بصراحة كان الله في عون كل وحدة تزوج عليها زوجها !!! أنا انكويت من زوجي بشغلات ثانية منها انه كان يتزوج من جنسية عربية بس بنية الطلاق على قولته ولما عرفت جتني صدمة قوية وقعدت أسبوعين ما أقدر أمشي وحسيت صحتي بدت تتدهور لأني غيورة مرررررررررررة وحسيت النار تجري بدمي وبكيت بكاء مرير لدرجة حسيت اني بموت وحاني التهاب بالمعدة وهذا ومهب زوجة أساسية لها ليلة ولي ليلة >>> أجل اذا كانت أساسية وش بتسوين ..!

لكن ما أقول الا الله يرفع أجر كل من تزوج عليها زوجها وحست بالنار اللي حسيت بها

وبصراحة زواجه عن زواجه تفرق يعني لما يتزوج من بلدي ومطلقة أو لها ظروف أقول ممكن ونصبر !

لكن لما يطق عليك بنت 18 وحلاوة ودلع ومافيه مقارنه بينك وبينها يومها بتحسين صدق بالعذاب !!!

أنا دايما زوجي يرددويقول اذا بغيت أتزوج ثانية ماراح أخذ أي وحدة باخذ صغيرة وحلوة أنا مخربها مخربها أخربها صح >>> ياشيخ ولا أجيب منها عيال أنا بتزوج أستانس مو أنقرف وأربي

فتخيلوا احساسي اني بس أم لعياله ويعبر فيني وقت ألمني كثير ... لكن الحمدلله الحين تحسنت كثير عن أول وصرت أحاول انه مايهمني لو ياخذ ملكة جمال السويد >>> أخاف كلام

بس عن جد يابنات الرجال اذا حس ان زوجته مهتمة مررررررررة فيه زاد الدلع وزاد يقهرها وأنا مع الأخوات مشاءالله عليهم خاصة اللي قالت انها ما اتصلت عليه وهو في السفر ماشاء الله عليها والله وزادها الله من الحكمة

برحع لكم ان شاء الله

أبد بنات شوري عليكم وانا صادقه..انكم تطنشونه اذا بدا يتدللع وايتحكوى ابتزوج واجيب لك وحده وابسوي وابزين خلي اذن من طين واذن من عجين اسألوني كان اذا بدا يتكلم باهلمواضيع يرفع ظغطي وازعل واغلط بكلام ماله داعي ..فكان يعصب ويحلف اني اشوفها وفعلا سواها وتزوج وتعبت وبكيت بكاء مابعمري بكيته الى درجة انه والله العظيم بكى معي يقول ماتصورت انك بيصيرلك كل هالتعب لكن وش يفيد؟ ياله انا صابره ومحتسبه الاجر من رب العالمين عشان بيتي وعيالي زيكم..

اخت عطورات شرقيه ادري مبين انك متضامنه معنا الى درجة انك غلطتي بحق ارجالنا يوم تقولين اشباه رجال لا موب ذولا اشباه الرجال هذولا هم الرجال الله يخليهم لنا اشباه الرجال هم اللي يدورون الحريم بالحرام فهمتي..

الله يصبركن وربي موضوع الضره يرفع الضغط
ماينفع مع الرجل الا التطنيش هاذي كلمه قالها اخوي المتزوج يقولي طنشيها يجري وراك

انا متضامنه معكم وبقوة الله يصبركم يارب ولا يكتبها علينا
وأحس مدري أقول أحس

ان اللي زوجها متزوج خلاص ترتاح من هم تزوج ما تزوج ؟؟
زاغت عينه ولا ما زاغت فهمتوا علي ؟؟
وانا من خلال علاقتي بالناس >>>>>>> الأخت أجتماعية
أشوف ان اللي ما تبين غيرتها ولا تحسسه انها مقهورة يحاول هو يتلزق فيها مو مثل ما نظن انه بيبعد انتم معي والا انا خطا
وبعدين بأقول شي لا تضيقون وتتكدرون يكفي انك اول فرحته ..