الله يجزاكم خير ياصديقاتي
والله العظيم اني داعية لكل وحدة منكم بالاسم
هدؤ المسا
ريم
دوف
هذاك اول
احب الله والرسول
واموت في هذا المنتدى
ودعيت لبنات منتدانا بوجه عام

آمين الله يصبرك ويعوضك خير..
يعني عدم الخلفه منه هو!
المهم هنا..تصرفات ضرتك سلبيه مره
مو تجاهك انتي زي ماانتي حاسه لا
تجاه زوجك وتجاه نفسها الرجل بطبيعته
يكره الحرمه الزنانه مهما كان يغليها
ينقلب الحب لبغض..مع الوقت بيمل من اسلوبها
ومهم جدا تعرفين انك ماغلطتي بزعلك وردة
فعلك فلايأنبك ضميرك..
كونه ساكت وانتي زعلانه وتهاوشين هو سكت
لانه عارف ان اللي حصل غلط واكيد انه ناوي
يأدبها على هالحركه ..
على العموم يامنتظره مافي شك ان زوجك يحبك
ولاكان مابقيتي معاه ..احمدي ربك صديقتي يدخل
عليها بعد اسبوع مختفي عنهم ثاير ياكافي..
علشان ماحد يحاسبه يقول لها لاحد يحاكيني..
يخاف يصير بينهم احتكاك..
قالت له رح الله حسيبك اصلا النفس طايبه منك..
احمدوا ربكم اذا شفت مصيبة غيرك هانت عليك مصيبتك.
زوجك عادل بينكم ولاهو اول واحد تزوج علشان الخلفه..
ياكثرهم..
على العموم انا قلبي حاس انك بتحملين قريب وتبشريننا
والحمد لله عمري ماخيب ربي رجاي..
الله لايحرمك فضله.
***

لالا ياريما زوجك مو مستقوي ولاشي..
بس انتي صرتي حساسه زياده ويمكن عنيده شويتين
لانك صرتي تقارنين ويمكن ترى بعض المقارنات
تبنى على وهم وظن على شي مو واقع بس تتخيلين انه
صار.
نصيحه لاتحسين ان زوجك مستقوي عليك ومفضل غيرك
لان هذا من وسوسة ابليس..
وبعدين انتم يابنات اختاروا واحد من اثنين علشان ترتاحون
وتريحون..
اما تصفطونهم على جنب ولاعاد يصير لهم وجود بحياتكم
وهذا طبعا غلط لكن يمكن البعض يفضله ويرتاح عليه
وهذا بعد يتقرر على حسب عدل الرجل او ظلمه..
او تتعايشون مع حياتكم زي ماهي وتتحملون وتحتسبون
الاجر..لان هذي هي طبيعة الحياة..
وين ماوجهتي لابد تبتلين لابد لامناص ولامهرب من الابتلاء..
فكري زين واختاري وقرري ربي عطاك حرية الاختيار..
الرجال يبي لهم اسلوب وتنازل علشان نكسبهم ..
واللي بتقول تنازلت كفايه ضحيت كفايه انا اقول اللي جاي
علشانك وعلشان عيالك كل اللي تسوينه لك انتي اذا كان الزوج
طيب ويستاهل..
ولاهو حسدا في الثانيه اللي نصيبها وقدرها جابها لكم..
لكن الحياة قامت على المنافسه واعتبروا كسبكم لازواجكم من المنافسه
في العباده..
فما تقربت امرأه لربها بأحسن من حسن تبعلها لزوجها..
بس انا ودي افهم شي واحد ليه احنا مقنعين انفسنا ان الرجال اذا تزوج
معناته نقص فينا!!
ليه نعتبره غدر فينا!!
الرجال ربي خلقهم فطرتهم كذا..التعدد حلم كل رجل سواء قدر يحققه او مات
وماقدر..
فطره مالها دخل لابشكلك ولا عمرك ولاجمالك..شي بنفسه ..
صحيح ان فيه رجال خربوا نظرتنا للتعدد بظلمهم وجورهم..لكن العيب فيهم
مو بالتعدد..العيب في رجال اسمه رجال وتغيره شهوه..
بس لابد نفهم ونقتنع ان زواجهم ماهو نهاية الدنيا..وان زواجهم في الغالب مو لعيب
فينا ..
وبكذا نرتاح على الاقل يظل عندنا احترامنا وحبنا لانفسنا..
وهذا الاهم.

اختي العامرية الله يجزاك خير والله ياكلامك انه بلسم شافي
وشوفي ياحبيبتي
الواحد ماعنده غير الكلام ان قال كلام يريح النفس ويطيب الخاطر لقا قبول عند السامعين وانتي لقيتي قبول بقلوبنا قبل اسماعنا
مانقول الا الله يجزاك خير على وقفتك معنا والله يسخر لك زوجك ويجعلك حضه الوحيد من حريم الدنيا
واستمري الله يخليك معنا لا تحرمينا من كلامك وتوجيهك الرائع

آمين يامنتظره
رجانا بالله سبحانه مو برجال
واللي يرتجي ربه مايخيب ولايضيع
الله يجعلني خيرا مماتظنون ويستر مالاتعلمون
وبالعكس انا استفدت منكم اكثر مما استفدتوا مني..
عسى الله ينفعنا ببعض ويجعل اخوتنا خالصه لوجهه
ويجمعنا بجنات النعيم بعد عمر طويل على زيادة عمل
صالح..
الله يحفظك ويرعاك ويزيل همك ويربط على قلبك بالسكينه
والرضا والتسليم.

السلام عليكم
بنات ما عليكن من الضره تراها تغار منكن
اختي تزوجة متزوج وكانت تغار من الزوجه الاولى