السلام عليكم ورحمة الله وبركاته اخواتي في الله احييكم على روحكم الصابره والمجاهده والمكافحه (ولا يلقاها الا الذين صبروا ولايلقاها الا ذو حظ عظيم)

ان صبركم على هذاالابتلاء ليس من باب الحرص على الحياة . اوطمعا بحب زوج او غيره انما ابتغاءمرضاة الله وطمعا فيما عنده سبحانه وتعالى (مايصيب المؤمن من وصب ولا نصب ولا سقم ولاحزن حتى الهم يهمه الاكفر به من سيئاته)فاي فضل اعظم من هذا واي خير نرجو .وانتي اختي الزوجه حين تصبرين على زوجك تكونين من الصابرات اللواتي يؤتين اجورهن بغير حساب اي كل يؤتى اجره بقدر ما عمل الاالصابرون فإنه تغرف لهم الاجور بالمغارف نرجو ان نكون منهم انشا الله. اما غير ذلك من تسخط او تظلم اوسب اوشكوى فوالله انه لمضيعة للوقت من دون فائده ولانثاب عليه بل نؤزر ولانجني منه سوى الخسران والذل والمهانه،والاعتراض على قدرة الله... ارجو اني افدت ولو بالقليل.

ظلمني حبيبي..عليك بالتحلي بالصبر.. الزوج اذا حط موضوع التعدد براسه مستحيل انك تقدرين تمنعينه
اواي قوه على وجه الارض تقدر توقف بوجهه وتقوله لا لاتتزوج..لكن اللي عليكي انك تلتجاين الى ربك بالصلاة وقراءة القران والدعاء لان فيهامن الطمانينه والقوة التي ستتنزل عليكي وتمسح كل ما اهمكي.. كان الله في عونك واثابك على بلواك ونحن السابقون.. و مادمتي تقولين ان زوجك حليم معك ومتسامح الى ابعد حد فثقي انه لن يظلمكي او يسئ اليك بل ستكونين انت الغاليه في المقام الاول ولن ينسى العشره انشا الله.. وكذلك هي ان كانت تخاف الله ستعينه على العدل والله يكون في عونك وعون الجميع امين.

حبيبتي دووف
ياليت تصححين الاية لان فيها خطا

حبيبتي ظلمك حبيبك
اول شي اسمك صراحة يبيله تغغير لان زوجك ماظلمك بزواجه هو تزوج على سنة الله ورسوله وان شا الله مايظلمك
ثاني شي
شفتي هذا الي فيك والي تحسين فيه
اقسم بالله الذي لا اله الا هو اني مريت فيه واكيد كل زوجه مرت فيه
واذا اتبين رابط موضوعي في بداية زواج زوجي عطيتيك اياه
وبنات المنتدى ماقصروا معي نصحوني وفهموني لكن من شدة غيرتي ماكنت اطبق الي قالوه لي
مع العلم ان زوجي كان يمووووت فيني لكني انا الي ضيعت كل شي من يديني بشدة عصبيتي وغيرتي
وتغير زوجي علي
نصيحة لوجه الله تعالى وحطيها حلقة باذنك حاولي تمسكين اعصابك وتخففين غيرتك
نصيحة نصيحة قبل لا يضيع منك زوجك
وترا الثانيه بالبداية هي المفضلة ( اقول لك الصراحة حتى ماتنصدمين ) لكن اصبري وبعد كم شهر بترجع الامور الى طبيعتها
لكن الذكية هي الي بتنتصر
تعرفين تدوسين على قلبك دوسي
اظهري للناس ولزوجك سعادتك واذا فضي البيت عليك وكنتي وحدك صيحي وصيحي ولا تخلين في قلبك حزن الا واضهرية اشتكي لله واطلبي الصبر منه
وانتي صراحة يبيلك وحدة تقف معك بالتلفون على الاقل تنصحك وتظهرين غيضك وغلك عندها عشان تهدين
حبيبتي والله انه كان لي خوات الله يجزاهم بالخيروقفوا معي وقفة ماانساها
وحلفوني بالله العظيم اني مااسوي اي شي ولا يصدر مني فعل الا بعد مشورتهن
وهذا كله لمصلحتي
مثل ماقلت لك شوفي لك صديقة صدوق ابكي عندها فضفض تكلمي لكن انتبي لابد من حسن الاختيار حتى ماتكون من الي يهدمون البيوت ويزيدونك حسرة وقهر
والله اني مستعدة اوقف معك للاخر لاني حاسة فيك
اجووووووووووووك لا تخسرين زوجك من البداية ترا لو ماعرفتي تتعاملين من البداية بتخسرينه وهي الكسبانة
بعدين انتي ماتدرين وش بتكون بنت الناس عليه يمكن تكون لك اكثر من الاخت والصديقة
والله ان عندي كلام كثير ودي اقوله
الله يوفقك وخليك معنا اول باول في هذا التجمع وان شا الله مايكون خاطرك الا طيب وتستفيدين من خواتك السابقات لهذا الموقف

اختي ظلمني حبيبي والله اني حاسه فيك طالما انه لسه ماتزوج حاولي بكل ماتستطيعين انك تبعدي الفكره من راسه واذا ماقدرتي تكوني سويتي الي تقدري عليه اصبري واحتسبي وراح تهدأ اعصابك بعد فتره عليك بالدعاء الدعاء الدعاء في هالايام وكل يوم كل ماحسيتي بضيق واكرب على طول توضيء وصلي وادعي واشكي لربك
انا عن نفسي مادريت الا بعد زواجه بشهرين واشوف كذا احسن

السلام عليكم ياجماعة الخير ويجعلها أكبر مصايبكم وياجركم عليها

أنتم السابقون ونحن اللاحقون <<< داخله مقبره إنتي والا شو هههههه

أقول بصراحه أنا سبقتكم لأني كنت في يوم ما زوجه أولى بس شكلي بلحقكم بعد مره ثانيه

بس ضروفي مختلفه عنكم في زواجه الأول شوي.... بخبركم قصتي قريب

بصراحه بغيت أسألكم خصوصا إللي عندها أولاد..

هل حسيتو بالذنب لما زوجك تزوج عليك إنك ممكن تكوني سبب من أسباب بعده عن أولاده بعد ماكان عندهم كل يوم؟؟

هل بعد ماتزوج صار يقعد معاهم الوقت الكافي ويلبي جميع طلباتهم ؟؟ لأني الحين ماشوفه يلحق
يقعد معاهم فكيف بعدين ؟؟
هل صرتي إنتي المعيل لهم وتلبين كل طلباتهم طبعا مب بالفلوس بالتنفيذ يعني ودي وجيبي وووو ؟؟
لأنكم تعرفون مطالبهم اللي ماتخلص يوم مكتبه يوم عياده ويوم يبون حديقه ويبون ويبون ؟؟

هل تحسين إنه صار الحمل عليك ثقيل ؟؟ وإنه زوجك صار شي ثانوي لأنه مشغول بالعمل وببيته الثاني
ياالله ياالله يلاقي وقت لهم وإنك محتاجه لشخص آخر مثلا أخ، سايق، والا أي أحد يساندك ويشيل عنك شوي ؟؟

أكثر أسألتي عن الأولاد لأنهم هم اللي هاميني في الموضوع كله أما أنا مب مشكله خلوني على جنب

لأني بصراحه أفكر في شي بعد ماتردون علي
بقوله لكم بس أخاف رأيي يأثر في ردكم على أسألتي
عشان كذا ابغي منكم الصراحه

اشكركم عزيزاتي يارب يبارك لكم ويناولكم ماتتمنون