لحظة الــــــــــم :

صباح الخيرات كيفكم اخباركم بنااااااات ابغى اشكي لكم الشكوى لله قلبي قلبي ياخواتي مفقوع بقووووه من وانا حامل والحين بعد ماولدت نفس الشي قلبي بينفجر تخيلوا طول ما انا اجهز لنفاسي وام زوج ناطه معي بهالاسواق حتى يوم نزلت اقضي لنفسي القمصان والملابس الداخليه راحت معي حتى العطار راحت معي هذا وانا صابره وساكته ومتحمله عشان اللي ببطني وعشان زوجي مابغى اسوي مشاكل ورحت لاهلي نفست عندهم وقعدت عشرين يوم والله يابنات كل ليلتين وهي ناطه السوق كل ماكلمت زوجي قال انا بالسوق ومعي امي  المشكله انو تنزل السوق لغرض واحد واحيانا تافهه واحيانا تنزل معي ولاتشتري ولا حاجه  المهم الحين انا رجعت بيتي وابغى اجهز لحفلة ولدي قلت باخلي اخوي وزوجتة يكفوني شر اللفلفه بالسوق ويشتروا كل اغراض الحفله وباخلي زوجي ينزلني اشتري لبس ع السريع وارجع  وقبل شوي كلمته قلت اليوم بعد المغرب ابغى السوق اشتري لبس وتخيلوا وش يقولي خلاص انزلك انتي وامي عاااد انا انفجرت وزعلت قلت انا من يمسك لي ولدي وبعدين ماكفاها كل يوم وانت منزلها السوق واصلا وش تبغى قال والله امي لها يومين طالبتني انزلها السوق تبغى اغراض قلت ماتبغى إلا مبخر وبخور انا باشتري لها قال لا انزلك انتي وهي انا تنرفزت وقلت خلاص مابغى السوق قال عادي انا بانزل امي قلت خلاص باخليها تشتري لي لبس قال اعطيها فلوس اهم شي فقع قلبي انا مابخليها تشتري لي بفلوسها اولا وثانيا هي اصلا عجوز ذوقها مو زي ذوقي بس قلتها اشوف ردت فعله وطلع عنده عادي امه تشتري لي لبس ومو عادي انا اشتري لها مبخر والله شي يقهر  للمعلوميه انا ما اكرهه ام زوجي ابدا واتحملها واتحمل حركاتها لاني اشوفها مثل امي وانا مارضى ان زوجة اخوي ماتتحمل امي بس انا مقهوره من زوجي معاملنا زي الطباين قاهرني ماعاد لي خصوصيه كل ماقلت ابغى السوق دق على امه وانا قلت له إذا اهلك محتاجين السوق نزلهم لحالهم وانا لحالي يقولي مو ع كيفك انا ماني سواق الحين وش السواى الحفله يوم الاحد إذا مانزلت اليوم ماعاد هو فاضي عنده دوام اكابر وانثبر في البيت والبس لبس قديم وإلا اعاند واكبر الهرجه وتصير مشكله وإلا انزل اخخد ولدي معي عشان امه تنزل معنا

صباح الخيرات كيفكم اخباركم بنااااااات ابغى اشكي لكم الشكوى لله قلبي قلبي ياخواتي مفقوع بقووووه...