يابعد عمري انتم

والله اني صليت صلاة الاستخارة

وقمت افتح الجهاز

خفت لا يصير فيه ردود تجرح

لكن احمد ربي واشكره ان المنتدى للحين فيه خير

اولا اشكرك اختي هدوء المساء على كلامك الطيب والأروع انتي ياقلبي وردك الحلو

ومثل ما قلتي هذا يحط من قيمة الرجل بعد كل هالتعب معاه والشقى لكن حبيبتي كله على اجره

احتسبي اجرك وربي يبي يعوضك ان شاء الله دنيا وآخرة

ونصيحة اخت لك مع اني ماجربت الزواج لسه من متزوج لكن يقولون لك الباب اللي يجي منه ريح سده واستريح تفاديا للمشاكل لا سمح الله

واختي منتظره والامل بالله ما قصرت كفت ووفت ... <<< ادري ردي فيه لقافه لكن من باب النصح لا غير

وكذلك اشكر اختي المنتظرة والامل بالله

واقولك حبيبتي والله لا رفعت رايه حمراء ولا هم يحزنون هههههههههههههه

بالعكس انا حاسه فيكم وحطيت نفسي مكانكم كثير وتخيلت امي لو يتزوج عليها ابوي

لكن وش اسوي ما بيدي حيلة :(

وانا اكيد ابي الصراحه يا قلبي مابي كلام على الي يجي بقلبي والا كان ما كتبت

وكل كتابتي هنا علشان اشوف ردودكم واعرف وش تحس فيه الزوجه الاولى علشان اتفادى اللي يقهرها من غير قصد والله اعلم بنيتي

وصدقوني استفدت منكم كثير ...

ومع اني حبوبه ولله الحمد وما احب الشر واكره المشاكل

لكن راح اشرط انه ما يكون بيننا احتكاك الا شي اضطرينا اننا نشوف بعض فيه

مو علشان الغيره لا...

والله تفاديا للمشاكل ووجع الراس

اما عيالها وربي اني ناوية اعاملهم مثل ولدي واكثر بس عسى ربي يرزقنا على قد نيتنا ولا يكلنا على اعمالنا

ونصيحتي لك اختي المنتظرة انك تحتسبين اجرك عند الله في تعليم ضرتك

وربي ما راح يضيع تعبك

وراح يكون لك رفعه درجات باذن الله

واخيرا اخواتي

انا الحمدلله صليت صلاة الاستخاره وعسى ربي يوفق

دعواتكم لي حبيباتي

ان الله يعوضني عن حياتي قبل خير

وانا باذن الله راح اكون زوجه تعين زوجها على البر والعدل وتقوى الله سبحانه في السر والعلن..

شاكرة لكم

,,

انا اكيد قراتن قصتي زوجي متزوج من 5 سنوات تزوج علي بعد 4سنوات من زواجي واخذ وحده اكبر مني ب4 سنوات واكبر منه ب2 سنه طبعا ألان فارق السن مو مهم والمصيبه تقربلي كثير واخذها وعمرها 34 سنة تقريبا المهم في بداية زواجه مشاكل لالها اول ولا اخر بس افكر فيه واراقبه متى جاها ومتى يجيني وليه اليوم جاء بدري وليه وليه ؟؟؟؟؟؟؟ واسوي ليالي رومانسيه وماافوت ليلتي وسهر وهيصه وقمصان ودنيا شي شي رهيب كاني انا العروس ويقول شوفيها ماهي زيك ماتسالني زيك ماتطفشني وبعد مرور سنه من زواجها تبدل الحال بعد ماولدت صارت بالحيل قوية وصرت اسمع مشاكلهم ويجي يشتكي منها وتبي تطلع من البيت ماتبي تسكن معاي بنفس العماره واذا شافتني ماتسلم علي وبعد تقريبا سنه وعليها خلاص تعبت من المباره ماعدت اهتم في الموضوع والحمدلله عايشه الآن حياتي مره عندي ومره لا وكله بفضل رب العالمين وعلى قولت وحده من الاخوات يوم اطلع او اطبخ او ماطبخ صار بالنسبه لي يوم راحة وانا ماتصل بليلتها وفي رمضان نصلي انا واولادي في المسجد وازور واقرا القرآن واتعبد الله والرجال ماهو محور اهتمامي كلة وسبحان الله يمكن خيره حتلى نحصل فرصه نعبد الله اكثر والله ماكيد لها وهي كذا مره تحاول ولكن الله ينصفني وآخذ حقي منها وكل ماصار رمضان سبحان الله اول يوم يفطر معانا لانه يومي حاسه ربي بيرضيني وانا ماقصرت عن زوجي شي كنت اقصص اظافرة وكنت احممه كنت ادلكة ووو والحمدلله حتى بالنوم ماخليت ولا طريقة ولكن ربي كتب كذا والان انا حامل بشهري السادس وماني رايقه له والحمدلله عندي منه 3 اولاد وكلهم بالمدرسه وعندي غلا بنتي وياخت منتظره والامل بالله انتبهي لاتزوجي زوجك لاتصيري مثل زوجة اخوي زوجت زوجها وتطلقت الثانية وجلست بنت 16 على قلبها انتبهي وبس وكل عام وانت بخير

اختي وناسة والناس محتاسة اسمك حلو لكن لا تطبقينه مع ضرتك المحتاسة الله يكون بعونها

اختي الملعة السعيدة ان شا الله
انتي غلطتي في العنوان مو انا الي ابي ازوج زوجي هذي هدؤ المسا لكن الحين صارت شاطرة وبطلت هذي الفكرة
على العموم ما شا الله عليك اقلمتي نفسك مع الوضع الجديد الله يكتب اجرك وربي يرد لك زوجك

بنات انا زوجي ما يحب يقعد معي ولا يكلمني ويقول تضيعين وقتي ومع غير لا
ويسافر برى ويطلع كثير برى البيت قال ايش اتسمع شريط في السيارة خمس ساعات
وانا حاسة اة متزوج لاريق حلو وتجريح والفاظ اللة المستعان
وعندى احاس انة بيجي يقولي وش رايكم انا ما اتحمل ضرة مهما قلتو ومهما نصحتوا
ابقعد على عيالي وبس وهو ابعطية طناش وانا وهو في طريق بس بدون طلاق علشان الاولاد
لالالالالالالاتقولون هي المستفيدة كيفهاانا ما اتحمل اجلس اواضحك اواتكلم معة وهو ما يراني شي

يبي متعتة وهو الفراش وانا مستحيل اقارن نفسي بها انا ام اولاد وهي بكرررررررررررررررررررررررررررر

تبون لاجى يومي كانة متقزز مني لالالالالالالاواللة ما احط نفسي في موقف محرج

شوفي قلبي كلامك غلط بغلط انا بكرررررررررررر على قولتك وماتوفقت بزواجي
هههههههههههههههههههههههههههههههههههه اهم شي الالفه والموده مو البكر والا بدون
والله هذا ابليس يلعب عليك
لان البكر مصيرها بتخرب مع الاهمال حتى بدون ولاده
انتي اهتمي بنفسك
واهم شي التعامل معه في ذاك الوقت زين تعامل معه تفاعلي
والله والله والله على ما اقول شهيد
ان صديق زوجي متزوج حرمتين ويقول له والله ام العيال احب الي في الفراش
من الثانيه رغم انها بكر لانها مريحتني؟؟؟؟؟؟؟؟؟؟؟؟؟؟؟؟
والله والله
ان واحد قريبي متزوج من ثنتين ويقول حق الاولى الكبيره بعد متعديه سن الياس
يقول ما اقدر انساها ابيها رغم ان الثانيه تهتم مرررررررررره
بس انتي ياقلبي تعوذي من الشيطان واهتمي بحالك وتدلعي عليه تمنعي
خليه هو يحس انك ممنوعه مو تزعلين او تطنشين لا تمنعي بدلع صدقيني يجيك طاير
والاهم من ذالك الدعاء الدعاء الدعاء ان الله يسخره لك والله الدعاء يسوي العجايب
وثقي ان ربي ارحم بك من خلقه