تجمع.. الي متزوج عليها زوجها تتفضل

حبيبتي الله يعطيك الصبر
وعلى قولتهم حرمه ماتأكل حرمه
أهم شيئ انك انسانه عاقله وما حتقصري معا ه بالعكس خليك بأصلك وأتبعي أحساسك وصدقيني حيطمر......... واليوم الامايكون معاكي اشغلي نفسك ب عيالك شيئ تحبيه أو تغير اومفاجأ جهزيها له وحاولي ترديه لك ولاتتنازلي عن شيئ لك او تتكاسلي ...ومصيرو برد لكي إنشاء الله

مشكوره اخت بيسانوا
انا الحمد لله اتعامل معاه بعقل بس فاقعه مرارتي هالبنت رغم انها يوم شافتني طاش عقلها ماتوقعتني لسه حلوه وصغيره وقالت عنه انه اناني لكنها لسه قاعده وان شاء الله يتزوج عليها وارتاح

حبيبتي هدوء خليكي مثل اسمك هدوء ويمكن زوجك يوم عندك ويوم عندها وانتي لسه حليوه وصغيره المهم لالالالالالالالا تهملي نفسك ابدا وخليه لايحس انك تغيرتي والله اعرف وحده زوجها جايب لها سوريه مثل القمر وعمرها 16وطول وبياض ودلعععععععع وهو داخل على الخمسين نسته زوجته في الدور الثاني وماصار يطلع عندها لابعد اسبوع وكمان تغسل وتكوي وتستقبل ضيوفه وهذيك للدلع بسسسس حتى النوم تطلبه لايعمل شي علشان لايتعب ويخلي الطاقه لها ((الله يصيبها ))
الصبر الصبر الصبر واحتساب الاجر

حبيباتي انا زوجي متزوج علي من اربع سنوات اول ماتزوج طف وطار بها وانا قمة الهدؤ وعدم المبالة وهويوم شافني كذا صار يقارن بيني وبينها ويقول هي احلى وهي وهي وانا ارد عليه بالصمت الرهيب وفي الأخر قلت له انا ابغى اعيش وماابي شي ينكد علي انت تبي تعيش معي اهلا وسهلا ولك الحب والتقدير انت مالك رغبه نخلص بكل احترام ثار وقال انت بايعتني انت وانت قلت ل لا انت ابو عيالي وبيني وبينك عشره انت اللي بايع مو انا شكللك مرتاح معها وانا ملبي لك الا السعاده وكان اللي يخليني اصبر واطول بالي مو حبي لزوجي ولا أولادي لا هو ربي واحتسابي وثقتي به سبحانه وتعالي واني ماقصرت ابدأ وكان الله عند ظني به طلقها وعاد لي وهو يلعن الزواج من اخرى لكن فيه اشياء تنكسر وصعب تجبر او تتعالج بس ممكن نتعايش معها

هلا حبيبتي
انا زوجي متزوج من سنتين ونص
والله تعبت من الغيرة والمراقبة تعبت واتعبت غيري وتطلقت قبل خمس شهور ورجعت بعد طلاقي باسبوع حتى والله اني انحرجت من اخواتي في منتدى عالم حواء اني اخبلاهم تدلاين ليش
لاني دايم اشكي عليهم واقرر الطلاق وبعد مدة ارجع وامدح زوجي وهكذا حتى صاروا مايدرون انا تطلقت والا لا هههههههه
الحين الحمد لله والشكر استخدمت طريقة روووووووعة خلتني اكبر في عين زوجي وخلت ضرتي تنقهر مني وصارت تقرب لي وتحاولبكل الطرق اني ارضا عنها
تبين هذي الطريقة وتستفيدين منها نفذي الي اقوله لك بالحرف لكن والله انه كثير ويمكن اكتب صفحات وصفحات
اعطيك الزبدة
البنات في المنتدى كانوا ينصحوني بامور مثل الصبر والتطنيش لزوجي وزوجته وعدم مراقبتهم
وانا كنت اقراء صح وانوي انفذ كلامهم وفجاءة ينقلب حالي واسوي الي براسي
لكن بعد طلاقي الاخير سبحان الله الله الهمني امور كثيرة
اول شي كانت صعبه علي وشوي شوي قاومت نفسي حتى تأقلمت عليها
اضرب لك مثال
كان كل مايحصل منها موقف على طول اعلم زوجي به وواعاتبه ليش ماتقول لها وليش ماتادبها ويصير بينه وبيني مشاكل كثيرة فقدرت الحمد لله على مسك اعصابي وكل ماصدر منها شي احتسب عند الله واشكي على الله وحدة فصرت هادئة وصار زوجي يرتاح عندي
2 - كان كل ماراح عندها اراقبه متى جا ومتى خرج وتعتب كثير قولي ليش
لاني كنت اقول يجلس عندها اكثر مني يعني يحبها اكثر الحين تركتهم ولا عاد اهتم متى جا ومتى راح وارتحت الحمد لله
3- كل ماشفتها شارية شي او جايب لها شي صياح ونياح عليه ليش ماعدلت وليش ماجبت لي وتحصل مشاكل كثيرة بيني وبينه باسباب هذا الشي الحين الحمد لله صرت اطنش وماهمني لاني موظفة وكل شي نفسي فيه اشتريه ولا اطلب منه شي الا اذا جابه هو لي ومسألة انه جاب لها وانا لا صرت مفوظة ربي فيه هو حسيبي هو الي يجازيه مو انا واترحت كثير وهديت نفسي
4 - مساالة العدل في امور كثيرة وخاصة الخاصة منها كنت اعتبه كل ماشفت او حسيت انه معطيها حقها الشرعي (فاهمة طبعا ) الحين الحمد لله ارتحت كثير قولي ليش لانه لو عدل اخذت حقي بالدنيا ولو ماعدل اخذ حقي بالاخرة يعني انا ماخذة حقي ماخذته ولاحظت ان زوجي بدا يعدل في كذا مع العلم انها كانت تستفزني بالروج في ملابسه الداخليه لكن ماصارت تهمني
5- الاتصال عليه والله اني كنت اتصل عليه بالهبلوينك او اتحجج باي حجة عشان اتصل عليه وكان هو فاهم قصدي وطفش مني الحين الحمد لله ماعاد اتصل بيومها و ليلتها الا للضرورة حتى هو الحين صار يتصل علي ويقول ليش ماتكلميني ويقول من تغلا تخلا لكن ماهمني انا مرتاحة كذا
6-كنت مخلية زوجي وضرتي محور حياتي الحين لا والله صرت اهتم فيه بيومي وليلتي فقط اما غير كذا صرت اهتم بصديقاتي ووهواياتي اقرا كتب ادخل نت اتصل على صديقاتي طبعا في ليلة ضرتي
7 - اوصيك ثم اوصيح بقربك من الله عزوجل الدعاء والاستغفار والصلاة وقراءة القران اشغلي نفسك فيها وتشوفين كيف ربي يريحك ويهدي نفسك
حبيبتي اكيد كلامي هذا يريحك شوي لكن ماراح تنفذينه على طول لاني عانيت مثلك لكن حاولي ولو ماقدرتي حاولي مرة ثاني وهكذا حتى تقدرين تنفذينه كله ولا تسرعين على النتائج
واي خدمة انا معك على طول
ربي يهنيك ويطيب خاطرك ويرد لك زوجك ويسخره لك هو وزوجته
ملاحظة/
الضرة ترا تدعي على ضرتها من قهرها منها لكن انتي انتبهي تدعين لانه مايجوز وبعدين اذا دعيتي عليها الملائكة تقول ولك مثل ذلك انتبهيتدعين انتبهي الا بكل خير مثل الله يهديها الله يسخرها لي