

النافورة
ماسبق وصار لي هالشيء ..
بس غريبة ما نزلت هالقطعة عقب ما أخذتي الرشاد في نفاسك ؟!
شوفي العضوة قشر قهوة وإسأليها وش ممكن تأخذين شيء ينزلها لو هي فيه .
الله يعينك ويفرج لك .


ام عصفورين
قشر القهوة إذا سويتيه مثل القهوة هل طعمه يصير قريب من القهوة ؟؟
أنا حمسته شوي ثم طبخته لحاله وبصراحة طعمه مو زين كأنه غسال ..
القهوة أحسن طعم مع اني ما أحبها ولا اشربها .

صمتي مهابة
انتبهي من الإمساك والشمم .. لأنه يأثر على خياطتك ..
خذي لك شيء يلين بطنك ويمشيه تكرمين ..
وبالنسبة للغازات عليك بالكمون والنعناع والشمر ..
والمغص بعد الولادة طبيعي هذا من الرحم خذي له مسكن يخفف عليك الوجع .
والظهر عليك بمرقة اللحم يوميا .. وكان تقبلين الحلبة فعليك بها في العشرين الاولى
الله يعينك فترة وتعدي ..
دايم الأيام الاولى تكون صعبة والعافة تجي شوي شوي .

الحمد الله ع سلامتكم
والف مبروك ما جبتو

والله يقومكم بالسلامه

بنات امس الليل استخدمت تحاميل البوثيل
ولا صار لي شي الحين
مع العلم لي 34 يوم والدة

مبروووووووووك لكم يانفوسات
عقبال ماانظم لكم قريب

النافوره انا بديت أصلي لانه الإفرازات مويه مو دم 
بس ماادري وش سببها وانا مخلصه الأربعين لي 4ايام