مسحته لاني فعلا اقتنعت بكلامكم وان زوجي وعيالي راح احطهم بعيوني ان شاء الله مهما كان ولا راح اندم باذن الله 0الله يصبرنا جميعا وايضا مسحته عشان ما تتاثر وحده بكلامي وتطبقه وتندم واشيل ذنبها الله يوفقنا جميعا ويصبرنامسحته لاني فعلا اقتنعت بكلامكم وان زوجي وعيالي راح احطهم بعيوني ان شاء الله مهما كان ولا راح اندم...
ياااااااااربي هذي المره ذبحتني يااختي اموت في هالمنتدى احسب زوجك متزوج عليك احمدي ربك واشكريه وتمتعي بحياتك وحببي زوجك فيك وفي عيالك خليه ينسى سيرة زواج ثاني بالله ايش مستفيده غير حرقة القلب والمعده وتوتر الاعصاب وعيالك بعد راح يتأثروا انا من رايي تقفلي الماضي وترميه في البحر وانسي ارجوك انسي لمصلحتك ومصلحة عيالك الله يهديك بس ماقلتي كم لك سنه متزوجه وكم عندك عيال وكم اعمارهمياااااااااربي هذي المره ذبحتني يااختي اموت في هالمنتدى احسب زوجك متزوج عليك احمدي ربك واشكريه...
المهم احسبوها لأني استحي اقول كم عمري .. طيب طيب خلاص عمري 29
ثانيا بحاول قدر الإمكان إني اسرد قصتي للعبره وبحاول ماأغتاب حد << احلفي
قبل كانت بينا مشاكل عاديه متنوعه من سكن مع أهل الزوج ودراسه في الجامعه وبعدين شغل
طبعا كل شي كان بشوره يعني هو يباني ادرس واشتغل وأعيش مع أهله بس قبل هذا كنا مضرب المثل في العايله
ومرّت الأيام بحلوها ومرها
المهم تغير بعد كم سنه من العمل والترقيه وصار مغرور بنفسه وإنه من حقه ياخذ أربع وكل شوي ويقعد يمدح لي في فلانه وعلانه من الأهل وإنهم عوانس رغم إنهم ماوصلو الثلاثين بس عشان يبرر لنفسه
وإنه من الواااجب << شوفو بالله
إنه يستر على بنات عايلته <<< بس الحمدلله كلهم تزوجو مانتظروه لين يتكرّم وينقذهم
المهم كانت فترة زواجه في وقت كانت اخته محتاجته هي وزجها وأنا قمت باللي كان المفروض عليه
هو يسويه ويكون جنبها بهذي الفتره
و حضرته بكل برود خلانا معتفسين في هالفتره وقال انا مسافر اسبوعين عندي شغل << وأنا الغبيه صدقته
المهم انشغلت في هالفتره مع أخته وسويت اللي علي والله يأجرني يارب
ولما رجع بدأ حركاته كله ماهو عاجبه وإني ما أفهم شي وعلى أتفه شي يسيب البيت ويخليني
كنت أدعي ربي يثبتني لأنه خلاني مثل المجنونه ماني عارفه شو الغلط إللي قاعده أسويه بس كنت أبغي أعرف ليش قاعد يعاقبني بهذي الطريقه بس أبغي أفهم وين الغلط اللي سويته !!!!!!
أثرها بدايه عشان يلاقي له مدخل وعذر عشان يبشرني بمصيبته
طبعا هي من بلد ثانيه وأصغر مني بخمس سنوات كان منتظر فيزتها تخلص وقال لي مره ثانيه إنه مسافر مدينه قريبه من هنا لأنه قعد يفرش بيت الزوجيه ويرتب لها أمورها واتسلف ودفع لها ولأخوانها
إللي وراه وقدامه عشان يرضيهم وشفت كل شي بالفواتيرررررر
وأنا ماكان يحط درهم عشان عياله كله أنا متحملته لأني كنت أيامها أشتغل لكن الحين قعدت على قلبه
المهم صدقته إنه رايح شغل وراح وهو كله غرور إنه خلاص لقى حياته وإني خلاص مالي لزمه
أنا وعياله << كل ماأطالع وجهه أتذكر هذاك الوجه الناكر الظالم الله يسامحني بس ويعني وأنسى
ويجي بعدها بثلاث أيام وشفت عليه تغيير ووجه ماهو هذاك الوجه الشراني الوقح
الظالم صار وجهه وجه واحد ضايع بالدنيا ماهو عارف شو يسوي
سبحان الله انكشف أمره وقعد يبكي وأنا بكيت وقلت له خلاص طلقني خلاص شو باقي بعد تسوي فيني
أكثر من جيه ؟؟
وقال لي خلاص إذا طلاق بطلقها هي إنتي لأ << الحين راحت السكره وطلعت حرمه مثلي مثلها مافيها شي زايد
قلت له لأ هي مالها ذنب تطلقها ومالك شهر متزوجها... طلقني أنا لأني خلاص ماأبغيك
وقعد يتأسف ويعتذر ويوعد
المهم اختصارا لموضوعها عذبها عذااااااااااااااااااب عشان تطلب الطلاق وهي ماهي راضيه
هي طلبت منه يوم واحد في الشهر والباقي لي
وطبعا رافض إنها تحمل وهي كانت ودها تحمل المسكينه
المهم أنا مارضيت بالظلم قلت في نفسي خليني أتطلق وخليها تاخذه عاد من زينه أتمسك فيه<<توها قالت مابتغتاب
وحاولت أتطلق بشتى الطرق بالسب والشتم واللعن حتى طرد طردته من بيتي لكن لأن الله كاتب
إن لها نصيب مع غيره وإنه بيعوضها لأنه مايستاهلها هي حافظه القرآن وبنت ناس وجميله وشاريته لكن شو نسوي حظها الردي طيحها معاه
اتطلقت هي بعد معاناه المسكينه ورجعنا لبعض طبعا ماجلس معاها غير الأسبوعين إللي تزوجها فيه في بلدها
وبعدين الثلاث الأيام إللي جات فيها بلدنا << مادري شو صار بينهم لأنه بعد مارجع كان طاير فيها
ومبين عليه إنه ممكن يستغنى عني عشانها لكن الثلاث الأيام اللي قعد فيها معاها هي اللي صار
فيها شي غريب خلاه ينفر منها إلى الآن ماأعرفه !!!
وبعدها خلاااااااااص انتهت علاقتهم صارت مسكينه وحيده في هالبلد مايزورها بس يتطمن عليها بالتلفون وكنت أبكي وأقول يارب أنا ماأرضى بالظلم يارب افرجها علينا يارب ماعمري فكرت اظلم قطه كيف يحطني بموقف مثل هذا مع إنسانه شريفه حافظه القرآن ؟؟
لكن اللي صار صار واتطلقت وسمعت الحين إنها اتزوجت الله يعوضها يارب ..
بس بصراحه اللي انكسر مايتصلح خلاص الموضوع صار له أكثر من خمس سنوات وإلى الآن
ماني قادره أنسى اللي سواه فيني مااااااااااااااااني قادره وأفكر بالطلاق كلللللللل يوم
لكن عشان العيال قلت خلني أتحمل لكن صرت عصبيه وأتفه شي أعصب عليه وأقوله سوي حركاتك
أكيد هذي بداية لمصيبه جايه
المهم
بعد ماكان بيتنا مضر ب المثل في الطمأنينه والهدوء صرت أتخيل البيت بينهدم في أي لحظه
والحين إذا فكّر يتزوج أنا عاااااااااااااذرته لأنه ماصار بينا موده ولا ثقه ويقول لي بكل برود إنتي ليش مانتي مثل زمان ؟؟؟ شوفو بالله ؟!!
هو حاسس إني أعامله
مثل العدو إللي لازم أحذره عشان كذا علاقتنا مد وجزر وأتوقع يسويها في أي لحظه .. وماعندي مانع
لأني خلاص ماأبغيه وحلال عليها إللي بتاخذه أنا اللي بتنازل عنه بالكااااامل لها بعد
لأنه من النوع إللي ممكن يتنازل عننا بكل سهوله لأنها صارت أشياء كثيره بعدها أثبتت لي هذا الشي ميه بالميه
ماأقول غير حسبي الله ونعم الوكيل على كل ظالم